[الموضوع الرسمي] The Elder Scrolls® IV: Oblivion™

<b>لعبة ابليفيون وما ادراك ما ابليفيون (مقدمه بايخه من جد !)

بصراحه ما اقدر اصف شعوري عند ذكري لأسم هاللعبة , يعني اخاف يخوني التعبير وينقص من حقها اذا عبرت , عشان كذا رفضت اني اراجعها ! , اللعبة باللنسبه لي حياه ثانيه بمجرد ما ارجع للبيت واشغل الأكس على طول ابحر في عالمها يعني لعبة مزاجيه على الآخر طبعاً ابليفيون يمكن تكون أول تجربه فعليه لي بهالنوعية من الألعاب إلي تسبب الأدمان طبعاً احلى مميزه باللعبة انها تجي أوف لاين والشيء الثاني المحادثات , ولا ننسى الرسمات الخرافيه باللعبة من جد حاجه لا تصدق .

المهم الموضوع من عنوانه باين ان الموضوع الرسمي للمساعدات باللعبه بعد ضياع الموضوع الرسمي السابق بالتوسونامي الي ضرب المنتدى قبل كم شهر ! .

مممممممم

انا حبيت ابدأ بكتابة الحل لمهمة الفامباريزم ( Vampirism) :

1-ما هو الفامباريزم ؟!
طبعاً الفامباريزم هو مرض ! يصيبك ويحول الى مصاص دماء , يعني على بلاطه تسير دراكولا !( إلا على فكره احد شاف فيلم فان هيلسينق ؟ من جد كان فلم رهيب ما ادري كيف ابدع مخرج فيلم المومياء وجمع أربع شخصيات من اروع خرافات العقود الماضيه ! في فلم واحد )

2- وش المشاكل الي بتواجهني اذا صرت فامباير ؟
طبعاً بتواجه مشاكل كبيره بمجرد تحولك لفامباير ! ومع انه هناك مساوء لكونك فامباير إلا ان هناك جوانب حميده اذا تحولت فامباير طباً من المشاكل الي بتواجهك وبتعيق عليك اكمال مهمتك هي خوف الناس منك والتهرب من الكلام معك حتى وان كان الشخص من المهمه التي تؤديها ويحدث هذا الشيء اذا مر يومين وما افترست لك واحد غلبان وهو نايم ! , والشيء الثاني هو تأثير الشمس عليك طبعاً الشمس راح تعذبك لذلك راح يتوجب عليك انك تخلي كل مهماتك ليليه ولكن يمديك تطلع بالشمس اذا تغذيت على دم الناس ولكن راح تأثر عليك الشمس بمجرد مرور يومين يعني لازم تكون حريص يعني بشكل عام هذا المرض راح يتعبك في اداء مهماتك + راح تتغير ملامح وجهك وتسير تخوف .

3- طيب انت قلت ان له فايده ؟
أولاً نا قلت له جوانب حميده ! , طبعاً مع انه مرض إلا انك راح تكتسب قدرات هائله جديده يعني شيء خرافي من قلب راح تزيد قوتك بشكل عجيب جداً من جميع النواحي يعني في القتال + سرعتك بتزيد وراح تكتسب مهارات رؤيه تمكنك من رؤية فريستك من خلف الجدران .

4- طيب يا منحوس انا الحين فامباير والشمس لعنت والديني ! كيف اقدر امتص دم الخلق يا آدمي ؟!
طبعاً انا كنت مثلك دجه مدري كيف افترس الخلق ! وبعدها حبيب قلبيHMD007, الفكره انك تروح لأقرب غلبان فقران تلقاه نايم بالطريق وتوقف قدامه وتضغط (A) وبعدها تختار الأختيار الثاني feed وتتغذا عليه .

5-طيب الحين طفشت ابي علاج لهذا المرض ؟
يا ليل ! ياخي قسم بالله مشوار نصيحه خلك فامباير تراها شغله .

6- مالك دخل ياخي علمني ولا بروح اكلم HMD007 ؟!
خله يعلمك ! لا امزح (<<<<رايق ) شف ترا يمديك تعالج هالمرض قبل ما تتحول بشكل كامل الى فامباير ! ,كل الي عليك انك تروح لأقرب معبد (كنيسه) تطلب البركه وذلك بأنك تروح للصخره وتضغط (A) أو تروح تبحث عن علاج اسمه (cure disease) انا داري انك زلابه وبتسأل وين بتلقى هالعلاج ! شف تلقاه بمدينة سكين قراد مممم مدري كيف السبيلنق حقها لحضه أظن (skingrad) طبعاً بتلقا العلاج بمحل (ALL thigs Alchemical) .

