البنات والمكياج و التصرفات الغريبه

البنات والمكياج و التصرفات الغريبه

موضوعي اليوم مثير للجدل يمكن بس انا بعتقادي .. لا

سبب الموضوع :

في مرة رحت مجمع تجاري . . (مول)

و نا أتمشى مع ربيعي و بعد ما طلعنا .. قعدت افكر بروحي ليش !! . . .

ليش بعض البنات المسلمات يسوون جي ! مع انهم يعرفون انه حرام ..

مثلاً :

بنيه: (أي بنت ) لابسه عبايه و محجبه و لكن المكياج الصارخ في وجهها .. !! لماذا لمن هذا كله ؟؟ هل هو لناس .. (( كأنها تقول تعالو شوفوني ))

لا أدري ما أقول لهذه الاشكال . !

و لا المثال الثاني ... البنت ألي تطلع شعرها .. هذا انا اسميه أستهبال

تلبس لك حجاب اونه و نص الشعر طالع . من وراها !! او البكله مغطيه ويها (( غشايه )) يمكن موضه بعد (( الله يعلم بشو يفكرون ))

الاخطر من ذلك وهم قله و الحمد لله ..

بنات الجنز . . يعني الحين ليج العبايه يوم انها لابسه مثل هل لبس . .

بختصار لماذا !

يعني انا ارى بأنه أنتهاك حقي وحق غيري كأنهم يرغموننا على أن نرا محرماتهم ... أليسو مسلمين

(( رأي الشباب في نقاش حاد في أحدى أيام الجامعه ))

\ سأل شاب ربعه ( شو رايك بهايل ألي يسون كذا وكذا .. )

قال اعتبرهن غبيات و قلة أدب و انتهاك لحقي وحقك و ضعاف نفوس . .

فسألت واحد غيرة انت تقبل بوحده من هاييل كزوجه .. ( قال عن الهبل انا مخي في راسي )

يعني بختصار مجتمعاتنا ترفض هذه الاشكال المنتشرة

في الخليج و خاصتا ً الكويت بشكل فضيع ( لا أقصد الاهانه ولكنها حقيقه )

أما نحن في الامارات فنادرا ً ما ترا هذه الاشكال في الفجيرة مثلاً . .

لكن سترى من هل الاشكال كثيراً في دبي و سبب هو الجنسات الغير عربيه . .و غيرها ؟



====

لسبب

السبب هو طبعا ً ظعف الوازع الديني لديهن .. و هذا يعود علينا نحن كمسلمين فكلنا محاسبين على ذلك .. فأن كانت عندك نصيه أخرجها

===

لهذا أنا اعتبرها تصرافت غريبه خارجه عن فطرة الانسان . .

معك حق في كل اللي قلته شيء يقهر من جد الله لايبلانا

انا صديقتي ( الحمد لله تركت هالأمور ) كانت تسوي كذا ولما قلنا لها مو زين اللي تسوينه

تقول استحي قدام قريباتي اكون انا الوحيده اللي متستره بيتمهزون :31:

وبعضهم للأسف نيتهم شينه تبي تلفت نظر الشباب

والبعض بس كذا عاجبها الوضع مافي نيتها شيء بس استهتار :31:

ضعف الوازع الديني مثل ماقلت و التقليد بقوه خصيصا المراهقات -_-

ومشكور

اقتباس:

---

معك حق في كل اللي قلته شيء يقهر من جد الله لايبلانا

انا صديقتي ( الحمد لله تركت هالأمور ) كانت تسوي كذا ولما قلنا لها مو زين اللي تسوينه

تقول استحي قدام قريباتي اكون انا الوحيده اللي متستره بيتمهزون :31:

وبعضهم للأسف نيتهم شينه تبي تلفت نظر الشباب

والبعض بس كذا عاجبها الوضع مافي نيتها شيء بس استهتار :31:

ضعف الوازع الديني مثل ماقلت و التقليد بقوه خصيصا المراهقات -_-

ومشكور

---

يعني هذا الي اقصده .. مثلا لو كانت كل بنت تنصح .. ربيعتها على الاقل بكون في تراجع عن هل الاشكال. .
شكراً على درج

السلام عليكم ’ اهلاً عبودي ..

