أبي أتزوج والله والله قدرت --- اللهم لك الحمد

السلام عليكم ورحمة الله

يأخوان واخوات

أشكركم من قلبي والله على وقفتكم النبيلة معي في موضوعي
أبي أتزوج ماقدرت؟؟؟؟ والله حاله

http://www.montada.com/showthread.ph...3&page=2&pp=10

اللي تقريبا قبل 10 أشهر <<<< مشوار

ياخوان ولله الحمد تزوجت من اللي ابي من شهرين

وخلال هالشهرين وانا احاول ابشركم بس (الوصول الى هذه الصفحة غير مسموح به!)

وبالقوة لما قدرت أخش

ياأخواني الله يوفق كل من دعاء لي وكل من شارك في موضوعي حتى بابتسامه

وبعلمكم وش سويت عشان اللي يصير له مثلي :


اولا هذي بنت حبيتها وحبتني من سنين والله العالم كم نكن لبعض من محبه، مرت الايام والشهور على بداية حبنا واتفقنا على الزواج، لكن صارحتها قلت انا لسه ببداية حياتي ولسه ماكونت شئ قالت استنااك، وبالفعل 3 سنوات وهي تنتظر ، صارحت اخوي وقلت يابن الناس انا متيم :31:

واحب لي وحده وابيها وش رايك:33:

قال اقول اقضب ارضك وخذ بنت عمك :mad22:

صار ماصار ويمين ويسار وياهوه ، قال ابد اشر على اي وحده من الجماعه وانا اخطبها لك

وبعد 3 شهور من المحاولات اليائية معه ، قررت اني اتجه لست الحبايب الله يحفظها;)

وماقصرت راحت وشافت البنت ووافقت، قلت لاخوي (من ابوي) على الموضوع
قال انت ماعندك سالفه :bigeyes:
قلت طيب
وكل يوم اكلمه ومره يقفل السماعه بوجههي ومره يطردني من بيته <<< صار مشرد :02:
3 شهور على هالحال
بعدها اتجهت لمنتداي الحبيب (المنتدى) وكتبت موضوع ونسخته ووزعته على 12 منتدى :ciao:
لكن للاسف لم يتجاوب معي الكثير سوى اعضاء(المنتدى) سمعت اراءهم وقراءت افكارهم ولله الحمد تمكنت ان استجمع قواي ورحت لاخوي لاكمل مشوار 3 أشهر أخرى دون جدوى معه
كل انواع التصريفات اللي تمر على بالك صرفني لدرجة انه يرد على جواله ويقول ان برى المملكه :09:

المهم صارت العشرة أشهر من 10-2004 الى- 6-2005 وتوكلت على الحي القيوم
ودعوته (يإلهي ان كانت علي خير فيسرها وان كانت على شر فابعدها ، ياحي ياقيوم اني وجدت الحرام عيانا وابيت عن حرامك وطلبت حلالك ، فلا تكلني لغيرك طرفة عين ، يالهي ان دعوتك سرا وخفاءا وفي ليلك الأسود فافرجها يارب يا أرحم الراحمين)
اليوم الثاني اتصلت على ست الحبايب الساعه 4 عصرا وقلت يامه (قالت لبيه) قلت لبى قلبك،
ابيك تخطبين لي ، قالت ابشر ، قلت يعني اجي اخذك للرياض؟ قالت ايه ياوليدي.
المهم واشغل الكامري(الله يحفظها) واعبي فل وخط الرياض 220 كم / س أنواع المخالفات
والله لدرجة ان الدنيا مطر شديد والدوريات وراي تبي توقفني ماوقفت لغاية ما اعترضت دورية طريقي وقال ليش نوقفت ماتوقف؟!:31: قلت والله ابد ماشفت احد وقفني
قال وراك مسرع : قلت والله ابوع توفى (الله يرحمه توفي من 10 سنين)
قال رح ولاعاد تعاودها
احترم نفسي وصرت امشي 200 بس
الساعه 10 مساءا وانا في البيت حتى الحذيان وانتم بكرامه مانزلتها
شلت امي ورجعه على الرياض ونفس الحكاية مطر ومخالفات ومن هالكلام
وصلنا الثلاثاء
اتصلت امي على حماتي (يحفظهم جميع) وقالت معاك ام خالد ابي اجيكم يوم الخميس:biggthump
قال من انتي؟:bigeyes: وش تبين
قال امي : خير ان شاء الله

