تجربة ستار وورز وبيكمن

عشان خاطر المراقب ركن ولف قمت بعد جهد جهيد بتجربة لعبة ستار وورز في نادي الكيوب نظرا لاستمرار الزحمة على اللعبة. اللعبة بكل فخر ليست شكل وبس، بل ومتعة ايضا. الديمو يخليك تختار من عدة مراحل للتجربة وكلها رائعة. انا اسحب كلامي السابق عن اثر الرصاص. صحيح انه ما يترك اثر على الحديد، بس يتركه وبشكل دائم على الارض. التحكم ولا اروع. انا ما عمري حبيت او اشتريت اي لعبة لستار وورز، بس هذى اللعبة شي اخر. ان شاء الله راح تكون اول لعبة اشتريها مع الكيوب لو اضطر ابيع الكيوب نفسه واشغلها على المايكروويف. اللعبة فعلا تستاهل. التفاصيل لا توصف. الصوت يزيد ضربات القلب. شي ياخذ العقل. وانت طاير يكون معاك طيارتين يساعدونك ويطلقون معك على نفس الاهداف. الانفجارات والدخان يخليك تقرب من الشاشة عشان تتاكد من الي تشوفة لعبة ولا فلم. الجنود الي يمشون على الارض مصممين ويمشون بشكل حقيقي (اكثر شي مذهل في اللعبة) رائع رائع رائع. مراكب الاعداء تتاثر حسب طلقك عليها. يعني اذا ركزت عليها صح وكثرت الرصاص راح تنفجر تماما ولايبقى الا كومة حديد مدخن. اما اذا كانت الطلقات عشوائية شوي ومرة تصيب ومرة تخيب، راح ينفجر راس المركبة بس وتطيح رجولها على الارض مع دخان بعد. الي ينفجر ما يختفي ابد حتي الدخان الي يطلع منه ما يختفي ابد. ما قد شفت زي هذا الواقع في اي لعبة ثانيه في حياتي. رصاص، ليزر، صواريخ، لعبة ستار وورز لعبة رائعة بكل المقاييس. نصيحة اخويه، اللي عنده فلوس للعبة وحدة بس، يشتري ستار ووز وعلى مسؤليتي. ما في لعبة راح تنزل مع الكيوب في مستواها ابد.
مشاهد اخري من النادي:
- اكثر لعبة فرديه عليها زحمة هي ستار وورز وبعدين ستار فوكس.
- اكثر لعبة جماعية عليها زحمة وصجه هي مونكي بول (سمعت كثير يمدحونها) وبعدين سماش برذرز.
- اللعبة الي ما حد عطاها وجه هي لويجي مانشن، شوي يابانيه.
- الكبار مركزين على مونكي بول والصغار على بيكمن.
- المعرض كان فيه مسابقتين. وحده لستار وورز والثانيه لبيكمن. العب وتعدي اي مرحله ويسجلونك على سحب على جهاز كيوب. انا اشتركت بالبيكمن. ادعوا لي.
- النادي كان فيه %80 كبار، فوق 25 سنة. الكيوب بدى يحسن سمعته فعلا.
- وانا العب بيكمن، للتجربه ماهو للمسابقة، فجاه جمد الجهاز. كل شي وقف فجاه ولانفع زر Reset الي حطوله فتحة عشان تقدر تضغطه اذا تبغي والباقي معزول في قزاز. شي غير سيء مرة، العبة ديمو بس.
- وقت التحميل غير ملاحظ في كل الالعاب ما عدا بيكمن. وقت تحميلها تقريبا 9 ثواني. ممتاز مقارنتا بالعاب البلايستيشن.
- اذا مات عليك اي بيكمن وانت تلعب راح تطلح روحه على شكل شبح، يكسر الخاطر فعلا.
- اذا لعبت البيكمن وجاك عنكبوت ضخم يدوس على جنودك، لا تركز على رجله لانه بيخدعك كنه بيطيح بس ما راح يطيح. جمع جنودك وخلك تحته على ظله بالظبط واطلق البيكمن على جسمه. الوحش دوخني ودوخ الجميع لين علمتنا عنه وحدة من الموظفات (بزنس بس).
ان شاء الله اكون افدتكم ومعليش على الاسلوب، تعبان شوي.
وشكرا للجميع

مشكور أخوي
بس عن أي معرض انت تتكلم?:

