مجموعة Age of Empires وتستمر المسيرة . .

كما تعلمون أن لعبة Age of Empires ومنذ صدور أول أجزائها في عام 1997 وهي تحفلنا دوما بالجديد ، ومن قبل أسبوع تقريبا أشتريت المجموعه الكاملة للعبة بـ 47 دولار فقط ومكونه من أربع ألعاب وهي :

1- Age of Empires صدرت في عام 1997
http://www.ensemblestudios.com/aoe/art/aoebox.jpg

2- Age of Empires - The king of Roma صدرت في عام 1998
http://www.ensemblestudios.com/ror/art/rorbox.jpg

3- Age of Empires - The Age of Kings صدرت في أواخر 1999
http://www.ensemblestudios.com/aoeii/art/boxaok_sm2.jpg

4- Age of Empires - CONQUERORS صدرت في بداية 2000
http://www.ensemblestudios.com/aoeii...ktcbox_sm2.jpg

_______________________________________

والآن ننتظر الأصدار الخامس من اللعبة المتوقع نزولها في 2 / 2002 تقريبا وهي
http://www.ensemblestudios.com/newsm...r_AD_style.jpg
http://gamespot.com/gamespot/images/...ogy/header.jpg
لمزيد من المعلومات حول الإصدار الجديد اضغط هنــا . .

يمكنكم أخواني الرجوع الي مبرمجين ومطوري اللعبة على هذه الصفحة :
http://www.ensemblestudios.com

لمحبي لعبة Age of Empires فقط . يعلم الله حبا في خدمتكم

أنا حاضر لشراء اللعبة لمن يريد وشحنها له عبر البريد . وذلك بالتنسيق معي على الماسنجر .
ayaam_net@hotmail.com

ثمن اللعبة 179 درهم اماراتي . ولأهل الامارات لمن اراد ان ادله على مكان بيعها ان حاضر .

لاتخاف ما بسرق فلوسك . :)

ولم يريد السؤال عنها اسمها هو
Age of Empires - Collector's Edition

وهذا موقع الناشر الرسمي للعبة وهي شركة (microsoft) ولكن للأسف غير معروضه للبيع عبر الانترنت لا أعلم لماذا ، ، قد يريدون من الزبائن شراء كل نسخه على حذا . ربما تأكد بنفسك . :أفكر:
http://www.microsoft.com/games/PC/agecollectors.asp

غريبه ولا رد منذ فترة :أفكر:

قد تكون غير مرغوبه عند البعض ولكنها مرغوبه عن الكثير .

وللعب مع الأخرين عبر الانترنت
http://zone.msn.com/conquerors

لاكن انا ما شفت هذي اللعبه بالكويت

انا سمعت عن هلعبة ووايد ناس يمدحون فيها

بس انا لمه رحت ابي اشتريها قالولي ثلاث دسكات الاول والثاني والثالث تطوير حق الاول .... وقلت ميخالف خلني اشتريها واشوف ليش الناس تحبها جذي معقولة احلى من "يوريز ريفينج"؟؟؟، ولمه رحت حق الـ"رحاب" سألت عنها فقالي البياع انها اربع دسكات واهو عنده بس 3 فاستغربت وقلتله ميخالف عطنياهم لمه رحت حق البيت وسويت انستول حق الاول ولعبته ابصراحة حلو اشوي بس بعدين ضاق خلقي لمه عرفت ان حدي 75 شخص!!! قلت شنو هاذي حرب احتاج كلش كلش 200000 شخص!!!! فكرهته ولمه حطيت الدسك الثاني وسويتله "سيتب" قالي ان الثاني انا مو امسويله "انستول" يعني طلع الثاني خربان، وهم في عيوب باللعب يعني اطلع ابهلجنود واتعب اخرتها يجيلي منجنيق ويقتل 5 بطقة وحده!! ويجيلي واحد نينجا يطق بسهم ولمه ابي اطقع ينحاش ويركض بسرعة؟ بالله شسويله انا؟ اقعد اراكض وراه؟ واذا ابي اطقه بشنو؟ بالـ75 جندي؟ كلش كلش 20 يكونون عمال حطب ما حطب وذهب و الباجي جنود حق الحراسة شكفون هذيلا؟