من يوم الاربعاء اجازة
وكل شئ جديد حتى بغيت اغير امي :afraid: من الفرحة

رحنا الخميس دخلت امي واخذت لفتين ورجعت استناها برى
شوي طاب اخوها انت مشعل؟ قلت ايه
قال حياك خش ويجي ابوها ومافاتحتهم بالموضوع كله سؤال عن النسب ومن وين الاصل والفصل
المهم انتهت المقابله بنجاح ورقمتهم (قصدي عطيتهم كرتي)
قال بنسأل ونعطيك خبر
طلعت من عندهم
قالت امي: ياوليدي ورى ماتوديني عند اخوانك الصغار خلاص خلصت منك
قلت اصبري لسه ماوفقوا
قالت يبي لهم شهر
وديني والمره الثانية ان شاء الله كلنا
قلت طيب
-------

اكمل لكم بعدين ياخوان
تابعونا <<<< مسلسل صار

السلام عليكم أخي مشعل

ما شاء الله .... أهوكده الحب الحقيقي ولا بلاش :biggthump

أنا فرحت جداااااا لأني كنت رديت عليك في موضوعك السابق :05:

ألف مليووووون مبرووووك وان شاء الله حياتكم كلها تكون سعادة و خير و حب :33:

وربنا يكرمكم بالذرية الصالحه و الحياه الكريمه :أفكر:

وفي انتظار العودة بعد الفاصل :D

ما شاء الله.... مبروك عليك :D

شكلك استمت في محاولاتك :biggthump

الله يسعدكم ويوفقكم ...دايماً ... وكمل القصة تراها فلة :D

ألف ألف ألف مبارك ....

والله يرزقك بالخلف الطيب والمشرف ...

واعانك الله على أهل بيتك بالخير والتقوى والصلاح ....

أخوك بالله ..

أبوجمـــال

مبروك أخوي والحمدلله اللي جمعكم بالحلال
وخلاص الحين راحت أيام الشقا وانت تحاول مع أخوك
والله يسعدكم ويحفظكم ويخليكم لبعض ويرزقكم الذرية الصالحة
اللهم آمين

يووووووووووووووو :wow:

ما شاء الله ما شاء الله :أفكر:

الحقيقة لما شفت الموضوع ، ما توقعت :D

أنا شفت موضوعك القديم.. وأذكره.. لكن وقتها ما شاركت ، لأني ماعرفت إيش الحل....:06:

آسف.. حقك علي..

لكن خلاص ماعاد يهم ، طالما أنك تزوجت ، وربك جمع بينكم على خير :)

ألف الحمد لله ، وألف مبارك ، وبالرفاه والبنين إن شاء الله :)

وترى أستنى باقي تفاصيل القصة على أحر من الجمر أخوي.. في أمان الله :)

وشرايك في الي يبي يتزوج وامه تعيي:31:

شكلي ببكي عندها علا وعسى:(

اقتباس:

---

وشرايك في الي يبي يتزوج وامه تعيي:31:

شكلي ببكي عندها علا وعسى:(

---

اخوي.. ربك كريم.. صدقني ، مريت ببعض المواقف ثبت لي فيها عجزي البشري ، لكن لما دعيت ربني ما ردني.. إن شاء الله ربي ييسر عليك وعلينا.. آمين

اقتباس:

---

المشاركة الأصلية كتبت بواسطة shjoonal3in

ما شاء الله.... مبروك عليك :D

شكلك استمت في محاولاتك :biggthump

الله يسعدكم ويوفقكم ...دايماً ... وكمل القصة تراها فلة :D

---

مبروك..^______^

واهم حاجه انك ازوجت..^_____^

ومنتظرين تكملة القصه..XD

<><><><><>

ألــــف ألـــف مبـــرووووك اخوي .. الله يوفقك ..


هذا رابط المنتدى اذا كان كل مرة بيقولك الوصول للصفحة غير مسموح
http://67.15.103.43

ماشالله عليك اخوي :)

ظليت وفي وهي ظلت وفية .. في زمن قل فيه الاوفياء :o

الله يجعل حياتك كله سعادة اخي لانك رحت لباب الحلال :)

شئ حلو والله ...

يعني الحب موجود ؟ اممم ...ما اعتقد ...
الله يوفقك ويسعدك...

مبروك عليك ، لكن للاسف انا واقع في أمر صعب ، لكن أرجو من الله يكون في حسن الظن

اقتباس:

---

8- يمنع رفع المواضيع القديمة الا المميزة منها ..

---

الموضوع مغلق