الجني العربي المسكين في زمن لايرحم العولمه

مساكين الجن (( الينانوه )) زمن مايرحم ههه ضحايا العولمه

هلا فيكم قررت اكتب الموضوع هذا بعد عدت اشياء اولها اسمع عن شيوخ لعلاج الجن بالقران والاعشاب

وشاهدة قناة تلفزيونيه يظهر بها شيخ يقراء على المشاهدين ويطالب الجني بالخروج
ومواقع انترنت في عدة دول تعرض المعالجه من الجن بالتلفون والقراءة عن بعد وبالادويه

وحبيت اكتب الموضوع علشان تعرفون حنا باي زمن نعيش زمن مايرحم زمن العولمه هههه:biggthump

عن اوضاع الجن قبل والجن الحين
اخذو الموضوع بشوية فكاهه http://www.kuwaitchat.net/msgs/images/icons/icon36.gif
في الماضي
كان الجني رعب يخوف اكثر كلمه تخوف البشر يعني البيت الي فيه جني محديدخله او يتجراء يقول انه يعالج الجن بغير القران
ومحد يتبلى على الجن الناس تخاف من هالمواضيع حتى اكثر شي كانو
يخوفونا فيه الجن وقصصهم
الان
الحين حنا في زمن البشر الجني مسكين صار يخاف وين مايروح يطلعون له بالتلفزيون يطلعله واحد يقراء على الناس
اطلع اطلع وبالتلفون وبالانترنت وبالفاكس وبالمسجات وبالمنتجات وبالاعشاب وبالمواد المشعه وبالوصفات العجيبه
وقريبا باليزر
حتى البخور ((المضاد للجن ))وبكل شي وياكثر الادويه الي سوها ضد الجن باجر ينزلون مضاد حيوي عن الجن
الحين فيه شركات مكافحة الجن مثل شركات مكافحت الحشرات حتى الحرب الاعلاميه وتشويه صورت الجن صارت غير معقوله كل شي حطوه براسه
حقوق الجن مهدوره في العالم الثالث والمسكين الي يحاربونه ناس متخصصه

بصراحه الله يعني الجني الي يبي يعيش بهذا العالم
كل شي حطوه براسه كل انسان تاخر بدارسته او زواجه او اي مشكله حتى لو ضيع بلنتي حطوها براس الجن والشركات
شغاله تلفون تجاري لمكاقحت الجن تكلفت الدقيقه اغلى من اي اتصال دولي ادوية الجن عاد فيه انواع ماركات من الادويه ههه

بس اتوقع اشتداد المنافسه بين شركات مكافحة الجن المحليه والدوليه بعد انظمامنا لمنظمة التجاره العالميه وهذا راح
يضر الجن ويزيد من معنات الينانوه ومن الهدر من كرامتهم وسمعتهم الي صارت بالحضيض
==============
طبعا الحين ناس تقول الجن في القران انا مانكر انا انتقد الي عايشين من تجارة الجن والضحك على الناس والي يقولون
يبيلك جلسه جلسيتين ونحرق الجني فيه بعضهم يقولك انت حاسدتك وحده شلون عرف مادري شافها ؟ الجن قالوله (( جن فتيني يعلم على ربعه ))هههه
وشكرا اخذو الموضوع ايزي
اخوكم قيس العنزي نصير الجن ههههههه

قيس العنزي الجني ... كيف حالك :D

اما موضوع اللبس فهو موجود و اذا انت راعي قنص ورحلات برية ...ممكن تصادف بعض المواقف الي ( يشيب لها الرأس ) :biggthump

اما البخور و مضادات الجن اظن انها دجل :dead:

السلام عليكم ...

أووف موضوع الجن صراحة طويل و ما أدري شو أقول فيه بالضبط و خاصة الأشياء اللي كثرت على التلفزيون، الصراحة الواحد ما يدري يصدق هالأشياء و لا لأ.

اقتباس:

---

الحين فيه شركات مكافحة الجن

---

حلوة هاي :D.

اقتباس:

---

انا انتقد الي عايشين من تجارة الجن والضحك على الناس

---

الله يهديهم.

الينانوه = هي كلمة خليجية تستخدم كصيغة جمع لكلمة "الجني" و مفردها "يني"، هذا الشرح لغير الخليجيين :) .

موضوعك جميل و نادر يا قيس يا "نصير الجن" و الله يبعد عنا هالسوالف.

ابو سامي شكرا على مرورك
عاد اذا انت شفت جني اتصل على المكافحه لاتستر على الجني :biggthump
نانتو شكر على مرورك وعلى مشاركتك والله يحفظك من هالنصب

اقتباس:

---

الينانوه = هي كلمة خليجية تستخدم كصيغة جمع لكلمة "الجني" و مفردها "يني"، هذا الشرح لغير الخليجيين

---

ههههههههههه شركة مكافحة الجن

الصراحة نحتاج لمثل هذي الشركات

هههههههههههههههه اما شركة مكافحين الجن حلووووووووه

هلا فيك اخوي رتش بوي عادي الشركات مووووووووجوده حاليا
روجر صدق عادي :>