7- يا نذل شربت العلاج ورحت الكنيسه بس ما نفع وش اسوي ؟!
الحين اقدر اقول يا ليل مطولك ! باين انك تحولت فامباير بالكامل بصراحة راح تتعب حتى ترجع طبيعي , طبعاً هذي المهمه هي اصعب مهمه موجوده باللعبة كلها ! من جد مهمه متعبه بس الحق يقال ممتعه بقوه , المهم خلنا نبدأ حبه حبه حتى نطلعك من هالمصيبه طبعاً راح تعرف انك تحولت وذلك بحدوت اشاره وهذي الأشاره هي الأحلام التي تحدث لك اثناء النوم واذا صحيت راح تلاقي كتابه تقولك انك تحلمت حلم ومدري وشو .

8-طيب كان قلت لي من زمان ياخي لأن من اسبوع وانا اتحلم؟! طيب كمل كيف بنعالج هالمرض؟
يا عبيط أصلاً انا سويت كذا حتى تتماشا مزبوط مع فقرات موضوعي ! المهم زي ما قلت راح تتعب يالله على بركة الله نبدأ :

أولاً:راح يتوجب عليك انك تروح لأقرب كنيسه وتكلم القسيس الي فيها وتسأله عن علاج للمرض , المهم بعد ما تكلمه راح يطلب منك الذهاب الى جامعة اركان في مدينة امبريال "Arcane University in the Imperial City" وتكلم "Raminus Polus" وبعد ما تكلمه راح يطلب من الذهاب الى مدينة " Skingrad " وتكلم الكونت "Count Hassildor" وهو حاكم هالمدينه وراح تلاقيه بالقصر طبعاً راح تقابل سكرتيرته وراح تنظم لقاء مع هذا الحاكم يعني راح تنتظر له لفتره ثم بيجيك وراح يعلمك انه يوجد علاج لهذا المرض وبيخبرك عن الشخص الي يقدر يسوي علاج لهذا المرض وهي عجوز اسمها "Melisande" مكانها راح يتم وضع علامه له على خريطتك .

بعد ما توصل للعجوز راح توافق على مساعدتك في صنع العلاج لهذا المرض:

وراح توديك في اول مهمه راح تطلب منك تجيب خمس حبات من "Empty Grand Soul Gems" وهي مجوهرات ويجب ان تكون فارغه يعني تكون فاضيه تم استخدام سحرها في اده معينه , طبعاً راح تلاقيها بسهوله في بيوت "Mages Guilds" وهذي البيوت حقت السحره موجوده في جميع المدن وراح يكون سعر الجوهره تقريباً بين 300 الى 400 يعني يبيلك تجييهمم وجيبك مليان بعد ما تحصل الخمس حبات من المجوهرات الفارغه رح للعجوز وعطها المجوهرات .

بعد ما تعطيها الموجوهرات راح تطلب منك خمس مهمات مختلفه :
1-تجيب 6 حبات من الثوم "garlic"
2-خمس وردات من نبات" nightshade leaves"
3-حبتين من نبات " shoots of bloodgrass"
4-دم مخلوق من جنس "Argonian"
5-رماد اقوى فامباير واسمه "Hindaril"

طبعاً راح اشرح كل مهمه على حده :
1-تجيب 6 حبات من الثوم "garlic":
الثوم يمكن راح يتعبك راح تلاقيه في اماكن التخيم , ويمديك تلاقيه في بيوت "Mages Guilds" , ودور في محلات"ingredient" ومحلات "magic" وكل هالمحلات موجوده في في المدن يعني يبيلك تدخل المدن وتبحث في الأماكن الي ذكرتهم وفيه ملاحظه مهمه ترا المحلات هذي تمتلك باقي الحاجات المطلوبه يعني ابحث عن باقي الطلبات غير الثوم زي نبات "nightshade leaves" .

2-خمس وردات من نبات " nightshade leaves"
هذي النبته راح تلاقيها في نفس المحلات الي ذكرتها في فقرة الثوم .

3-حبتين من نبات " shoots of bloodgrass":
هذي النبته يمديك تجيبها بمجرد دخولك الى بوابة ابليفيون وراح تلاقي هالنبيته أو حتى يمكن تلاقيها في محلات "ingredient" .

4-دم مخلوق من جنس "Argonian"
طبعاً العجوز راح تعطيك خنجر وراح تختار الخنجر وتشوف لك اقرب مخلوق من جنس "Argonian" واطعنه طعنه وحده بالخنجر بس لا تذبحه حتى ما تسير على راسك ديِه ! طعنه وحده واذا جاك الشرطي عطه فلوس قليله عشان الطعنه حتى ما تدخل السجن .

