عندي استفسارات وسؤال عن شراب البروتين

السلام عليكم

اولا مبروك القسم الجديد وانشالله نفيد ونستفيد بهذا المنتدى وعندي بعض الاستفسارات وعلى فكره هذي اول مره اكتب بالمنتدى كله من 3-4 سنين تركته :D

حاب اسئل عن شراب البروتين protein whey gainer او البروتين شيك هل له اضرار؟ لأني جربت اكل كثير وصرت اتضايق من كثره الاكل ومن زياده عدد الوجبات

طيب من المعروف ان الي يبغى يبني جسمه يغير نظامه الغذائي بزياده البروتين والوجبات بس هل هذا الشراب يستعمل مع هذا النظام الغذائي ولا مع نظام الاكل العادي؟؟

واذا ماسويت تمارين ايش الاضرار الي ممكن تصير؟

انا رحت GNC وسألت الي يشتغل هناك ووراني واحد علبته كبيره اكبر علبه موجوده بالمحل :D سعرها 300 رييال قالي هذي تاخذ كوبين واحد بعد الغدا والثاني بعد وجبه العشا ورحت محل ثاني قالي تاخذ كوب قبل التمرين وكوب بعد التمرين..... بس مدري اي واحد فيهم صحيح؟:33: وهل صحيح تبقى معي شهر؟ وانصحوني بنوع كويس متوفر ب GNC

انا طولي 177 ووزني حوالي 60 عشان كذا ابغى ازيد وزني
اتدرب من سنتين بس مااتوقع تحسبونها لأني دايما اقطع التدريب بسبب الدراسه والاختبارات لأن مايكون لي وقت ويرجع جسمي زي قبل واكثر فتره استمريت على التمرين يمكن 4 شهور

انا حاليا بالعطله اتدرب صباحا كل يوم ساعه ويومين راحه بالاسبوع وبالايام العاديه اتدرب بعد المغرب



بس الحين جسمي مفصل وجميع العضلات مفصله تقريبا يعني باقي لي بس زياده حجمها

وشكرا.....

فيه عندك Mass Gainer و هذا يحتوي على بروتين+كربوهيدرات+دهون+فيتامينات+معادن..المكيال الواحد منه فيه 600+ سعرة حرارية و مناسب للاشخاص اللي يبغون يزيدون وزنهم بشكل كبير

اما الWhey protien فهو بروتين+فيتامينات و هو مناسب لتكميل النصاب اليومي من البروتين و طبعا تقدر تاخذه مع اي نظام غذائي تتبعه..

النوع الاول ما جربته اما الثاني فافضل نوعية في السوق هي EAS 100%...يفضل انك تاخذه مكيال في الصباح و مكيال بعد التمرين (ذولي مهمات) و تقدر تزود (في الاوقات الثانية) متى ما حسيت انك تحتاج لها..

اقتباس:

---

انا حاليا بالعطله اتدرب صباحا كل يوم ساعه ويومين راحه بالاسبوع وبالايام العاديه اتدرب بعد المغرب

---

وش تقصد بالايام العادية؟ ايام الدراسة يعني؟
المهم..اذا بغيت زيادة في الحجم فلازم تزود ايام الراحة بمعدل 3-4 في الاسبوع

ملاحظة: لا تعتمد ابدا على كلام اللي يشتغلون في GNC لان وظيفته انه "يبيع"

حبيب قلبي انا سأل مدرب مختص بالأمور هذه

أول ماتقوم من نوم خذ كوب
وبعد التمرين وقبل ماتنام....

اقتباس:

---

ملاحظة: لا تعتمد ابدا على كلام اللي يشتغلون في GNC لان وظيفته انه "يبيع"

---

ياليت تطمئنا أن هذه المشروبات ما فيها مشاكل...أو بالأحرى أنها مستخرجة من مواد طبيعية :)

لأني من فترة طويلة أتدرب بالأثقال بس ماكو زياة في الحجم ( إلا أول ما بديت تمارين :09: )

اقتباس:

---

المشاركة الأصلية كتبت بواسطة vocial

ياليت تطمئنا أن هذه المشروبات ما فيها مشاكل...أو بالأحرى أنها مستخرجة من مواد طبيعية :)

لأني من فترة طويلة أتدرب بالأثقال بس ماكو زياة في الحجم ( إلا أول ما بديت تمارين :09: )

---

ما تسبب اي مشاكل للشخص السليم (اذا كانت عندك مشاكل في الكلى من الاساس فالوضع يختلف) و هي الwhey بروتين يفلتر من الجزء السائل من الحليب

من خلال سؤالي لاستشاري في أمراض العقم و الذكورة ..

كانت إجابته ..
أن هذه المواد غير مضرة بحد ذاتها لأنها مثل الأدوية ، و لكن
يجب أن تؤخذ بعد استشارة طبيب متخصص في هذا المجال ، لأن اللي يناسبني أنا .. مو ضروري يناسب القعقاع ، و اللي يناسب القعقاع .. ممكن أنا ما أتحمله ..

و السبب اللي يخليك تسأل دكتور متخصص في إصابات الملاعب أو في الباطنية هو أن بعض هذه المواد قد تسبب لك العقم في المستقبل لو أخذتها بدون استشارة طبيب و بعضها يسبب لك أشياءً بشكل مباشر كالاسهال أو الامساك أو آلام في الكلى ..

و على ضوء ذلك .. أتفق مع القعقاع في عدم اتباع كلام مدربين أو البائعين في الصالات لأن مهمتهم البيع و البيع فقط !!!

اقتباس:

---

أن بعض هذه المواد قد تسبب لك العقم في المستقبل لو أخذتها بدون استشارة طبيب

---

هذا الكلام صحيح بالنسبة للهرمونات "السترويدات" اما المكملات الغذائية العادية فمضارها مثل مضار الاغذية الاساسية اللي استخرجت منها... مثلا واحد عنده حساسية من الحليب و دايم تجيه غازات اذا شربه فراح يصير له نفس التاثير اذا استخدم الwhey بروتين..نفس الكلام عن الكلى..اذا عندك مشاكل فيها فحتى الاكل العادي الملئ بالبروتين ممكن يسبب لك مشاكل