بيب الابايب...كلكم بتدخلون...صح؟
بسم الله الرحمن الرحيم
كتبت اسم الموضوع بيب الابايب لان معناها عندي:حبيب الحبايب.واحد احبه ينطقها كذا...ولد اختي طبعا.
كيف الحال شباب؟ انشاء الله طيبين...
بغيت اقدم لكم هديه,طبعا انتم تفكرون ان فكرة الهدايا على النت غريبه؟ اقصد انها ما تكلف صاحبها اي شيء و تجيه ببلاش... حتى لو قلنا الهديه بقيمتها المعنويه...لكن متى تلقى على النت هديه لها قيمه معنويه كبيره؟
طبعا انتم تفكرون كذا لانكم ما بعد عرفتوا هديتي او بالاصح ما بعد عرفتوني... سعد(قانون اللي هو انا) ما يقدم شيء رخيص للغالين عليه(اللي هو انتم للي ما فهم). هديه ما راح تتوقعونها ابدا مني....اي شيء الا هذي الهديه او المفاجئه .طبعا كلكم تعرفوني قرقي كثير و لازم اسوي سالفه كبيره و اكثر هرج عشان يصير موضوع....يعني تخيلوا موضوع مختصر بأسمي؟مهي لايقه صراحه...خاصة هذي المناسبه(تتقطعون الى ان تعرفوا السالفه لكن انا بسمعكم كل هرجي)
فيه واحد قال لي مره حتى اعز الاخوان يتخاصمون فكيف الاصحاب ما يسوونها؟ يوم كنت صغير كنت دائما اتهاوش مع اهلي(الحين خفت الهوشات شوي مهوب لاني عقلت...لاني فقدت الامل بالانتصار)المهم, كنت اذا تهاوشت معهم اعصب و انتظر الليل ..لوقت متأخر جدا الى ان ينامون كلهم(يعني اهلي) و بعد كذا كنت اجمع ملابس و اشياء و اكل احيانا و فلوس(طبعا فلوسي)و العاب صغيره و علوكي اللي بالحصاله و الكاكوات الصغيره بزعم اني راح اهرب و لا ارجع ابدا مره ثانيه:)...لكن اللي ما راح تتوقعونه(اذا نسيتوا اني كنت طفل تلك الفتره) اني كنت اخذ مفتاح البيت معي بحجة اني يمكن انسى شيء:) الحجه الحقيقيه هي:اني كنت اخاف اندم و اعاند الى ان اندم طوال العمر...و اللي ما يدري منكم الى الان اني عنيد شوي(شوي؟!) فهو ما عرفني حتى معرفه سطحيه فكنت اطلع و اروح امشي بهذي الليول(و الحمد لله ان حينا كان آمن) و اروح بعييييييييييييد....بعيد ... لكن بعد شوي و بعد تفكير اقف و افكر....وين انا رايح؟و ين بنام؟و امي؟ و كيف بعيش؟حتى اني ما عندي بيت ثاني او ناس اروح لهم غير اهلي...و افكر و اتحسف على كرامتي المهدوره اذا رجعت للبيت(ياااااااا حليلي و الله:)) لكن بالنهايه ارجع للبيت و انسى و اعيش الى ان احاول اهرب مره ثانيه:) لكن برضه ارجع و عشان تتطمنون انا كتبت هذا الموضوع من بيتنا:)...
و مع اني الى الان و انا اتذمر من حياتي هنا الا اني ما اطلع من البيت الا نادرا و ادري ان اهلي مهما جاروا علي هم اللي بيطلعون يدوروني.حتى لو كنت ما احس بعاطفه قويه تجاه موقفهم هذا اللي افترضه لكنه اكيد واقع و اتمنى تتحسن اوضاعي هنا(ادعو لي)...و مثل كذا عندي اصدقائي هنا اروح و اترككم...تخيلوا؟ اقصد اتخيل كذا؟ على الاقل فيه واحد هنا راح يفتقدني...و لو تركتكم الله لا يقوله (و مع اني ما اتخيل و شايل الفكره من راسي و الا كان تركتكم ايام المشاكل حقتي ضد المنتدى كله(مسوي فيها الرجل الجيش على قولة الامريكيين:)) راح ارجع اكيد و انا كلي شوق...
المغزى من هذا القرق كله انه فيه واحد تحبونه رجع عشانكم...مهما جرنا عليه و زعلانه و زعلنا الا انه يدري اننا ندوره و نبيه معنا...زي اهله بالضبط صح؟ احنا اهل و لو ما كنا ندري...
الواحد هذ هو:
هو: .....هو:!(تشويق)هووووو:.........
هو ننتندووووووووووووووووو! هيه هيه هيه
هيه هيه ننتندو رجع ننتندو رجع هييييييييييييييييييه
امس تصالحنا و اتفقنا اننا نرجع اخوان و اصدقاء مثل اول...اخوان مهو الكلمه اللي من كثر ما نطقناها فقدت معناها...الكلمه العفويه اللي اتوق فعلا لاكتشاف مدى صفائها معكم انشاء الله...و مع ننتندو اولا...
من زمان و انا ابي اصالحه لكن تعرفون...خفت يردني و ان الواحد يردك يصير كسر قلبك... لا تردون احد الا اذا كان عشان مصلحتك و مصلحته و فكروا دائما بدون انانيه...و بعد صراحه عشان ما اصير نصاب العناد كان له دور كبيييييير:)
عااااااااد يلله الحين كلكم رحبوا بننتندو ...العضو الطيب و الاخ اللي بيهتم بعلاقاته بنا و محبتنا و اخوتنا اكثر من الاخبار...عصر جديد للمنتدى نهتم فيه ببعض عشان بعض ...(الواحد لازم يتأمل هذي العباره عشان يفهم معناها الحلو)
و عقبال ما يرجعون كل الطيبين هنا و تتجد العلاقات و تصير اكثر محبه و تجدد...
و مع اني ما تكلمت عن لعبه زي العاده عشان العب عليك و اخليك تقرون كل شيء:):
الموضوع انتهى...
اخوكم سعد و اسف على عدم الاطاله
