][®][ مقابلات مع المبدعين : - Sensei - ][®][
أترككم مع الضيفة ^^
وإن شاء الله ما تبخلوا عليها بالاسئلة ;)
Dream Life
إدارة منتديات الرسم
رد: ][®][ مقابلات مع المبدعين : - Sensei - ][®][
ثانكيو Dream life
و اهلا و سهلا بالضيفة الغالية
نبتدي بسم الله :D:
1 الاسم
2مكان الاقامة >>>نبي نزورج:D
3سر اختيارك للاسم
4 منذ متى بديتي الرسم
و ان شالله دوم موفقة حبوبة ^^"
رد: ][®][ مقابلات مع المبدعين : - Sensei - ][®][
هلا sensei ;) و مشكور dream life على استضافتها
ويلا نبدأ بالاسئلة::D
1.شو هواياتج غير الرسم؟؟
2.اكثر صفة اتحبينها في نفسج؟؟
:)
رد: ][®][ مقابلات مع المبدعين : - Sensei - ][®][
السلام عليكم ورحمة الله وبركاته...
اشكر الأخ دريم لايف على الاستضافة مع اني في الحقيقة ما تخيلت اني بمر بهالموقف...
راح اجاوب على اسئلة البنات الحين
اهلا اختي Monasuger... الأجوبة على أسئلتك...
1 الاسم
شنو يعني تبين اسمي الصجي؟؟؟ ما أحب أذكر اسمي عالعام بس راح اذكر اسم دلعي في البيت... وهو اللي ينادوني فيه على أي حال ^_^ Gargoor
2مكان الاقامة >>>نبي نزورج:D
قطر---> الدوحة---> منطقة الهلال الجديد "وعقبال ما اطلع من هالمنطقة"
3سر اختيارك للاسم
لما كنت ابي اسجل في المنتدى ما كنت اعرف ايش اسمي نفسي وكنت ابي اسجل بسرعة.... كنت في ذيج الأيام اتابع مسلسل Gokusen الكرتون والتمثيل فسميت نفسي sensei علشان المدرسة Yamaguchi-sensei ولو تلاحظين افتاري الأول كان لها "في التمثيل" والتوقيع بعد ^_^
4 منذ متى بديتي الرسم
من يوم كان عمرة 4 سنين وممكن لما كنت اصغر لأني ما اذكر... الرسم عندنا في العيلة وراثة
وآنه منتظرة أي سؤال زيادة منج.. ^_^ لو لقيتي طبعا
------------------------------
اختي uu القطوة uu... اهلا فيج ^.^
1.شو هواياتج غير الرسم؟؟
الغناء "مع اني ما اسمع اغاني!!" لعب السوني... تأليف القصص "وهاي اكثر شي مركزة عليه بعد الرسم" كتابة الشعر "مع اني مطنشته وكتبت وحدة بس لما كبرت" والتصميم على الفوتوشوب...
2.اكثر صفة اتحبينها في نفسج؟؟
الصراحة ما اعرف... يمكن الشي اللي صج أحبه في نفسي حبي للوحدة والعصبية "آسفة بس السؤال صعب شوي لو انج سائلة العكس ممكن يكون أسهل ^_^"
**************************************
وشكراً لكم مرة ثانية وان شاء الله جاوبت على اسئلتكم مثل ما بغيتوا وما قصرت فيهم
رد: ][®][ مقابلات مع المبدعين : - Sensei - ][®][
شو نسيتوني :12: :D لا لازم اسال انا ايضا احم احم عفوا نسيت السؤال :أفكر:
امزح;) sensei كيفك ؟ لا تعتبري هذا سؤالا.. ها.. اوك انا عندي سؤال واحد فقط وهوواسف ان كان محرج : ماهو طموحك المستقبلي في مجال الرسم وسؤال آخر طالما راودني كثيرا ..ماذا ياترى سياتي بعد هذا المنتدى اقصد ..نحن نشرنا اعمالنا هنا وتناقشنا وافدنا بعضنا البعض وماذا بعد؟ الى متى نبقى هكذا بدون ان ننطلق وننجز اعمال عربية كرسوم متحركة مثلا او شيء اخر...هذا هو سؤالي مع انه يحتوي على الف سؤال وشكرا لك sensei
رد: ][®][ مقابلات مع المبدعين : - Sensei - ][®][
أول شي ابي اعرف ليش ممكن يكون السؤال محرج؟؟
المهم بحاول اجاوبك بالجواب الكافي
آنه امنيتي اني اتخصص رسم في الجامعة بس أهلي ما راضيين وآنه أفكر أدخل تصميم... تقريباً من سنتين وانه افكر اني اكون رسامة مانجات في المستقبل وممكن اوصل لرسوم الكرتون أما الحين فأقول اني ممكن ارسم مانجات وافتح لها موقع وبس ولا افكر انه يكون الرسم مهنة بل هواية ومتعة لا غير
أما عن تكملة السؤال... سؤالك يدل على انك تبين تطلع شي من المنتدى... يعني مجموعة رسم من الأعضاء
آنه بقول رايي بصراحة... إن كنت بتعتمد على النت بس والاعضاء اللي ما تعرفهم الا من المنتدى ما راح ينجح العمل
ان كنت تفكر بمجموعة رسم لازم تكون مع ناس تعرفهم عدل وتقدر تناقشهم اي وقت حتى لو انقطع النت مثل اخ او اخت او صديق غالي عليك وتعرفه من زمان
لأنه جذي راح يكون في ثقة أكبر بين افراد المجموعة وراح يكون في شغل
وفي شي ثاني... لما بتبدون تشتغلون المفروض ما يكون الفنان مقيد بعمل ومعين... باضرب لك مثل...