الحين انت تكتب كم موضوع وتطلع ولاعد نشوفك !؟ ولا وش وضعك :06:
---
انا معك صراحه في رأيك .. هالأشكال الكثير سبب قلة ادبها واللامبالاة فيها هو انعدام الوازع الديني او شبه انعدامة ..

فيا كثر هالأشكال حتى عندنا للأسف .. يمكن عندكم بشكل مزري لكن عندنا والله بشكل كبير

حنّا نحاول البحث عن الحل ... ولكن للأسف ان هالحركات تنمو معهم من يوم ماكانوا صغار !!!!

واللي يحزنني اكثر (اتمنى تأذن لي بأخرج عن الموضوع شوي)

اللي يطلعون خارج البلاد المسلمة .. وتروح العبايه والحجاب وكلش (&) ..

هذا قويه مره وكأنها تقول: انا ماحطيت الا عشان العادات والتقاليد . مب عشان تعاليم الدين ولا عشا الدين >_<

طرح رائع واتمنى طرح حلول لهالمشكلة ... اشكرك

الموهوب ,,,

الحال منتشرة وبدون تخصيص..في كل مجتمع يمارسون اللي يبون إلى الحد الأقصى المسموح فيه
بعضهم مو عن سوء نية لكن نمط حياة ومجتمع وأشياء تعودوا عليها ..الله المستعان وهدانا وإياهن ..

:p لوول ذركمتني في أبوي وايد يحقد على هالنوعيه ..الي لابسه حجاب وجنز :p like what the hell man
ولا النوع الثاني الي تلقاها محتمشه عدل لكن... مطلعه قذلة من جدام او مثل ما قلت نص الشعر طالع من ورا :p
أنا أقول مالهم داعي هالنوعيه يحتشمون :p مع انها سيئاتهم بتكون أقل من سيئات الfree chick ..
وسالفة المكياج .. صراحة no affence أكثر بنات يترسون ويوهم بودر وخرابيط هو " الخليجيات " ..
يعني لو شفنا الأمريكان والأجانب تلقاهم قليل يحطون ميكاب وانا اتكلم عن ناس عاديه ...مو مشهورين ولا شي .. أممم واذا لفينا شوي على الزلمات " لبنانين , فلسطيين , سورين whatever ...تلقاهم يحطون ميكياب بس بطريقة أهون .. ما يصبغون الويه بالكامل ...! , وانا عن نفسي صراحة :p اشوف انه المكياب احيانا يخليهم قبيحين .. انا أٌقول ميكاب خفيف أحلى شي هذا اذا كان عندها low confedence in looks ..أما اذا لأ ..فماله داعي ميكاب اصلا الا بالمناسبات ..

وفي ظاهره نسيت تذكره " حف الحواجب " :) ترا هم حرام هالشي ..بس مادري
البنات طايحين يحفون بالحواجب :p جنهم a pin line ..

هذا طبع المرأة في كل دول العالم .. شي طبيعي :)

لكن

اقتباس:

---

اللي يطلعون خارج البلاد المسلمة .. وتروح العبايه والحجاب وكلش ..

هذا قويه مره وكأنها تقول: انا ماحطيت الا عشان العادات والتقاليد . مب عشان تعاليم الدين ولا عشا الدين >_<

---

هذا الي قاهرني
في الدول الاوروبية مثل فرنسا - ايطاليا - سويسرا و الدول السياحية الاخرى
نسبة المتحجبات من الخليجيات ما تتعدى الـ10% !!
الا كبار السن طبعا :p

المكياج:
انا الصراحه احط ..
بس مب لدرجة انه يكون جني سايره عرس او شي .. بس شي خفيف ..
ولا تسألوني عن السبب .. انا بس تعودت على اني احط .. وعموما اطلع بدونه اذا ما كان لي مزاج .. خاصة في الكلية ..

