ارجوا المساعدة ، اخوكم بشتري سيارة ويبي رايكم ..

السلام عليكم .. تحية لكم جميعا ..

بصراحه انا ناوي الان اشتري كراون فكتوريا او قراند ماركيز طبعا مستعمله والموديلات بين 98 2002 وارد امريكا ..

بعد التجول في السوق خرجت بهذه الاسعار وابي اخذ اراكم بخصوصها وبخصوص اختيار السيارة والعيوب اللي فيها .. خصوصا هالموديلات اللي بين 98 - 2002 اتمنى من اصحاب الخبره في مثل هالامر ما يبخل علينا بالرأي ..

2002 بـ 42.900

2000 بـ 35 واللون فضي

2000 بـ 36 واللون ذهبي

99 بـ 33.500 اللون اسود والنوع xl

98 بـ 28 واللون احمر ..


طبعا المبالغ بالريال السعودي .. بالنسبة لي افضل المبلغ يكون بين 28 الى 36 الف تقريبا .. وياليت تخبروني بانواعها وهل فيه فرق بين القراند ماركيز والفكتوريا ؟

اللي من الرياض أتمنى يخبرني بافضل المعارض الموجودة لبيع مثل هالصنف من السيارات

بانتظاركم .. :)

طبعا اخوي في فرق هاذي فكتوريا سيارة غير والجراند ماركيز سيارة ثانية بس هم من نفس الشركة

اخوي شوف
الفرق بين الكراون فكتوريا والجراند ماركيز
الشكل
الفخامه
الاسم
اما المحركات نفس الشي
انا افضل الجراند ماركيز
اما بالنسبه للوارد
افضل المعارض عندك
معرض البيان الجديد الي في طريق خريص
وعندك الموتر وقصر السيارات وغيرهم الي بين مخرج 10 و11 الدائري الشرقي
اهم شي تأكد ان السياره مو مصدومه او مصدومه صدمه خفيفه
يكون الراديتر مناسب لجونا (رصتين) او يكون مغير براديتر خليجي
هذا اهم شي
انا شفت قبل فتره ماركيز 2004 عنابي بداخليه جلد بيج وسي دي وقير ارضي وتخشيب كامل ب42 الف
اهم شي لا تستعجل لانك كل ما دورت راح تحصل اشياء افضل
لف هالمحلات والمحلات الي بطريق خريص
ومر معارض الشفا
والله يوفقك