5-رماد اقوى فامباير واسمه "Hindaril"
طبعا هذي المهمه المطلوب منك تروح لكهف راح تلاقي عليه علامه ادخل الكهف واتبع المؤشر الين توصل للفامبير المطلوب واقتله وابحث في جسده عن رماده وراح يكون تحت اسم "Vampire Ashes" .

بعد ما تودي جميع الحاجات المطلوبه منك راح تعمل لك العجوز العلاج وبكذا تكون تخلصت من المرض



شباب انا خلصت جميع المهمات الرئيسيه واخذت 42 اشيفمنت من 50 باقي لي 8 بس المشكله ان هذي المهمات الباقيه كانت لدارك بروذور هود وانا ذبحت رئيسهم أول ما قابلته فجأه ما فيه امل اقدر انظم لهذي المهمه ؟


اذا احد عنده اي سؤال يسألني لأن خلصت جميع المهمات ! من جد طفشت وانا امتر عالم اللعبة ادور على اي مسكين يدور على مساعده


:D
%3

بس ياشيخ
الموضوع الرسمي مره وحده
والله واثق من نفسك انت وجهك

اقتباس:

---

b>لعبة ابليفيون وما ادراك ما ابليفيون (مقدمه بايخه من جد !)

---

ياخي انت مقدماتك كلها بايخه :D
تخبر مقدمة فار كراي :09:

المهم
انا ادري اني خاش غلط وعاكس الخط ومطفي النور بعد

بس باركولي
الـ DSL وصل عندي :banana: :banana: :banana:

انت روعهههههههههههههههههههههههههههههههههههه
انا هالمرض كرهنى باللعبه وانشاءلله امشى خطوع خطوه تقولها بعدين انا حلمت احلام مو حلم واحد
واذا عديتها لك منى عصير برتغال فرششششششششششششششششششش :D :D
فى اشياء مافهمتها منك
5-رماد اقوى فامباير واسمه "Hindaril"
طبعا هذي المهمه المطلوب منك تروح لكهف راح تلاقي عليه علامه ادخل الكهف واتبع المؤشر الين توصل للفامبير المطلوب واقتله وابحث في جسده عن رماده وراح يكون تحت اسم "Vampire Ashes"
شنو هذا واى كهف ووين صاير
"Mages Guilds"
شيطلع هذا ووين صاير
you are the man dude:biggthump
thnx very much
woooow now i can go play

هههه مبارك قبل تقول يليت توني ببداية اللعبة والحين أنهيتها
ممتاز يكون هذا الموضوع هو الرسمي للعبة لأنها لعبة نادرة ومهمة وتعتبر لعبة لازم الواحد يخذها مع الجهاز وأيضاً تعتبر لعبة صعبة عند البعض والاغلب يحتاج مساعدة فيها .

أي خدمة حاضرين

حبيب قلبي مبارك
زين انك فتحت هالموضوع
مبارك انا الحين وصلت بالثيف جيلد لكويست غريب
قالولي انتظر انت خلصت كل شي عليك وباقي تقابل الجري فوكس
انت انتظر اشارة منه
الحين وش هالإشارة؟؟؟؟؟

اقتباس:

---

المشاركة الأصلية كتبت بواسطة the mystery

بس ياشيخ
الموضوع الرسمي مره وحده
والله واثق من نفسك انت وجهك

ياخي انت مقدماتك كلها بايخه :D
تخبر مقدمة فار كراي :09:

المهم
انا ادري اني خاش غلط وعاكس الخط ومطفي النور بعد

بس باركولي
الـ DSL وصل عندي :banana: :banana: :banana:

---

يا روحي :D
اقول قرب حشمك <<<تسسسس

ياخي اشتقتك لخشتك البرونزيه يا معوق :D هاه الحين بديت تبين يا الضب

من جد خبر يرقص اخيراً وصل الدي اس ال عندك مبرووووك الف مبروك

<<<ناوي يجربعك بهليو 2 :biggthump

من جد وناسه وصلك الدي اس ال <<<مهو مصدق تقول انه واصل له
المهم ابيك تشتري اللعبة لأنها اسطوريه بمعنى الكلمه وصدقني راح اخدمك بها وافهمك كل حاجه ;)

اقتباس:

---

S A R U M A N
انت روعهههههههههههههههههههههههههههههههههههه

---

توك تدري :D الحين تلاقي سامي شغال يرتب مكان له بالمميزه <<<شين وقوي عين

اقتباس:

