استفسار للذين يلعبون PES5 على الشبكة ...

السلام عليكم ورحمة الله وبركااته

انا عندي استفسار عن اللعبة :33:

بحيث اني أتصل وكل شي كويس .. ولما أبدأ اللعب تبدأ المشاكل !!!! :28:

بحيث إني اذا كنت HOME بحيث أبدأ اللعب يكون كل شي ممتاز للغاية ..

وعندما أكون AWAY بحيث لا أبدأ اللعب تكون اللعبة بطيئة للغاية جدا جدا

والعكس صحيح في الشوط الثاني ،، فعندما اكون HOME في الشوط الثاني تكون بطيئة

وعندما أكون AWAY تكون اللعبة سريعة في الشوط الثاني ...

باختصار اذا كنت على يمين الشاشة يكون اللعب بطيء واذا كنت على اليسار يكون سريع

مواصفات جهازي

nVidia 7900 GT
P4 3400 Mght
500 Watt Powersuplite
1 GB of ram

هذا المهم والباقي ما يحتاج

* انا كلمت الماني عن المشكلة وقالي انه يعرفها بس يقول ما يقدر يشرح لي شي لأنه مو كويس في الانجليزي ..

فأظن ان هالمشكلة معروفة

فوش الحل ؟؟

ويعطيكم الف عافية

انا اللي اعرفه انه البطىء و السرعة بسبب سرعة استقبال البيانات ..

يعني عندما تكون انت في السعودية مثلا .. و تلعب مع شخص من أمريكا .. اللعبة تصير بطيئة لأن المسافة بعيدة و فيه مشكلة بسرعة استقبال البيانات ..

و لكن لما تلعب مع شخص في نفس بلدك أو قريب من بلدك .. سرعة البيانات ممتازة و مافيها مشكلة ! ..


انت العب مع انسان من نفس بلدك .. و جرب .. يمكن هالامور اللي انت حطيتها ما تظهر ..

اخوي انا العب pes5 .. وهذي المشكلة عند الجميــع ليس انته فقط ..!!

مثل ما قال Klose العب مع واحد من بلدك او اي واحد عنده 3 خطوط خضر جنب الاسم ..

وان شاء الله راح يخف التقطيــع .. بس ما بينعدم !!

اخوي المشكله موجودة لان شركة كونامي صاحبة اللعبة مو حاطه هوستنغ حق اللعبة على سيرفراتها

لما تلعب مع اي شخص انت تشيل الهوستنغ شوط واهو يشيل الهوستنغ شوط ( يعني مره تستضيفه على جهازك من خلال استخدام نقل البايانات حق اشتراكك ومره اهو يستضيفك على جهازه باستخدام نقل البيانات من خلال اشتراكه مال الانترنت ) فاذا اشتراكه بطيء راح يكون عندك لاق لما يكون الهوستنغ عنده لان الابلود عنده ضعيف وبالتالي ماتقدر تسحب البيانات بالسرعة المطلوبة عشان تلعب بدون لاق وبالمثل عنده اذا كان اشتراكك الانترنت بطيء بيكون عنده لاق لما الاستضافه تكون على جهازك


باختصار المشكله من اللعبة نفسها ومن طريقه الاون لاين فيها وبخل كونامي وعدم توفيرها سيرفرات للعبة مثل الشركات الثانيه المحترمه .. والحل الوحيد انك تلعب مع شخص قريب من بلدك ويكون عنده سرعه اشتراك عاليه عشان تلعب بدون تقطيع .. انا لما العب مع اشخاص من الكويت او السعوديه مرات العب بدون تقطيع بالشوطين اذا كان اشتراكاتهم سريعه .

الله يعطيكم العافية شباب

بس مو وين احصل ناس سعوديين او خليجيين ...

فلو فيه واحد يقدر يعطينا اسمه يكون طيب

انا راح ادخل ان شاء الله الساعة 21 GMT يعني الساعة 12 منتصف الليل بتوقيت السعودية

Peace

www.pesChallenge.Com ..

اخوي تفضل هذا الموقع خــاص بالبطولات الخليجية .. لـ لعبة pes5 ..

وفي قسم خـاص للسعودين ..

ya ikhwane ana badi al3ab bass lazimni code assli fi hade ye3tini code bita3o wala user name akone chakere laho