ارجو من كل الاعضاء والمشرفين الدخول (للضروره)

بسم الله الرحمن الرحيم

اشكركم على دخولكم واستجابت دعوتي
انا بقولكم كلمتين ورد غطاهم
بصراحه انا كان ودي اسجل عندكم من زمان بس اني شفتكم ماشلله قايمين بالواجب وموب مقصرين ماشلله عليكم
بس انا سجلت علشان اقولكم ملاحظه بسيطه
للأسف بعض الاعضاء عندكم ماشلله عليهم يستلمون الالعاب الزينه ويحللونها من شرح قصه وصور للشخصيات وغيره ((مع ان اللعبه تكون توها مانزلت))
مثل ميتل جير وفاينل فانتسي
وبصراحه هالشي يخرب على الواحد القصه ويضيع الحماس
يعني الحين انا اعرف كل شخصيات ميتل قير ووش بيصير فالنهايه ((للأسف))
يمكن بعضكم يقولي اقرى عنوان العنوان بس واذا شفته يتعلق بالقصه لاتدخل
اقوله فيه عناوين تتكلم عن نهاية اللعبه مثل مره قريت عنوان يقول فيه... ولا بلاش يمكن يكون فيه ناس مايعرفون المهم انه كان يتعلق بنهاية قصة ميتل قير
الله لايهينكم اذا احد بيحط صور للعبه يحط صور ماتورينا شخصيات جديده او صور تتعلق بالقصه ويتكلم بشكل عام وسطحي عن اللعبه
اما اذا نزلت فالسوق ولعبناها فحللوها زي ماتبون
انا ارجو كل الرجاء منكم اخذ هذا الكلام بعين الاعتبار وانا ماقلتلكم هالكلام الا لاني عانيت بصراحه واتوقع فيه ناس مثلي
واخيرا اقول اسف على الطاله ومشكورين