الشيلة:
ههههههههههههههه .. ذكريتني ببنات .. يكون عرض الشيلة تقريبا شبر بس .. وتكون العباه شوي نازله من ورا .. فالشيله تغطي بس الجزء السفلي من الشعر .. والظهر والرقبة يكونون طالعين والنص اللي جدام من الشعر ..
ترى هاذي موضه الحين!

الجينز:
بعد الصراحه البس .. لانه اريحلي خاصة ايام الدراسه واذا ورايه مشي وايد ..
بس العباه في العاده تغطي وما ينشاف شي يعني ..
انا مستحيل اظهر بعباه مفتوحه وتحتها بنطلون ..
بس اذا العباه مسكره عادي


ووينك عبودي من سنين عنك :p

شكلك كاتب الموضوع ومتحسر على الي قاعدين نشوفه هل ايام وانا حاس فيك والله

وحبيت اقولك ان مانقدر نسمي هل بنات اغبياء لان فيهم المثقفات وفيهم دارسات وفيهم المعلمات لو نسميهم المغفلات احسن;)

لانهم فعلن مغفلات تدرون ليش ؟
لان زينة البنت حق زوجه مو حق ناس والبنت الي تتزين وتطلع تعتبر زانيه والبنت الي تحط عطر وتطلع تتمشى تعتبر زانيه فمابالك في الملابس هذول سلمك الله ومانقدر نقول لهم الا الله يهديهم

انت شلون تقول مجتمعاتنا ترفض هل اشكال اهو صج ترفض هل اشكال بس الي قاعدين نشوفه في هل جيل من شباب انهم يرحبون بهل اشكال اكيد انتو شايفين مثل هل مواقف والحين صار شي طبيعي تشوفه وسبب كل قلة الحيا


وبعدين انت شلون تقول ينتشر الجينز في الكويت بشكل مو طبيعي يبا احنا حالنا حالكم اكيد انت رايح مكان كله وافدين وقلت ينتشر في الكويت بشكل مو طبيعي الله يهداك بس قلبته فضيع مره وحد اهو صج في بالكويت مثل مافي في الامارات بس بشكل قليل ونادر انك تشوفه

ولو خليت خربت
:)

صح عبودي .. الاخ في الرد الاخير وياه حق ..
يعني تقريبا معظم البنات الاماراتيات الحين يسوون جيه . فمب حلوة تحدد شعب معين ..

موضوعك مو غريب ... الغريب ان خارج السعودية البنت تكون طالعة almost topless
و محد يتحرش فيها او يرمي عليها كلام

بس هنا بعض البنات تتمكيج او تحط ظل بسيط - تلقى وراها طابور من المتحرشين و افلام اكشن تصير اذا كانت راكبة مع السواق لحالها ..
:06:

أعتقد الأهل لهم دور كبير كبير
يعني إذا أهل البنت راضين إنه بنتهم تطلع جيه جدام العالم والناس فخلاص يعني ..
ما أعتقد إنه ربيعتها أو أي حد ثاني بيهمها .. إلا إذا فعلا كانت عندها صديقة تعزها وتهتم لنصيحتها .. وهذا بعد نادر :blackeye:

المكياج حلاته في المناسبات ..
وإلي تلبس عباة مسكره ومب مفتوحه فعادي الجينز وأي لبس ثاني مدام الناس ما بتشوفه ..