وسمعت اني اقدر اسويهم 200 من الاوبشن بس هم الـ200 ما يكفون

واعرف واحد الله يذكرة بالخير نسخلي الجزء الاول وقالي سوله سيتب وجبته البيت وهم ما يشتغل
فأخذت عن هلعبة صورة جداً سيئة بسبب هلمواقف الي حصلت لي

بس رفيجي قالي انه راح ينسخ كل الي عنده ويعطينيهام ويقول اني راح احبها مثل "يوري ريفينج" ... انا مو مصدق او مو مقتنع ان لعبة شخصياتها من القرون الوصطى راح احبها اكثر من الجود والطيارات والصواريخ بس قلت خلني اجرب واشارك محبيها ..... وبعدين ماكروسوفت مصخوها اشوي ما ادري جم جزء مسوين الحين احد الاخوان حاط جنه 5 اجزاء وكل واحد يمكن 20 دولار يعني انا اقط كل هلمبلغ على لعبة وحدة وكل واحد تطوير حق الثاني ما ادري شنو؟!!!

وآسف على الاطاله وهاذي وجهة نضري الخاصة فأتمنى انكم تغيرون رايي ابهلعبة الي العالم يتحدث فيها
وشكراً

لعبة جميله ولكن اكثر ما يعيبها بطئها (وانا شخصيا اكره الالعاب البطيئة)
قد تكون فيها مميزات كثيرة ولكن بطئها هو عيب كبير ولكن لا يمنع ان تكون الافضل بالنسبة للبعض.

acer2
انت متأكّد انك عايش بالكويت؟:أفكر:

السلام عليكم


اللعبة صراحه حلوه وايد ... انا استمتع فيها وبعدين 200 اعتقد كافي علشان تقدر تتحكم فيهم ولا تنسى ان اعدائك بعد عددهم 200 يعني لعبة متكافئه .... والنمط الاسطوري انا اعتقد انه افضل من الحديث من حيث الاسلحة ... مع اني ما جربت ريد اليرت او يوري بس حرب باسلحة متطورة الفكره مو داشه بالي .... يعني بصاروخ افتكر تقتل نص الجيش !!

تقدر تاخذ معاك عمال وتكثر السحره علشان اذا قمت بغزوة تبني على ارضهم اثناء المعركة او تحول مباني العدو بواسطة السحرة الى منشآت تابعه لك .. اثناء المعركة طبعا ومن هالمنشآت تقدر تعوض النقص في الجيش بسبب المعركة ... يعني تسوي امداد لجيشك ... اللعبة ممتازه وايد وافكارها حلو وكثيره بس تبي تخطيط سليم واختيار الوقت المناسب للهجوم .... :)


مجرد رأي من مبتدأ باللعبة.

بالتوفيق

قرأت ما كتبتوه وسعدت بمشاركاتكم . . ويهمني رأيكم كثيرا في الالعاب .

أنا من وجهت نظري ان لعبة Age of Empires من أفضل الألعاب الاستراتيجه
لما تحمله من مصداقيه في نقل التاريخ .

صحيح قد تكون صعبه وبطيئه بعض الشيء . ولكن اللعبة تعتمد على مخاطبة ذهنك وتفكيرك في
كيفيه حماية ممتلكاتك من الاعداء ومتى وكيف تنقض عليهم بجيشك الجرار . ولو كان بآليات بدائية
مناجيق وسهام ورماح وسيوف . . الخ . ولكن متعتها تكمن في بناء مملكتك وكيفية الحفاظ عليها .