انه الحين افكر اني اسوي مجموعة من بنات اعرفهم "اختي وبعض صديقاتي" لرسم المانجا وان شاء الله اذا نجح مشروحي راح افتح موقع
بكون في كاتبة للقصص وفي الرسامة وفي المترجمة... وآنه الرئيسة بس مب آنه اللي اختار لهم القصة والشخصيات
كل اللي علي كرئيسة اني اثق بالبنت... اذا كانت كاتبة ورسامة هي ترسم المانجا بروحها بعد ما اشوف القصة واقراها واعطيها رايي بكل صراحة واذا تبي مساعدتي في شي بسيط "مثل وضعية للجسم او تقسيم لصفحة" اساعدها مافي مشكلة بس المانجا تكون باسمها وبس مب باسم المجموعة كاملة
اما اذا كانت رسامة فقط فنعرض عليها مجموعة من القصص وهي اللي تختارها...
اذا كان الشغل مقيد على موضوع واحد، او اكثر من شخص يشتغل في مشروع واحد ما راح ينجح... والنجاح فيه بنسبة 15% بس
اما اذا كان انفرادي واختياري بس في شخص يشجعك ويساعدك راح تكون نسبة النجاح 95% وهاي رايي الخاص
اذا كان الواحد عنده اصرار ممكن يقدر ينتج رسوم متحركة بس لازم يكون ذو خبرة عالية أعلى من المستوى اللي انه فيه... وثانياً انه ما افكر اني اسوي كرتون بع ما فهمت وفكرت لأنه بكون فيه اناث وممكن تكون في مقاطع ضحك او صراخ وصوت المرأة عورة فرسم الكرتون شوي صعب
هاي جوابي لسؤالك وشكرا على هالسؤال.. عجبني وايد مع اني ما قدرت اوفي بالجواب
في اشياء كثيرة تنقال في هالموضوع
رد: ][®][ مقابلات مع المبدعين : - Sensei - ][®][
http://www.arab-x.com/uploads/Jul-06/c3b8075016.gif
ونااااسة في وناااااسة ونجحنا في الدراسة (( شكو يا خبلة خلاص تخرجتي:eviltongue: )) خخخخخ :flute: لالالا المقابلة اليوم مع الحلوة الأمورة الكتكوتة sensei :dancing: آآآسفة على التأخير حبيبتي (( دايما تتأخر :hmmmm: )) يالله يالله عندي كم سؤال أبي لهم أجوبة وإّا ما جاوبتي ترا أطرش لك وحوشي علشان تاكلك خخخخخخ:evil: :
1- ليش ما تحبين ترسمين وحوش ؟ :questionmark:
2- شنو رايك في كلمة وحش خخخخ ؟ :salook:
3- شنو المانجات الياية إلي حابة تسوينها ؟ :stupido:
4- شنو القصص اليديدة إلي ناوية تكتبينها ؟ :viking:
5- قريتي قصتي خخخخ ؟ :baby:
6- لما تكبرين شنو ناوية تسيرين ؟ :147:
7- شنو أنواع القصص إلي تحبين تكتبينها ؟ :marchmellow:
8- تحبين الأشياء الخيالية ؟ :greddy2:
رد: ][®][ مقابلات مع المبدعين : - Sensei - ][®][
السلام عليكم ورحمة الله وبركاته
كيف الحال؟؟؟ ^^
شكراً أخي دريمو-كن على المقابلة ^^
وآسفة لأني ماقدرت اني ادخل المقابلة السابقة
ونبدأ نستلم أختي العزيزة Sensei ^^
هممممممممممممممم..
