عرض للطباعة
السلام عليكم ورحمة الله وبركاته :)
بغيت استفسر عن سيارة لومينا SS من ناحية الاعطال و المشاكل الي فيها :ponder:
لاني كل ما أسأل احد عنها على طول يقولي .. تسير فيها رجفه!! والي يقول صيانتها صعبة
يعني مو أي كراج يعرفلها وقطع الغيار ماتحصلها الا بالوكالة ... وأسعار الشفر عاد نار -_-
يعني أبي أعرف الخلاصة هل الموديلات الجديدة 2006 وفوق تخلصت من هذي المشاكل أو لأ
وللعلم أنا من الكويت يعني لحد يورطني بمشاكل وكالات غيري :D
سلامي
شوف اخوي
اللومينا ما تأمنها
ناس تشتكي منها
وناس تمدحها
انا بوجه نظري
ما افضلها
لان فيها عيوب في الظفيره وتوزيع الكهربا
لكن من ناحيه صيانتها
لا مو صعبه
وقطع الغيار اسعارها متوسطه
مشكور يالطيب وما قصرت... "هذه الشعره التي قصمت ظهر الجمل" ^_^
حتى الوالد يحن على راسي طول الوقت .. ياولدي اللومينا مو زينه ومشاكل كبر راسك -_-
المهم هي شكلها موت ومواصفات قوية لكن للاسف شنقول :blackeye:
خلاص عجل حولنا على الكامري ... طبعا أنا ماودي بالكامري كخيار أول بسبب سخيف... لان تلقى
مليون وحده بالشارع .. يعني من كثر ما تشوفها تحس انك تملكها :09:
على العموم لون مميز مثل الاسود أو العنابي يفي بالغرض :) >>> هذرة على غير سنع فعلا -_-;
وشكرا
ما انصحك بالكامري خذلك حاجة شبابية شوي ومدام انك تقدر على الاس اس :33:اقتباس:
المشاركة الأصلية كتبت بواسطة One Soul
ليش ما تاخذ بدل الكامري اكورد او مازدا 6 :biggthump
اخوي
عندك الاكورد والمازدا 6
وعندك الالتيما
عندك السوناتا
فيه خيارات كثيره حلوه
شف أخوي
اللومينا بشكل عام
قمامة الله يكرمك
أبعد عنها نصيحة
وخذ سيكل أحسن منها,,
وسلامي
أسف على التأخير ...... جميل جدا في خيارات حلوة يمكن أفكر في الاكورد تصدقون انا مافكرت فيها
لان ماعندها ذاك الشعبية يعني نادر جدا تشوف من الموديلات الجديدة .. ومشكورين على الردود
----------------------
اخوي الاكورد تشوفها بكل مكان
وين مالها شعبيه ؟؟
الأكورد جميلة جدا
بس تسأل وتشوف أسعار قطع الغيار عندكم بالكويت ؟
أخوي باين من موضوعك أنك خايف من قطع الغيار
لكن إذا بتاخذ هوندا أكورد فالله يعينك
يعني لو يروح عليك فيها شي راح تبكي دم :bigeyes:
هذا رأي أنا
وأنت قرر