-------- انـــــا الـــــخـــــايـــن --------------

سلاااااااااااااام شباب
هذا جديدي اول مره اكتب خطره بهذا الطول:D
اتمنى تعجبكم :biggthump


بين اصحابي كنت جالس
نسولف عن الي كان وصار
نسترجع الماضي الحلو
وكيف كنا صغار
نتكلم عن ايام الدراسه
وحارتنا القديمه
ونظحك من شقاوتنا
ويامحلى سوالفنا
وفي عز ضحكتنا
جابو سيرته
طرو اسمه
سكت بكل هدواء
وعن يميني وعن يساري يضحكون
مدري اش حصل فيني
تلخبط كل شيء فيني
توقف كل شيء حولي
الناس.. والوقت ..حتى الهواء
صعبه اتنفس وشوفه قدامي طيف
دمعت عيني ولا ادري كيف
سنين ..سنين مرت علىاخر لقاء
افترقنا وكلاً راح في حاله ولله البقاء
مدري شالسبب لكنا افترقنا
والمفروض ما في شيء يفرقنا
حسبت اني نسيته
و لا فكرت يوم ان اسمه يهز دنياي
يذكرني بالامي واحزاني وافراحي
اعيش كل هذا في لحظه
افكر ياترى وشهي اخباره؟
كيف عايش؟
حب غيري ولا لين اليوم يذكرني؟
ياترى لو شفته اعرفه ؟ اكيد ابعرفه!!
وهو لو شافني بيعرفني ؟
او اصلا نسى اسمي؟
اسئله تمر في بالي
اصوات من حولي تناديني
قالو اش فيك؟
رسمت البسمه على شفاتي
قلت مافيني شيء
سرحت اشوي
قلت كنا فين
قالو جبنا سالفه افلان
قلت من هذا؟
وانا عرفه ولكن بعضي يحبه
و بعضي ينكره
قالو ولد افلان
قلت ايه توني تذكرته؟
اتاريني انا الي هجرته
انا الخاين
غروري اعماني وصرت ماشوفه
طيبته و خوفه علي زاد غروري
يما ترجاني اكون قربه ولا اهتميت
فرشلي الارض بورود
تركت الورد ومشيت على الشوك
وكله لجل اعانده
تركته و ضعت بعده
عرفت الدنيا في بعده
طحت من عالي السماء عالارض
ما نفعتي اجنحه الغرور
حسيت بقسى الايام
عرف طعم الجروح
ذقت كل دمعه من عينه ذرفها
ياااه كم صبر لجلي
ومرت اسنين .. بعدها اسنين
تغير كل شيء فيني
عرفت ان الوفاء والطيب ميزه
صعبه تلقاها في الزمن هذا
لكن وش فايده هذا الكلام الحين
ذنبي كبير ياليته يسامح
لكن باي وجه اواجهه
الندم راح وقته
والزمن مستحيل يرجع
اخذت نفسي خلاص مقدر اكمل السهره
بروح لغرفتي ونام يمكن تختفي افكاره
ولله يعينني الليه اذا ما غفت عيني



تحيااااااااااااااااااااااااااااااااتي
(ترى هذي الخاطره كتبتها من خيالاتي ومو يعني اني خاااااااين :D )

السلام عليكم..
كيفك يالامل؟:D

اول في شيء لاحظتوا^^
ولله يعينني الليه اذا ما غفت عيني
أحس كأنوا الجملة فيها خطأ..
ــــــــــــــــــــــــــــــــــــــــــــــــــــــــــ
فعلا قد ننسى احبابنا في هذه الدنيا ونغفل عنهم..
لكن لايدوم النسيان طويلا فسوف يأتي يوم نتذكر طيفهم..

أخي العزيز..
خاطرتك رائعة..:D
وأعجبتني كثيرا..
ــــــــــــــــــــــــــــــــــــــــــــــــــــــــــــــ
(ترى هذي الخاطره كتبتها من خيالاتي ومو يعني اني خاااااااين :D )
هههههههههههههههه
عارفين إنشاء الله مافي حدا في دي الدنيا خاين..:D
تسلم ايدك خيووو..
وننتظر جديدك..
^ـــــــــــــــــــــــــــــــ^

حلوة ^^
والله حسيت كأني جالسة معاكم ..
حلوة الذكريات لمن تكون مع أصحابك ..
والأحلى إننا نعيش هالذكريات لمن نكبر ..
بس الأكيد فيه كثير راح يكونون بعيدين عنا ..
وكل إللي علينا إننا نذكرهم .. وندعي لهم ..
مو نخونهم <<<< ^-^ والله بمزح :biggthump ..
تسلم إخوي على الكلمات الحلوة ..
الصراحة عبارات بسيطة وسلسة وممتعة بجد ..
بإنتظار جديدك وتسلم ..

تقبل خالص إحترامي
إختك ** غاده **

اقتباس:

---

السلام عليكم..
كيفك يالامل؟:D

---

وعليكم السلام jeddahgirl
ماشي الحاااااال وينك معاد تنشافين :D

اقتباس:

---

اول في شيء لاحظتوا^^
ولله يعينني الليه اذا ما غفت عيني
أحس كأنوا الجملة فيها خطأ..