وش أسأل..
تحبي الأنمي؟ ولو كنتي تحبي إيش النوع اللي تحبيه..
تحبي تلعبي ألعاب كالبلاي ستيشن والأجهزة الأخرى؟ اذكري أمثلة..
في الرسم ماشاء الله ..
كيف طريقتك بالرسم؟ (يعني هل ترسمي بيدك أم بالكمبيوتر ولو بالكمبيوتر فهل تستخمي الماوس أم قلم ضوئي)؟
أنا أتمنى أتعلم طرق تلوين مختلفة بالفوتوشوب أو ببرامج أخرى, فهل تتفضلين وأكون شاكرة لك بتقديم دروس لنا ^^
بالنسبة لدرس التلوين بطريقتك الجديدة بدأت بالعمل فيها لكن لم انتهي منها بعد "^^
سأكتفي بهذا ^^
مع تحياتي..
Ms.Rose
رد: ][®][ مقابلات مع المبدعين : - Sensei - ][®][
السلام عليكم ورحمة اللله وبركاته
هلا بالغالية العزيزة الأمورة ♥لاعبة الخيال♥ نورتي الموضوع بوجودج
راح أجاوب على أسئلتج دايركت ومن غير لف ودوران...
1- ليش ما تحبين ترسمين وحوش ؟
آنه مب أني ما أحب رسم الوحوش بس مهارتي ما تسمح مثلج يالموهوبة ^_^
2- شنو رايك في كلمة وحش خخخخ ؟
كلمة وحش شوي ثقيلة على اللسان بس معناها حلو... إذا جات صفة وحش على انسان مب حلوة بس إذا قلنا وحش بقصد حيوان خيالي فهي كلمة رائعة
3- شنو المانجات الياية إلي حابة تسوينها ؟
انت تعرفين اني اشتغل في مانجتين الحين بس وقفت شغل المانجا الثاني وقمت اشتغل في مانجا "وين اروح" بروحها وبعدين بارجع للثانية... أما اللي بعدهم لحد الحين ما حددت بس أفكر أني أرسم مانجا لقصة ألفتها اختي الغالية ♥ساوادا شن♥ وأظن أن اسمها "الحديقة" ما اذكر... وهي من تصنيف رعب
4- شنو القصص اليديدة إلي ناوية تكتبينها ؟
آنه الحين أكتب قصة "عائلة حقيقية" وممكن تكون أول قصة أثبتها "أي أني بارسم لها مانجا في المستقبل" وما يكون فيها خيال أبدا...
5- قريتي قصتي خخخخ ؟
عاد أي قصة فيهم؟؟ قصة "لمن أنادي" وصلت أظن الصفحة 17 أو أكثر... ممكن وصلت العشرين ولما كنت أبي أكمل قراية اختي قالت لا تقرين بصوت عالي فما كملتها ^_^
أما القصة الثانية فحفظتها عندي علشان اقراها بعدين عاللابتوب وانه منسدحة "أريح وأحسن"
6- لما تكبرين شنو ناوية تسيرين ؟
لو تدخلين راسي باتقولين هاي "جارود" لو كنتي تعرفينه يعني...
اندي افكار ومخططات وايد وعارفة أني ما بسوي ولا واحد منهم... وممكن أصير مدرسة... على حسب التخصص اللي باتخصصه لأني لحد الحين ما حددت
7- شنو أنواع القصص إلي تحبين تكتبينها ؟
والله آنه أكتب كل انواع القصص "الخيالي- الأكشن- الكوميدي- الرعب- الاجتماعي- سوبر باور- التاريخي "مثل الحروب القديمة" - ونادرا الرومانسي"
مب مهم التصنيف المهم روعة القصة
8- تحبين الأشياء الخيالية ؟
أموووت فيها مب بس أحبها
وشكراً على أسئلتج الحلوة يا حلوة
-----------------------------------------------
أهلاً بالمتميزة ♥Ms.Rose♥ يسعدني أنج دخلتي المقابلة ^_^
تحبي الأنمي؟ ولو كنتي تحبي إيش النوع اللي تحبيه..
أحب الأنيمي وما أتخيل أن بجي يوم وباكرهه... أما عن أنواع الأنيمي فآنه أشوف كل الأنواع... ما في نوع أفضله لأن جمال القصة مب في النوع بل في القصة نفسها... أتابع الأكشن والرعب والغامض والكوميدي والسكول كيدز والوبر باور والرومانسي والشاونين والشوجو...
تحبي تلعبي ألعاب كالبلاي ستيشن والأجهزة الأخرى؟ اذكري أمثلة..