على العموم قد تكون لها عيوب ولكنك مزاياها أكبر من عيوبها . والحكم لكم . :)
وللحديث بقية ،،،،

Age of Empires

السلام عليكم



سمعت اكثر من مره من الاخوان ان اللعبة بطيئة ! من اي ناحية بطيئه يعني ؟ انا اشغلها في جهازي وتمشي عادي ! يعني حركة الجنود بالسرعه الطبيعية .... اما اذا قصدكم ان البنيان يطول وهالامور هذي كل ما عليك انك تضغط انتر اثناء اللعب ويطلع لك Chat اكتب فيه aegis

وبالهطريقه تسرع عملية البنيان لك ولخصومك بعد ....

ارجوا التوضيح نوع البطأ اللي تعانون منه..

بالتوفيق

بعض الاسرار : نقلا من أحد المواقع

Marco كشف كامل الخريطه
Polo تزيل الغبار
Aegis كل المباني
Rock On يعطيك 1000 صخره
Lumberjack 1000خشب
Robin Hood 1000 ذهب
Cheese Steak Jimmy's 1000 طعام
I Love the monkey head يعطيكVDML
How do you turn this on سياره
To Smithereens عشاء
Resign إهزم نفسك
Torpedo# محل علامة # أدخل رقم اللاعب لهزيمته
Black Death أقتل كل الأعداء
WimpyWimpyWimpy دمر نفسك
I R WINNER فوز فوري
Natural Wonders التحكم في الطبيعة

لم أجرب ايا منها حتى الان :p

بصراحة ودي أشتري هذي اللعبة

وعندي لعبة مثلها اسمها:
Knights And Merchants

وهي حلوة ومثلها وماني شايف فرق

لكن أبي أشتري أج أوف إيمبري


وجزء أج أوف كنج ماهو حلو ؟

وبكم سعره

ولو كان فيه مجموعة كاملة كم سعرها بالريال السعودي؟

أنا بعد من عشاق هذي اللعبة و اللعبة عندي مب بطيئة
و أنا سجلة في موقع ال zone إذا أى حد يبا يلعب معاى
أنا مب محترف فيها بس ليش ما نسوي فريق للعرب في ال zone

شكلكم خلاص ما تلعبونها :":

هلا فيكم كلمكم

ومساكم الله بالخير

((لو انك مسمي الموضوع والاسطورة مستمره ((ساير جمس:D :D :D ))

المهم


ترى اللعبه جميله

لكن ماتستحق ان تشتريها اصلي


واللعبه جميله جدا" لكن راح تمل منها مع الوقت اسرع من ريداليرت

وانا ماقد سمعت عن اربع سيديات

اذا تبغى تشغل conquerors لازم the age of kings

يعني الثنتين كذا على بعضها شريطين

ولا تتعبون انفسكم باللعب على الانترنت

لازم تنزل اب ديت من الانترنت اذا تبغى تلعب الزون

ودور غرفه وتنتظر لين مايقرر صاحب الغرفه البدء

وتنتظر اختيار القوم الي بتلعب فيهم او الامه

وتنتظرهم كلهم لازم ريدي قبل بدء اللعبه وذي البلى الي دايم يطلعني

والي نفسه طويل يجرب

انا عندي لعبة Age of Empires - CONQUERORS بس والله محتار فيها انا توني في المرحله الاولى بس فيها عيوب واجد اولا ان اقصى عدد للناس هو 20 شخص فقط والابنيه يبغالها اشياء كثيره انا شفت بناء يغاله
1000خشب و 1000 اكل و 1000 ذهب وش ذا كله بس عندي طلب صغير ممكن تعطوني اسرار للعبه تزيد الجنود والرتبه يعني ابي اوصل لرتبة كاستيل ايج كيف ورتية ابريال ايج بس كيف فا بلز يا شباب لا تردوني تراني باقي لاعب مبتدا في المرحله الاولى وبسرعه قوللي على اسرار للعبه وكيف احطهم وابي اسرار حقت كيف ابني القصور لا ترودني با شبااااااااااااب