يا يمه وينك من دونك خلا البيت "سعد الطلحه"
اداء - سعد الطلحه
اداء سعد الطلحه
اداء سعد الطلحه
كلمات يا يمه
القلـب يـحـزن والمـدامـع غـزيـرة
في جوفـي نارمـن لهبهـا تبـا كيـت
والـدار ظلـمـا كـانـت امــي تنـيـرة
يايمة وينك مـن دونـك خـلا البيـت
قلبـي تفطـر علـى الفرقـا المريـرة
امـنــت بالله وبـاقــداره تـرضـيـت
الـمـوت حــق وكــل لــه مـصـيـرة
ومـوت النبـي قبلـك يايمـه تعزيـت
هـذا جلالـك وريـحـك فــي عبـيـره
كـل يـوم اشمـه والا شفتـه تهنيـت
صـوتـك يـايـمـة يامـحـلـى اثـيــرة
حـنـانـك يـمــه يخلـيـنـي تـدفـيــت
يايمه من هو اجـي لـه واستشيـره
يعدلنـي لشفـت الصـواب وتنحيـت
يـايـمـه كـلــن ينـاظـرنـي بـحـيـره
من يوم رحتي وانا اللي ماتواسيت
يـاكــم تعـلـمـت بـمـعـان غــزيــرة
يامـنـهـل التعـلـيـم مـنــك تـربـيـت
كـم قصـة قلتـي وللماضـي نسـيـره
ولجيـت عنـدك بسواليفـك تسليـت
اه يايمـه مــن النـظـرات الاخـيـرة
ملـيـت كـفـي تــراب ثـــم حـثـيـت
ابـشـري يـمـه بـدعــوات كـثـيـرة
كــل ماذكـرتـك وللرحـمـن صلـيـت
