مذكرات سعودي ملحط يبحث عن وظيفه ج5 (اللي مايدخل بأرسله الجمره الخبيثه بالإيميل)
رجعت بعد الإختبارات علشان أكدر عليكم...
ورجاءً تشوفون الجزء هذا ولا تفشلوني :( ... وانا محتاج منكم دعم معنوي...لأن عندي إختبار (102سلم) اليوم الساعه 2 الظهر.
أنا سويت اللي علي والباقي على الله... دعائكم تكفون.
هذاالصفحه الخامسه من مذكراتي وأتمنى تعجبكم...
الصفحه الأولى
الصفحه الثانيه
الصفحه الثالثه
الصفحه الرابعه
(الصفحه الخامسه)
مقدمــــه
مذكرتي العزيزه ... أتمنى ألا أكون قد تأخرت عليك اليوم ... وقع حادث اليوم في أحد الطرق السريعه ... وبدل من أن يساعد الناس المتضررين أراهم قد تجمهروا ليتفرجوا
http://www.theunholytrinity.org/crac...en/council.gif
،وهذا سبب تأخري عليك فأنا قد تجمهرت معهم بغير رأيي... فقد علقت في الزحام...
كححح..كححح... أححم.. أنا إصبت بنزلة برد أخيراً ، وأنا لا أستغرب إصابتي باليرد ولكن أستغرب أني لم أصب به طوال هذه المده... ولكن هذا الزكام لعين ... يكتم أنفاسي .... ويزيد من ضيق الحياة علي...
قد لا يحتاج الواحد منا لمصيبه أو مشكله كبيره... حتى يتكدر عليه عيشه...
ولكن يكفي أن تأتيك المشاكل الصغيره بكثره ،لتكون سبباً حقيقياً في تعاستك...
والمشاكل الصغيره إذا إجتمعت أصبحت أكبر من مشكله كبيره واحده...
أححممم... كححح...
أين توقفنا في المره الماضيه؟؟ نعم توقفنا عند أول وظيفه أهليه... عند "وظيفة رئيس دوله" .
أحس بالنعاس يلعب بأجفاني... ولكني سأتحامل على نفسي وأخبرك بباقي القصه...
وضعي بدون وظيفه سبب لي الكسل... فأصبحت أحس بالنعاس في كل الأوقات ،مما سبب لي خلل في النوم... الوقت الآن بعد الفجر بقليل ... ولكنه وقت غريب لي للنوم...
ولكن من يهتم بعاطل مسكين... على كل حال سأروي لك اليوم عن قصتي وأنا "مربي أطفال".
الوصول للمطار
بعد ما وصلت للمطار ما حرصت إني آخذ الشنطه... وتركتها هناك... فالموجود فيها غير مهم ... تاج من القش ،يوم كنت رئيس للجزيره... سروال من الجلد، ما ينفع لو غسلته بتتغير ألوانه...
ثمرتين من جوز الهند... كانت هي راتبي عن يومين "كرئيس دوله"،ما أشتهيه... خصوصاً إني كلت منه لين طلع من خشمي يوم نفوني...
ولكن الظاهر إن المشاكل تتطاردني... فبمجرد إني وصلت الغرفه تفاجأت بعشر سيارات شرطه تحوطني (حلوه تحوطني)، وإكيد بعد هذي الزحمه إعتقلوني... وهناك عرفت إن سبب إعتقالي هو الشنطه...
وليش تترك شنطه في مطار؟؟؟ كذا قالت لي الشرطه...
وبعد تحقيق طويل ولعنة خير... وبعد ما تأكدوا إني مالي علاقه لا بمافيا ولا بتنظيم قاعده... أطلقوا سراحي بعد ما وقعت تعهدات كثيره مره...
وأنا كنت أبي السلامه بس ..فكنت أوقع على اللي يبونه.
من التعهدات اللي وقعت عليها ( حسب ما أذكر) تعهد بعدم تكرار أحداث السنه الماضيه (والله إني زيكم ما أدري وش يتكلمون عنه)... وتعهد ثاني بعدم الإعتداء على الجيران... مع إن ما حولي أحد ساكن...
وتعهد دفع الضرائب... لا تعليق... وأخيراً تعهد بالإبلاغ عن أي شخص يشتبه بتعاونه مع جهات معاديه... الجماعه هذولي ماهم صاحيين...
وفي النهايه سامحوني على إني تركت الشنطه في المطار... أنا وش غلطت فيه بالضبط علشان يسامحوني؟؟؟ والله ماأدري... وأخذت معي الشنطه ورميتها في أحسن مكان لها... رميتها في الزباله.
بعد التعب والإحباط في أول وظيفه وما تبعها من إعتقال => الله يقطعني يا نيلسون مانديلا...
قررت أتصل على أقرب واحد لقلبي وهو زميلي اللي يشبه الفار => هذا سر بيني وبينكم لا تقولون له.
تووووووووت..توووووت.
زميلي: الو.
الوسط: ألو أن "الوسط".
زميلي: هلاااااا والله ، ماشاء الله ركبتوا تليفون في الجزيره ، وااه وبديت تطور الجزيره يا ولد.
الوسط: أنا في غرفتي.
زميلي: نعم!!!!!
