-
ماذا ستفعل لو انك ....؟؟
حبيت اكتب الموضوع عشان اشارك اخواني برأيي واستفيد من آراءكم. فلا تبخلوا علينا.
الموضوع هو عبارة عن اسئلة (لو انك في مكان هذا الشخص، وش بتسوي عشان تحقق هدف معين؟) الاسئلة هي:
1- لو انك في مكان ياماوتشي (رئيس شركة ننتندو) وش بتسوي عشان تلحق سوني وتتعداها في عالم العاب الفيديو؟
2- لو انك في مكان ماياموتو (مصمم ماريو و زلدا) وش بتسوي عشان تواصل نجاح سلسلة ماريو و زلدا في مواجهة روائع سوني؟
3- لو انك في مكان رئيس شركة سوني (قسم العاب الفيديو) وش بتسوي عشان تواصل تصدرك لعالم العاب الفيديو وتتأكد ان ننتندو ما تلحقك؟
انا بجاوب اول واحد.
1- انا الحين رئيس شركة ننتندو (كح كح، تعرفون شايب). اولا لازم استغل نقطة ضعف سوني انها ما تصمم العابها زي شركتي. بروح لرئيس شركة سكوير واحب قرعته واطلب انه يصمم فانتسي للكيوب بعد ولو ببلاش. واسوي نفس الشي مع شركات كونامي وكابكم وغيرهم. المهم ما تكون فيه لعبة على السوني الا وفيه مثلها على الكيوب. وبالنسبة لسلسلة GT الخاصة بسوني، بحط قسم كامل بافضل المصممين يسوون لي لعبة احسن منها والكيوب يقدر. والله ان سوني تروح فيها. وبعد ما تطيح سوني اشتريها واقلبها بوفيه فلافل (طعمية) وحمص. واعزمكم كلكم على حسابي. طبعا الي شغال في البوفيه هو رئيس شركة سوني.
2- انا الحين ماياموتو (بديت احس اني ذكي، احساس غريب!!!). المهم، اولا ما انزل ماريو الا اذا كانت اللعبة تستاهل فعلا لو بعد خمس سنوات لأن عشاق اللعبة ما يقنعون الا بمستوى غير طبيعي زي نسخة ال64 ولا راح تتحطم اللعبة. وزلدا، اصمم نسختين. النسخة الأولى الي كانت في معرض E3 واخليها تكملة للجزئبن اللى كانو على ال64. واصمم النسخة الكرتونيه على اساس انها بدايات زلدا وهو صغير. ولا من شاف ولا من دري. واراقب انتشار النسختين عشان اقرر استمر مع مين. شغل نظيف. واخيرا اوصي رئيس سوني (الي لسه شغال في البوفيه) انه يستخدم زيت منتهي واعزم رئيس ننتندو على سندويشة فلافل مشكل. طبعا بيروح فيها ويقبضون علي رئيس سوني واصير رئيس للشركتين ....حشى البرادعي.
3- انا الحين رئيس شركة سوني (بديت اكره الفلافل). لا بجد. اولا اركز على نقطة ضعف ننتندو في سمعتها انها جهاز اطفال. اطيح في الدعايات الي تبين انه جهاز اطفال وان السوني جهاز كبار. اول دعايه بتكون لشباب يلعبون لعبة على السوني عنيفه وشوي واحد يقول طف التلفزيون عشان اخوه الصغير وربعه بيمرون ولا يبغاهم يشوفون العنف الي في الشاشة. شوي يجون الصغار ويقولون نبغي نلعب معاكم. شوي ويطلع الكيوب من الدرج ويعطيهم ويقول روحوا العبوا في الغرفه حقتكم. عاد هم ياخذون الجهاز ويروحون ينططون فرحانيين، هيه هيه هيه. عاد واحد من الشباب يطالع فيم ويقول ياحليلهم. ويكملون اللعب. قويه هاه. عز الله لأبيع الكيوب لو يسونها. وبعد ما احطم ننتندو اشتريها واقلبها حراج زل. واحط رئيس ننتندو رئيس الدلالين وماياموتو سواق الدينا الي تحمل الزل. وحدة بوحدة.
مين الي بيبيع فلافل ومين الي بيبيع زل، الله اعلم. وش رايكم انتم.
