الــــــــمرجــــلـــه....

هذه القصيده هي للشاعره (نوف بنت شطيّط العتيبي ) تحت عنوان المرجله وهي مما رات من بعض شباب هذه الايام واتمنى ان تحوز على جزء بسيط من رضاكم واعجابكم


إذا المراجل لبسة شماغ وعقال = قل للعذارى يلبسنّ العمايم

ما عاد يفرق زول حرمه ورجال =دام الفعايل تشبه البعض دايم
المرجله ما هيب كلمه وتنقال =وتروح ما راحت هبوب النسايم

وإلا خشونة صوت أو رفع الأثقال =أو رزة صدور وفعل الزلايم

ولا هي بعد مفتاح موتر وجوال =وإلا ردى لسانن حديثه شتايم

المرجله شيمه عن القيل والقال =رفيع نفس (ن ) حر بالجو حايم

المرجله عقلٍ وزن وزنه جبال =ودون العقل وش فرقنا والبهايم

يا مسندي لو مايل الوقت بي مال =يا ولد أبويه يا عظيم العزايم

يا معرب الجدين من العم والخال =يا نخوة المفزوع وقت الهزايم

المرجله يا خوي هي طولة البال =هي العزم هي الصبر فالظلايم

فيها الكرم عزه دله وفنجال =فيها الكرامه عن ردى الطبع شايم

والدين لامنه خذا القلب منزال =مشى طريق الحق وابليس نايم

ومن لا عرف ربه في طيب الحال =لابد وقت الضيق بالهم هايم

حتى صلاتك مع جماعات ورجال =في خيرها يا خوي نعم الغنايم

ولامن نصف ليلك قم صفي البال =يا عظم أجرك بين ساجد وقايم

ولا من رفع ربي له كل الأعمال =حسن الذكر لا قالو فلان صايم

وخلك شريف القصد يا طيب الفال =سوء المقاصد فالبيوت الهدايم

واحذر تبيع النفس في دب الأنذال =وتتبع خوي إبليس راع النمايم

النفس خيل لك إذا كنت خيّال =ومن لا قوى نفسه قوته الهزايم

ولا صرت ما تدري لو يش أنت رجال =والله خسارة فيك ذبح التمايم

م_ن_ق_و_و_و_ل....


تحياتي اختكم:عــبوطه زقــرتــيه....:)

تسلمي اختي ويسلم ذوقك
وصح لسان قايلتها .. فعلاً هذي اهداء لبعض شباب هذا اليوم اللي الواحد احسن شي يقوله يوم يشوفهم: الحمدلله الذي عافانا مما ابتلى به غيرنا وفضلنا على كثير من خلقه .. واللهم لا شماته :)
نقطة:" وإلا خشونة صوت أو رفع الأثقال =أو رزة صدور وفعل الزلايم"
اضيف عليها ..
وماهي كروش (ن) او رفع الاحمال .. من وزن يقعده ولا هو بقايم
:)
( الجسم السليم في العقل السليم ) هذا هو المقصود .. بغض النظر على ان الكرشة صارت ( علامة الجودة ) لأهل الخليج .. من فعل الذبايح والمفطحات
حازت على كل رضاي واعجابي .. يعطيكي العافية
وشكراً
أخوكي Mr.FMZ

Mr.FMZ....تسلم خيو عالمرور المنور والزقرتي ويعطيك الف عافيه عالاضافات الروووعه...وحلوه الكرووش..جبتها رااايت...ياكثرهم بالكويت..:D

يسلم لساتك (زقرتيه) ويريت الشباب يدرك أن شيم الرجال هدف بالغ الأهمية لكل رجل

وبهذه المناسبة يسعدنى أشارك بهذه الأبيات المتواضعة:

مافى شفاعة يوم تعمى البصيرة وماينفع الترقيع فى الهدم لا ذاب
المرجلة ع غير اهلها كثيرة المرجلة يابنت جود(ن)على وجاب
وأفعال تحلى الوجاع المريرة تلطم سفيه(ن) فى محصاينها عاب
المرجلة ماهى بلبس المريرة وماهى تجرجر صوف وعبى وثياب
اللى براسى ماتشيله قطيره وخلى البلاوى بذكرها طى التراب
اليوم صار اللاش عالى نعيره مرتاح فى نومه ولا عامل حساب
يقول انا قاضى وشيخ العشيره وعمده وذيب وشاعر وهو كذاب