-
ساعدوا الكيوب؟!؟!؟!
الكيوب قوي و ما في شك و العابه حلوه و كل شيء لكن لأسف ليس مشهور في الدول العربية مثل البلاي ستيشن لهذا ارجو انكم تسوا زيي تقولوا لاصحابكم و اقاربكم عن الجهاز في النهاية احنا المستفيدون يصير تقدر تبدل اشرطة مع اصحابك و اقاربك تجرب الالعاب اللي ما اشتريتها او جديدة و المحلات تكثر من الاشرطة ة تتنافس في الاسعار....الخ
عندي طريقة للعجازين اكتب رسالة في الجوال عن الكيوب و ارسلها لمن تعرف :D
كل واحد يقول طريقة
كثرة الطرق=سرعة الانتشار
آمل انكم تردوا لان قليل اللي يعبروني للأسف:(
GameCube يعجبني الرجال اللي دايما يقولها في بعض العروض:)
-
اناااااااااااااا قلت حق ربعي بس ماقتنعوووووووووووووووو يقولون حق اطفال :غضب: :غضب: :غضب:
مساكين جاهلين مايدرون ان الدنيا تتطور ون الكيوب مهو ب سوبرننتندو الكيووب هو اكثر جهاز شفته متطور من كل النواحي
الرسومات فيه مدهشه
صغير جدا جدا
يده التحكم مرييييحه جدا جدا
لايوجد لودنج بين المراحل
الوانه مرييييييحه لي العين
.............................الى اخ
-
-
هذه المشكلة ما لقيت لها حل حق اطفال هه من متى
لازم تكون الالعاب كلها بعابيع و دنيا شاحبة و مظلمه عشان يصير حق كبار
في الCube Club كل الموجودين اعمارهم 15 فما فوق (الا اذا كان 15 صغار عادي ازود):D
-
عربي لو سمحت
-
-
انا مافي احد أعرفه الا وعلمته
:)
-
انا معاكم اول ما الاقي احد من ربعي اقول له عندك game cubeبس المشكله انهم ما تعودوا على العابه!!
-
أنا للحين ضمنت أربعة من ربعي إنهم حيشتروها والخامس والسادس على الطريق ... اثنين من ربعي كان عندهم نننتندو 64 واشتروا بعدها بلاي ستيشن 2 لكن الكيوب عجبتهم أكثر وقالوا إنها رهيييييييبة ...
واثنين كان عندهم بلاي ستيشن وبعدها اشتروا بلاي ستيشن 2 ومقتنعين بها لكن الكيوب عجبتهم وقالوا إنهم ممكن يشتروها عشان يشوفون الأسطورة رزيدنت إيفل 1 عليها ...
والبقية للحين مترددين ... وإن شاء الله أقدر أقنع أكثر وأكثر لأن اللعب الجماعي فظييييع ورهيييب وتبادل الأشرطة أفظع وأرهب ... وأكيد في هذه الأشياء متعة وانا أبي أستمتع وبس ...
مع محبتي ,,
رايق
-
ممتاز اشكركم
يبدو انا الاخ رايق عنده قدره على الاقناع
رائع يا أخت كربي
اخ زيل شكرا على تعاونك
لاتنسوا زيادة الطرق=زيادة الفائدة للجميع(حتى المحلات؟؟!؟!):D
خاصة انه بقي القليل تقريبا 10 أيام
-
العفو يا أخ Tails&Kirby .. :)
أنا ممكن أذكر لكم طريقتي في الإقناع ...
أول شيء انتظرت أسبوعين لين ما استقر نزول الكيوب في الأسواق وبدأ السعر في النزول وبدأت العروض في الظهور وظهرت كل ملحقات الجهاز ...
المهم أول شيء بدات آخذ صور للكيوب ومقارنات له ولحجمه وألوانه وملحقاته من الانترنت ...
وبعدها بدأت بأخذ صور لأهم الألعاب اللي ظهرت على الكيوب مثل رزيدنت إيفل وسوبر سماش بروذ ميلي وبعدها لويجي مانشيون وويف ريس وروج ليدر وزيلدا وستار فوكس وكيربي تنتن تمبل 2 وماريو سن شاين وبعدين كل ما كانت تنزل صور جديدة لهذه الألعاب بدأت أطبع لها لغاية ما شافوا روووعة الجهاز ...
بعد كذه أعطيت أصحابي عروض وأفلام لأهم الألعاب اللي حتنزل من سوبر سماش بروذ ميلي وماريو سن شاين ولويجي مانشيون ورزيدنت إيفل وزيلدا وسونيك أدفنشر 2 باتل وألعاب ثانية وهم بعد عروض معرض E3 ومعرض سبيس وورلد 2001 ..
بعدها صرت أشوف أهم الأخبار يوميا وأقولها لهم ..
وبعدها قلتلهم عن الأسعار والعروض في أهم المحلات واللي ساعدني إنه أحدهم كان يعرف صاحب محل فقال له وأعطاه ترخيص في السعر على الجهاز الأمريكي لما ينزل ...
وبعد ذلك اشتريت الجهاز الياباني وصرت أقلهم وأشرح لهم تفاصيل الجهاز من الجهاز لليد للألعاب وإحساسي وشعوري والجرافكس والألوان والقوة والدقة والمضلعات ... لين ما اقتنعوا 100% ...
والحين منتظرين نزول الجهاز بعد 10 أيام .. وش رأيكم في هذه الطريقة ؟؟؟
ومشكووورين ...
مع محبتي ,,,,
رايق
-
لا صراحة فنان و شكرا على الطريقة
اما انا طريقتي غير بكل بساطه اقول لمن اعرف GameCube كل ما شفته او كلمته
تقريبا في ثلاثة راح يشتروا هي طريقة لفت انتباه الواحد يستغرب ليش دايما اقولها فيبدأ يسأل و اعطي معلومات عن الجهاز و العابه... و متعة الالعاب خاصة الجماعية و اوريه العروض
لا تنسوا زايدة الملح=خربت الاكله عفوا قصدي
زيادة الطرق=زيادة المتعة
طريقة مجنونة, عادية, رسمية, غريبة, ننتيندوويه,اي شيء
-
العفو يا أخ Tails&Kirby ... ;)
والله إذا أنا طريقتي رسمية ومجنونة في نفس الوقت انت طريقتك غريبة وننتدووية ... يعني ما شاء الله عندك قدرة على الإقناع بسيطة وسهلة وقوية في نفس الوقت يعني أنا استمريت مدى أسبوع ونصف عشان أقنعهم أما انت الظاهر إنك أقنعتهم في ثلاثة أيام .. ما شاء الله عليك ... ;) :D ;)
مع محبتي ,,,,
رايق
-
شكرا اخ رايق :D
ارجو من الجميع المشاركة
لا تخلوني اقول حقت زيادة و يساوي زيادة:)
احد يقولها بدلا عني ;)
زيادة الناس=قلة الاناناس
زيادة الاشتهار=قلة الاسعار
-
والله ما أقول إلا يااااااااااااااااا سلااااااااااااام على هذا السجع زيدني منه من زماااااان ما سمعت منه آخر مرة سمعته من الأخ سعد وبعدها ما سمعت ...
والعفو ...
مع محبتي ,,,
رايق