---

مممم بس اقصد بهذ الجمله الي حبيت اختم بها
الله يعينني الليله اذا ما نامت عيوني بسهر الليل كله
افكر فيه وش صار ولو صار
افكار يمكن انساها اذا غلبني النوم

اقتباس:

---

أخي العزيز..
خاطرتك رائعة..:D
وأعجبتني كثيرا..

---

هذا ما اتمناه :)
لكِ تحيااااااااااااااتي

حلوة ^^
شكراااااااا
والله حسيت كأني جالسة معاكم ..
اظن انك كنتي معانا غاده :33:--- :D
حلوة الذكريات لمن تكون مع أصحابك ..
والأحلى إننا نعيش هالذكريات لمن نكبر ..
صحيح غاده بس احيان تكون الذكريات صعبه
تحاولين دايم تتحاشينها عشان ما ترجعك
لذاك الزمن الموحش والذكريات السوداء
الي قد تكونين فيه فقدتي انسان عزيز عليك
بغير ارادتك او بارادتك
بس الأكيد فيه كثير راح يكونون بعيدين عنا ..
وكل إللي علينا إننا نذكرهم .. وندعي لهم ..
مو نخونهم <<<< ^-^ والله بمزح :biggthump ..
هذي حال الدنيا غاده البعد فيها
واذا جمعتنا فرقنا الموت
ولا يبقى الا ان نخونهم قصدي نذكرهم بخير:D :D
تسلم إخوي على الكلمات الحلوة ..
الصراحة عبارات بسيطة وسلسة وممتعة بجد ..
بإنتظار جديدك وتسلم ..
لي الشرف بتسطير كلماتك على صفحتي
تحيااااااااااااااااااتي

السلام عليكم

أهلاً بك أخي الأمل الأخير :D

عوده رائعه ، ولكن الإختلاف أنها عامية وأعجبتني كثيراً ...

أسلوب سلس وخيال جميل ..

إسمحي لي ببعض الملاحظات :D
أخطاء إملائيه : ( الي : اللي ) ( نظحك : نضحك ) ( جابو : جابوا ) ( طرو : طروا ) ( هدواء : هدوء ) ( ولله يعينني الليه : والله يعيني الليله ) ( الهمزات )
* طحت من عالي السماء عالارض
ما نفعتي اجنحه الغرور << تصوير جميل

سننتظر جديدك دوماً

إستمر فلديك الكثير ^_^

أطيب الأمنيات

السلام عليكم
هلا ولله وعليكم السلام
أهلاً بك أخي الأمل الأخير :D
هلا بك Exodia
عوده رائعه ، ولكن الإختلاف أنها عامية وأعجبتني كثيراً ...
شكرا لك Exodia يسعدني انها نالت اعجابك :D
أسلوب سلس وخيال جميل ..
شكرا فانا استخدم خيالي كثيرا في كتاباتي لدرجه ان بعضهم يظن اني ممرت بهذه المرحله :D
إسمحي لي ببعض الملاحظات :D
الله يستر :D :D
أخطاء إملائيه : ( الي : اللي ) ( نظحك : نضحك ) ( جابو : جابوا ) ( طرو : طروا ) ( هدواء : هدوء ) ( ولله يعينني الليه : والله يعيني الليله ) ( الهمزات )
فاتتك وحده :D هذا جديدي اول مره اكتب خطره بهذا الطول
المفروض بدل خطره يكون خاطره
تدري وش المشكله اني ما ادقق كثير على الكتابه واستعجل في نشرها
بس مره ثانيه راح احاول انشاء الله
* طحت من عالي السماء عالارض
ما نفعتي اجنحه الغرور << تصوير جميل
سننتظر جديدك دوماً
قريبا جدا
إستمر فلديك الكثير ^_^
توك ما شفت شيء :D :D -----> واحد شايف عمره
أطيب الأمنيات
اشكرك اخي Exodiaعلى مروك الرائع
لك تحيااااااااااااااااااااااااااااااااااااااااااااتي

سلامٌ عليك ..

ما شاء الله .. تمكنت بشكل جد رائع في الكتابة بالشعبي ..

حقًا يستمتع المرء و هو يقرأ لك ..

حاليًا أنصحك بأن تحاول كتابة الشعر الشعبي .. لأن الكتابة بالعامية تقترن كثيرًا بموسيقا و أمور من هذا .. و أنت تقدمت في هذا الأمر

إلى الأمام دومًا

فيض تحية

سلامٌ عليك ..
وعليكم السلام
ما شاء الله .. تمكنت بشكل جد رائع في الكتابة بالشعبي ..
هذا بدعمكم اختي
حقًا يستمتع المرء و هو يقرأ لك ..
شكرا لكِ و على ذوقك الجميل
حاليًا أنصحك بأن تحاول كتابة الشعر الشعبي .. لأن الكتابة بالعامية تقترن كثيرًا بموسيقا و أمور من هذا .. و أنت تقدمت في هذا الأمر
شكرا لكِ اختي جهاد ومتابعتك لي
ساحاول لكن من باب التغيير قد اكتب خاطره بالفصحى وسانشرها قريبا
في المنتدى
إلى الأمام دومًا
بكم دائما نكون في الامام:biggthump
فيض تحية

تحيااااااااااتي