السلام عليكم ..
كيفكم؟
من جد من زمان عن السبيس ومن زمان عن الكتابة فيه .. هذي اول مرة اكتب بالعربي فباركولي ..
" كل انسان وضميره " ...
يمكن بعضكم بقول وش فيه خالد شوي مرفع .. وش يخربط, لكن بالفعل كل انسان وضميره, هذي قالها لي شخص كنت اعتبره من اقرب الناس لي .. لكن من جد -_- بيوم وليله تكتشف ان الشخص الي كنت تعتقد اقرب الناس لك يطلع ماعنده ضمير .. وش تسوي؟
انا خالد .. اتوقع كلكم تعرفوني بما ان بلوق شخصي مقفل فقط لحقين الماسنجر .. تشرفنا <- جاب العيد ..
لكن من جد .. يعني انا الحمدلله ماعمري حسيت ان احد عطاني ظهره ومشى ابداً في حياتي, علاقتي مع الكل حميده ولله الحمد إلى قبل كم يوم.. صحيح انصدمت من هذا الشخص وما توقعت الحركه منه .. او ان شخصيته ضعيفه لدرجة انه يتهرب و يعطيك ظهره بعد ما تثق فيه وتقربه منك لدرجة كبيره ..... and doing this hurt like hell ask me about it ..
فحبيت بس اشاطركم بهالخربوطه مدري وش جالس اكتب فيها .. لكن من جد -_- don't give a chance to anyone not even for a sec to get near your heart that much, they might harm it unless you trust them that much ..
انا الحمدلله يعني I'm strong and no one can break me down ...
بس والله حزنت .. ماكان له داعي ابد بهالتصرف .. وكان بوقت عصيب شوي وكنت
متامل انه اول انسان يوقف معاي .. الله يهديه بس
but tomorrow is another day, flip that person down, build a wall between you and him/her and don't let the person that once tried to hurt you to do that again ..
" كل انسان وضميره " .. احرص انك تخلي ضميرك نظيف وخل لعبك نظيف .. كما تدين تدان ;) ... بكل شئ هالقاعده بين الاصدقاء والاهل وتقريبا كل امور الحياة افعل خيرا تلقى خيراً إفعل شرا تلقى شراً او مثل مايقال " عامل الناس بمثل ما تحب ان يعاملوك " ..
فإن شفت معاملة الناس لك غالباً سيئة .. لا تحقد على العالم إعرف ان العيب فيك .. حاول تحسن من اسلوبك و من علاقاتك مع العالم .. حاول تفكر خارج الصندوق و تعرف وين المشكلة .. اما ان في واحد اثنين معاملتهم لك سياحيه والباقين تمام اعرف ان المشكلة منهم مو منك ..
" الغـــــــــــــرور "
لاتعطي نفسك دايم اكبر من حقك .. رحم الله امرئ عرف قدر نفسه .. اشكر من احسن إليك .. ولا تغلط على من اساء عليك .. مهما تشوف احسان الناس لك وتقديرهم لك .. مايدل على انك افضل منهم لذا هم يحسنون إليك .. ولا يدل على انك انسان رهيب جداً فتغتر .. أبداً .. اعرف ان هذا من فضل الله ان الله زرع محبت الناس لك في قلوبهم .. فلا تغتر لان الغرور ممكن يهز هالمحبة ويغيرها ..
" لا تحقد ولا تـــكره " ..
ان احسنت إلى شخص .. واساء عليك .. لاتكرهه ولا تحقد عليه .. لانك لو كرهته او حقدت عليه راح تسوي مثل ماسوى فيك بشخص ثاني .. وقتها راح تزرع كره شخص ثاني فيك وراح تضر غيرك .. وممكن راح تضيع غلى نفسك امور جميلة بالحياة .. حاول دايما تعامل السيئة بالحسنة .. واصبر الصبر مفتاح الفرج و عليه اجر .. دايم خلي الكره او الحقد برا قاموسك مهما يصير .. لانه في النهاية الافضل لك و راح تكسب احترام
الغير و لاتنـــسى " اصابع يدك مو زي بعض " فلا تكره او تتعقد من فئة من الناس بسبب تصرف شخص واحد .. كل شخص له ضمير مختلف .. وطريقة تفكير مختلفة
حاول تفهم كل الناس وصنفهم بناءا على شخصيتهم ..
...و شكراً على حسنِ الاستماع
والله ما ينلام لما نايف سماني " الحكيم لقمان " من جد مدري وش عندي لووول
Take care guys ..