اتكلم يا عزيزي عن نادي الكيوب الي تقيمه ننتندو حاليا في امريكا. لمعلومات اكثر، اقرى الموضوعين الي كاتبهم عن المعرض قبل كذا.
وشكرا

صراحة غيرت رأي في اللعبة
على مسؤوليتك مره وحده

امووووووووووووووووت على الوصف و الموضوع الخيالي.اخيرا موضوع يركز اهتمامي على شيء و يخليني انتظره و اتخيله مضبوط ...
مع اني ما كنت متحمس مره للعبة ستار ورز لكن الحين ما قصرت الله يعافيك:)اموووووت بس اجربها. خاصة يوم قلت عن الجنود و كيف مفصلين.(اقدر انا هذي اللقطات) لكن ما قلت عن عددهم شيء؟هل هم كثار؟ و هل اللعبه فيها عروض قويه؟او على الاقل قصه تحمسك كبدايه؟
و مشكور مره ثانيه:) و لون ولف برضه مشكور اللي كان دافع لك انك تروح و تسوي هذا التقرير.
و ترى اسلوبك احسن ما في مواضيعك لا احد يلعب عليك(انا عارف ان اللي يحطمك هو القطو بس خلني اشوفه:غضب: (مسيكين هالقطو كلش عليه) لا و الله صحيح اسلوبك حلو و نكتي ...و اوه لا تنسى تسلم لي على الموظفه;) انت بس قلها سعد يسلم عليتس و هي بتفهم...
و تشكر على موضوعك و اللهم زد و بارك من هالشاكله و امثالك:)

ماشاء الله عليك يا أخ The Elder ..

عندك أسلوب يخلي الواحد يغير نظرته للعبه على طول ..

ولا مره أعجبتني لعبه من العاب ستار وورز ..

لكن اللعبه هاذي شكلها ممتازه جدا ..

خلاص راح أشتريها مع الكيوب بإذن الله ..

مشكور مره ثانيه على هذا التقرير الرائع ..

مع اني من عشاق السوني

ومع اني غير مقتنع بالكيوب

بس كتبت هالرد علشان اقول انه اسلوبك في الكتابه حلو :D

وياليت لو كان عدنا واحد يشوف لنا اخبار العاب السوني 2 الي نازله في امريكا

اقول انا عندي اقتراح ليش ما تاخذ لك فره على نادي السوني اذا كان موجود ها ..... وشوف لنا شنو اخر الاخبار :D :D

شباب احرجتوني بهالكلام، حشى جيهان نصر مو الدر
بالنسبة ل K&T/ على مسؤليتي 1000 في الميه.
بالنسبة لقانون/ الجنود كانوا في مجموعتين. كل مجموعة فيها تقريبا 50-60 جندي وكل مجموعة لبسها وسلاحها مختلف. قد قريت ان مجموعة منهم معاك بس انا طحت فيهم كلهم. جنودي وانا حر. اخ بس لو ان الجندي يطلع منه دم لما تطلق عليه بدل ما يختفي مرة وحده كان خليت الالات وادهرت فيهم بس. حاولت بعد اصدمهم بالطيارة بس ما يخلونك تنزل لمستواهم (اجرام علآخر). العروض من نفس رسم اللعبة بس صدقني اللعبة كلها مثل بعض عروض البلايستيشن. مرة روعة. القصة ما ادري عنها. الديمو كان مراحل لمهمات ما خلصت ولا وحدة لانها ما هي سهلة ابد. وبعدين لما قلت تعبان قصدي انا مو المقال. يعني اقعد اكتب فيه ساعة بلماوس وبعدين احش فيه. وبعدين سويت الي قلت لي عليه و قلت للموظفة سعد وصار الي صار. على العموم الدكتور يقول انها ممكن تصحي من الاغماءه في اي سنه. دمها ودم عيالها في رقبتك.
بالنسبة ل ykm/ اشترها وماراح تندم ابد.
النسبة ل mr n guy/ شكرا جزيلا وانا عندي بلايستيشن بعد واعتز فيه بس احب الكيوب اكثر. القلب وما يهوى.
شكرا للجميع

الدر

مشكور أخوي The Elder
:أفكر:

وانت ايش الي مودنك اهناك

قصدك امريكا
اللي مودني هناك طال عمرك الدراسة
نيحن ناس تحب تدرس
مشكور اخوي على السؤال

الدر