أحبببببببببها واااايد لعبت البلاي ستيشن1 والدريم كاست اما الحين فآنه العب البلاي ستيشن 2 وأفضل الألعاب اللي لعبتها سلسلة سايلنت هيل وسلسلة ديفل ماي كراي والعاب كرة السلة
كيف طريقتك بالرسم؟
أرسم بالرصاص ونادراً ما أحبر... وأستخدم الحين أكثر شي "التابليت" القلم الضوئي
أنا أتمنى أتعلم طرق تلوين مختلفة بالفوتوشوب أو ببرامج أخرى, فهل تتفضلين وأكون شاكرة لك بتقديم دروس لنا
راح أحاول أسوي... وبابدا من الحين مدام آنه فاضية
بالنسبة لدرس التلوين بطريقتك الجديدة بدأت بالعمل فيها لكن لم انتهي منها بعد "^^
والله هالشي يفرحني وودي أشوف التطبيق ولو بعد شهر "لأني أخذت شهر في التلوين
وشكراً لكم يا بنات واذا عندكم اي تعليق على أجوبتي بكون ودي لو أسمعها "أقصد أقراها ^_^"
رد: ][®][ مقابلات مع المبدعين : - Sensei - ][®][
السلام عليكم
كيفك سينسى شخبارك
انا سعيدة ان هذه المقابلة معك هالمرة
اذكر من يوم مادخلت المنتدى و انت متالقة;)
ماشاء الله عليكى
كنت عايزة اسالك
هممم:33:
1- اه انت فى اى مرحلة دراسية يعنى فى المدرسة ام الجامعة
2- و اى طريقة رسم تفضليها الانيمى ام المانجا
3- و كيف تعلمت استخدام الفوتوشوب لانى داخية نفسى اتعلمه و مو عارفة احصل عليهيلا كفاية عليكى
و مشكورين على المقابلة الحلوة دى:D
رد: ][®][ مقابلات مع المبدعين : - Sensei - ][®][
وعليكم السلام ورحمة الله وبركاته
اقتباس:
كيفك سينسى شخبارك
الحمد لله تمام
اقتباس:
انا سعيدة ان هذه المقابلة معك هالمرة
اذكر من يوم مادخلت المنتدى و انت متالقة;)
مشكورة حبيبتي ^_^ كله من ذوقج
اقتباس:
1- اه انت فى اى مرحلة دراسية يعنى فى المدرسة ام الجامعة
2- و اى طريقة رسم تفضليها الانيمى ام المانجا
3- و كيف تعلمت استخدام الفوتوشوب لانى داخية نفسى اتعلمه و مو عارفة احصل عليه
1- آنه خلصت الثاني الثانوي ومنتقلة للثالث إن شاء الله
2- آنه ما أشوف فرق من بينهم... كلهم حلوين وآنه أتعلم منهم اثنينهم
3- أول مرة فتحت برنامج الفوتوشوب كان من أكثر من 5 سنين وما كنت أعرف للنت وايد ذيج الأيام وما كنت أدري أن هالبرنامج له مرتبة عالية وانه مشهور وايد
داخ راسي وآنه أحاول أشتغل عليه وكرهته في البداية... بس الفضول وحب التطلع خلاني اتليقف واشتغل عليه وكنت كل يوم أتعلم شي جديد... تقريباً كل شي تعلمته بنفسي ما عدا أشياء بسيطة تعلمتها من فترة 3 سنين لين الحين تقريباً...
شكراً على أسئلتج
سلام ;)
رد: ][®][ مقابلات مع المبدعين : - Sensei - ][®][
السلام عليكم ورحمة الله وبركاته
كيف الحال أختي العزيزة Sensei?? ^^
ياااااااااااااااااااااااي ماشاء الله طلعتي تحبي الأنمي أقصد تعشقيه مثلي :D
وكمان الألعاب ماشاء الله مثلي مثلي ^^
تسلمي أختي عشان الدروس اللي رح تعمليها إن شاء الله << شكر مقدم :kiss:
وسوري إذا أثقلت عليكي :o
مع تحياتي..
Ms.Rose
رد: ][®][ مقابلات مع المبدعين : - Sensei - ][®][
لا بالعكس... أتونس لما أسوي الدروس بس اللي يفرحني أكثر أني أشوف التطبيق ;)
رد: ][®][ مقابلات مع المبدعين : - Sensei - ][®][
انتهت مدة المقابلة
^^
شكرا للجميع على تفاعلهم
مع ماكان تفاعل كافي مع الموضوع ><
في انتظار ضيف جديد ومقابلة جديدة
يغلق الموضوع إلى حين
في أمان الله