الدر
-
و الله يا الدر موضوعك جيد و فكرته من الافكار اللي كنت دائما انتظرها:)
بس يوم جت معد عرفت اتصرف(صدق ترى)
يا اخي انت افكارك دائما مبدعه و جديده:)
و غالبا للاجابه على اسألتك....انا راعي تفكير عميق....يعني راح ادرس خطط دقيقه و جهنميه(اقول بس روح البس حفاظه على راسك....انتم تقولون كذا و انتم تقرون كلامي:))
و الله غالبا راح اسوي تقريبا مثل اللي سويته انت...بس لو بصير رئيس ننتندو بنتحر و لانيب مشاور...و لو بصير مثل ميا موتو بقعد العب طول الوقت(امحق مياموتو)..
:) تدري وش احسن ما في مواضيعك؟انها خارجه عن المألوف و تعطي فرصه للسواليف و التعرف و الدردشه...:)
-
حلوة
1- انا لو مكانه اخلي نامكو وكونامي وكابكوم و سكوير سوفت ما يصممون للادفانس الا بشرط
ان يبرمجوا للكيوب لعبة حصرية واحدة على الافل من اجمل الالعاب واشهرها عندهم وعدد كثير من الالعاب غير الحصرية
مثلا :نامكو تسوي سول كاليبر حصرية وتكن غير حصرية
كونامي: ميتل غير سوليد حصرية وكاسل فيينا وونتج اليفن غير حصريتين
سكوير: فاينال فانتسي حصرية و كرونو كروس غير حصرية
كابكوم:رزدنت ايفيل حصرية (وهي بالفعل حصرية) وديفل ما كراي غير حصرية
ملاحظة: الالعاب الحصرية بتكون السلسلة كلها وليس جزء واحد مع دفع المال لهم
واقلب شركة سوني شركة سجاد ايراني
:D :D :D :D
-
والله انا مادري وش بسوي ايييييييييييييه ابسوي شريط زيلدا جديد بطل اللعبه wario والزعيم باوزر والي يتحكم بالنيزك donky kong ولينك وينه؟؟؟؟ يلا نخليه مساح النعال حقت wario لاتصدقون امزح وشكرا...
مع خالص"تحياتي"
":" صديقكمwario2002 ":"
-
انا ابغى اشوف رد نتندو
:D :D
-
موضوع ممتاز جدا وبحكم عشقي للننتندو فراح اكتب اجابتي المتعصبة جدا :
1- لو انا هيرياتشو يامتشي !! ياسلام على الي اقدر اسويه عشان اطيح السوني اول شئ ادمر سكوير !! يعني عندي شركات مثل بروني براون وكاملوت (( محترفي صناعة الار بي جي )) اخليهم يسووا العاب ار بي جي كثيرة للكيوب وتكون حلوة . وطبعا ابدا ماسمح لسكوير انها تنتج العابها للننتندو ثاني وبالتاكيد اهم شئ اني احب على رأس رئيس شركة اينكس واقنعه ينزل العابه للكيوب فقط ووقتها سكوير راح تفلس (( مع انها وللسنة الثانية على التوالي تعلن عن خسائر والبركة بمبيعات العابها الفاشلة ...
2- لو اني مياموتو (( والله ياريت اكون هو بس اكون مسلم )) اول شئ ماريو ياريت لو ترجع للنظام القديم لانه صراحة انا احب (( او بالاصح اموت بشئ )) اسمه ماريو ورلد (( على السوبر ننتندو )) وماريو بروس3 (( على الننتندو والسوبر ننتندو )) هاذيك الالعاب الواحد مايمل منها ابدا لانها روعة . صحيح انه ماريو كان روعة على الننتندو64 ولكن انا احب ماريو القديم اكثر . وياريت لو انتج اكثر من لعبة ماريو للكيوب مو بس لعبة واحدة فقط ..
اما عن زيلدا !!! اعتقد اني راح الغي مشروع زيلدا الجديد (( حق معرض سبيس ورلد 2001 )) وارجع للشكل القديم (( سبيس ورلد 2000 )) . اعرف انه الرجال عنده وجهة نظر بس مو على حساب لعبة زيلدا يابو الشباب . وياريت لو ينزل العاب زيلدا القديمة (( الاول والثاني وغيرها )) على الكيوب بس مع تحسين الجرافيكس . وننزل لعبة زيلدا جديدة كل ستة شهور ...
3- اشتري شركة ننتندو
ونأسف للاطالة
-