إنزين ..
إلي يقهر في الموضوع أكثر ..
إنه مثل ها البنات يطلعون ويا اخوانهم الكبار أو حتى ابهاتهم المراكز ويكونون عادي يعني مكياج وجينز وها الاخو إلي وياها شو خانته بالضبط؟ عادي عنده اخته تطلع جذي؟ وهو وياها؟ وما يقول شي؟ :blackeye:
لا تقولون ما شفنا ..
شفت وايد بنات يطلعون بها الشكل ويا اخوانهم ..
شو رايكم في ها الإخوان؟ قبل لا تحكمون على ها البنات .. :31:

اقتباس:

---

المشاركة الأصلية كتبت بواسطة Rory

أعتقد الأهل لهم دور كبير كبير
يعني إذا أهل البنت راضين إنه بنتهم تطلع جيه جدام العالم والناس فخلاص يعني ..
ما أعتقد إنه ربيعتها أو أي حد ثاني بيهمها .. إلا إذا فعلا كانت عندها صديقة تعزها وتهتم لنصيحتها .. وهذا بعد نادر :blackeye:

المكياج حلاته في المناسبات ..
وإلي تلبس عباة مسكره ومب مفتوحه فعادي الجينز وأي لبس ثاني مدام الناس ما بتشوفه ..

إنزين ..
إلي يقهر في الموضوع أكثر ..
إنه مثل ها البنات يطلعون ويا اخوانهم الكبار أو حتى ابهاتهم المراكز ويكونون عادي يعني مكياج وجينز وها الاخو إلي وياها شو خانته بالضبط؟ عادي عنده اخته تطلع جذي؟ وهو وياها؟ وما يقول شي؟ :blackeye:
لا تقولون ما شفنا ..
شفت وايد بنات يطلعون بها الشكل ويا اخوانهم ..
شو رايكم في ها الإخوان؟ قبل لا تحكمون على ها البنات .. :31:

---

:D هذا عااادي ... انا اعرف عايله تخلي بنتها تطلع ويا her bf !! وكويتين مو أوربين او لبنانين :p or whatever ..
بس طبعا الأبو ما يدري عنهم ;) .. ألأم والبنت متفقين ويا بعض في الrelatioships .. :p بس ماني قايل أكثر .. ما نبي فضايح..الله يستر عليهم ...
ولا النوعيه الثانيه :p الأخو طالع ويا اخته عشان .. الأخ يتعرف على a female friend of her sister

بس في سؤال يدور في ذهني .. :33: guys say gurls have small mind ...especialy if it got to do with them LOVE emotion and heart ...
فكنت أسأل نفسي.. كم عمر البنت المناسب الي يصلح لها انها تطلع لوحدها برا... مع الثقه فيها انها ماراح تلف يمين ولا يسار ولا تدور على حنان غير حنان أهلها ! ..bf ?

:33: ...همممم

ياخي اللي يسمع كلامك يقول هالبنات ماشين مفصّخات
كل واحد حر بنفسه مافي داعي لهالوصاية على الغير
بعدين إذا تبي تشوف نتائج الوصاية الخ.. تعال عندنا في السّعودية و استمتع بالخصوصيّة حقّت مجتمعنا اللي لجّونا فيها

صادقين..

مدري الموضوع كبيييييير ومالي خلق احلل وكذا

بس كلام الاغلبيه صح..

مدري يمكن اسلوب اهلي مسهل علي الوضع الحمدلله

يعني انا اشدد على نقطة ان الاهل يلعبون دور كبير زي ما قالت روري

مادري لو امي مب حريصة علينا وعلى تسترنا

كان الدنبا والشطيان خلونا نتوه في هالمتهات

الحمدلله وجه مغطى وعباية مسكرة..وابعد يا بعيد :p

لكن نوقطة: اعتقد غطا الوجه مب هو الاسااااس الي يعني اني متسترة

مثلا بالسعودية احس ضروري

لكن معليه في دولة مثل مصر اعتقد الي تتحجب من دون غطاء انسانه متسترة زين زين

لكن من دون مكياج وشعر والخ..

وسلامتكم


اي صح نسيت اقول: (تحرير)
البنت تفرض الاحترام بتصرفاتها واخلاقها

مب كل متسترة هي محترمة..ممكن متسترة غصب وتتمايع وتعلي ضحكها..وحدة يمكن كاشفة ومب حاطة مكياج ومؤدبة وومحترمة جدا..هذولي مثالين بس..

يعني فعلا تصرفات البنت وجديتها وعدم لعبها هم اكبر دليل على احترامها