وطبعاً كان لازم أحكي له عن اللي صار... وطلب مني ملاقاتي فورا ً، وإعتذرت منه لحاجتي للراحه.. وإتفقنا على أن نتقابل بكره في الصباح.
وبعد ما أخذت دش دافي رحت للسرير وحاولت أنام...
بدايـــة جديده
ميييييييييااااااااااو...ميميييييياااااااوووو http://www.freakygamers.com/smilies/.../angryfire.gif .
عرفتوا من صاحب هذا الصوت ؟ والله مافيني حيل أعصب، علشان كذا بأنقهر بهدوء...
ولكن صارت معجزه غريبه... ونمت
وطبعاً كالعاده كوابيس...
فحلمت إني لا أزال في الجزيره وإن أهل الجزيره خمت معهم إنهم ياكلوني.. وأخذوني وطبخوني ، وحطوني على السفره.. وبدوا يتعشون... وشفت نفسي إني قاعد آكل نفسي معهم... ما قلت لكم أحلام غبيه.
وصحيت وأنا أعض يدي... أنا ماكنت جوعان ولكنه حب مساعدة الغير في قهر نفسي..
غيرت ملابسي ونزلت أفطر فطور خفيف... وقابلت زميلي...
زميلي: لا يضيق خلقك،وتراك منت أول واحد يستقيل.
الوسط: أنا أكيد ماني أول واحد يستقيل... يستقيل؟؟؟ أنا إستقلت وإلا إنطردت وإلا وش صار بالضبط... ماهي مشكله.. انا ماني أول واحد... يعني ،يترك الشغل... ولكن بالتأكيد أنا اول رئيس دوله يترك الشغل.
زميلي: وش رايك ترجع لعم"عبطو".
الوسط: أرجع لعم "عبطو"؟ إنت صاحي أنت؟؟ بعد كل اللي صار؟؟؟
زميلي: الرجال ماله دخل ... وبعدين اللي صار حظ سيء... المره الجايه أحسن.. أما إذا ودك تجلس بدون وظيفه... فهذا شيء راجع لك.
الوسط: أنا... والله مشكله... أبغى وقت أفكر...
زميلي: خذ راحتك، فكر زي ما ودك...
وهكذا مذكرتي العزيزه بعد هذا الموقف بعشر دقائق كنا عند باب مكتب التوظيف الأهلي ، مكتب عم "عبطو"... ودخلنا عليه.
عبطو: أهلاً، كيف حالكم... كيف حالاك يا وساط.
الوسط: إنا لله ، هذا الرجال ما يعرف يتكلم للآن، زي العاده بأصحح كلامه بين قوسين.
عبطو: إيش رجعاك (رجعك)؟ إنتا (أنت) ما توظفت في جزيراه (جزيره).
وبكلام مختصر شرحت له ما حصل ، فبدأ قليل الأدب بالضحك.
الوسط: ألحين ياعم "عبطو" أحر ما عندي أبرد ما عندك.
زميلي: ما عليش يا "وسط" الرجال يبي يمزح معك شوي.
عبطو: والله إنك سبهاه (سبهه) يا ولدي ياوساط(وسط). .. يمكن انت الوحيد اللي ينطرد من وظيفاه (وظيفه) زي هذي في أقل من أسبوع هههههههه http://www.theunholytrinity.org/crac.../corkysm84.gif ... لكن ما عليك حنقالك وظيفاه (وظيفه جديده... وراح أستعمل نفس المعلومات اللي أخذتها منك آخر مراه (مره).
وقام "عبطو" يضغط على أزرار كثيره وطلع له ورقه ملونه... المره هذي كان لون الورق فوشي... وعليه كتابه قرأها "عبطو".
عبطو: الوظايف المتوفراه (المتوفره) هي:
· حرامي.
· مربية أطفال.
· سواق سيارة زباله.
· خدامه.
هااااه ... إيش رايك؟؟؟
أنا مارديت عليه ونظرت لزميلي اللي كان مثلي مستغرب من نوعية الوظايف http://www.theunholytrinity.org/crac...Oogle_anim.gif .
زميلي: طيب.. مافيه غير هذي الوظايف؟
عبطو: والله للأسف، هذا الموجوط (الموجود)... بعد فتره حيوصل وظايف جديداه (جديده) وإذا كان وطك (ودك) تأخوذ (تاخذ) وحده منها مؤقت، ولما تنزل وظائف جديده أكلماك (أكلمك).
ونظر لي زميلي نظره حائره يسألني فيها عن رأيي.
الوسط: عطني وظيفة مربي أطفال... مادام الدعوه مؤقته ما عندي مانع.
ونظر لي زميلي بأرتياح وإبتسم :) وأعطانا "عبطو" أوراق إعتماد المكتب وعنوان البيت اللي بأباشر فيه عملي" كمربي" وماهو"مربيه" بعد نقاش حاد بيني وبين "عبطو" على المسمى الوظيفي.
مذكرتي العزيزه أعتذر عن الإكمال اليوم فأنا أحس بالأرهاق الشديد.. وأعتقد أني سأتوقف بعد طول عناء اليوم وسأكتب لك قصتي مع الطفل "بقلوظ" الذي كلفت بالعنايه به... وأثُبت لك أن الأطفال ممكن أن يسببوا لي التعب... مثلهم مثل الشرطه والمطافيء وغيرهم...
جميع الحقوق محفوظه الوسط 2001