---

انا هالمرض كرهنى باللعبه وانشاءلله امشى خطوع خطوه تقولها بعدين انا حلمت احلام مو حلم واحد
واذا عديتها لك منى عصير برتغال فرششششششششششششششششششش :D :D

---

امش عليه وصدقني بتخلص المهمه + انا ناوي انزل حلول لمهمات رهيبه قريباً بس انتظر:D
وبعدين ترا انا عندي حموظه <<<يلمح
حبذا لو كوكتيل

اقتباس:

---

5-رماد اقوى فامباير واسمه "Hindaril"
طبعا هذي المهمه المطلوب منك تروح لكهف راح تلاقي عليه علامه ادخل الكهف واتبع المؤشر الين توصل للفامبير المطلوب واقتله وابحث في جسده عن رماده وراح يكون تحت اسم "Vampire Ashes"

---

هذا الفامباير راح يدلك عليه المؤشر الأحمر وراح تلاقي مكانه معلم بالخريطه وعنده المؤشر
معليك انت امش بالحل خطوه خطوه واذا وصلت للعجوز كلمني

اقتباس:

---

"Mages Guilds"

---

هذا يا طويل العمر عباره عن مكان يتجمع فيه السحره ويمديك تنظم له وتسوي مهمات لرؤسائه وكل ما تخلص مهمه يرقونك يعني أول ما تبدأ تكون جندي بعدين بعد ما تخلص كم مهمه يرقونك الى جندي اول تعرف مثال , يمديك تروح لأحد رؤسائه الثلاثه وتكلمهم حتى تنظم لهم بس انصحك تخلي الأنظمام لهم الى بعدين بعد ما تخلص المهمه الرئيسيه وهي اقفال ابواب ابليفيون بمرافقه مارتن ولد الملك , المهم انا شرحت لك وشهي الميجا قيلد وقلت لك هي "منتديات تجمع السحره" طبعاً المطلوب منك تروح لهذا البيت وهو متواجد في جميع المدن الموجوده بخريطتك تروح لكل مدينه وتدور فيها عن هذا البيت وتدخله وتشتري حاجاتك منه .

اقتباس:

---

هههه مبارك قبل تقول يليت توني ببداية اللعبة والحين أنهيتها
ممتاز يكون هذا الموضوع هو الرسمي للعبة لأنها لعبة نادرة ومهمة وتعتبر لعبة لازم الواحد يخذها مع الجهاز وأيضاً تعتبر لعبة صعبة عند البعض والاغلب يحتاج مساعدة فيها .

أي خدمة حاضرين

---

من جد ياخي ما ودي انها تنتهي
توني اليوم منزل مهمه من الأنترنت 150 بوينت:D
وتسلم وما تقصر ابيك تكون قريب حتى تساعد الشباب معي<<<يبي يورطك بالموضوع وينحاش

اقتباس:

---

حبيب قلبي مبارك
زين انك فتحت هالموضوع
مبارك انا الحين وصلت بالثيف جيلد لكويست غريب
قالولي انتظر انت خلصت كل شي عليك وباقي تقابل الجري فوكس
انت انتظر اشارة منه
الحين وش هالإشارة؟؟؟؟؟

---

الثيف قيلد روعه قصة هذي المهمه من جد عشت لحضات <<<ناوي يمسك محاظره

المهم الأشاره يا طوي العمر بيجيك واحد ويقولك الجري فوكس ينتظرك كل الي عليك تسويه تظغط على زر "back" وتنتظر ثلاث ساعات او عشر ساعات وبعدها راح تلاقيه بوجهك وهو مخلوق من جنس "Argonian" هو نفسهه الي انت انقذته من السجن على مظن .

الله يبارك فيك يا مبارك ومبروك لك انت يامبارك ومبروك للجميع ! <<<< شاف اسمك زابط مع كلمة مبروك راح طول الهرجه

من جد شئ يفرح
الحين اقدر احمل كل شئ ابغاه واقدر اكون متواجد في المنتدى على طول <<<< الله يعين الناس اللي يكرهوني :D
وبعد اقدر اخش على اللايف
من جد فله :biggthump

انا إن شاء الله راح اكون متواجد بشكل رسمي الاسبوع القادم علشان باقي مااشتركت مع شركة DSL
وش تنصحوني اشترك فيه
سعودي نت ولا اول نت ولا اي شركه اخرى
طبعا الاتصال بسرعة 256 كيلوبايت

اقتباس:

---

المهم ابيك تشتري اللعبة لأنها اسطوريه بمعنى الكلمه وصدقني راح اخدمك بها وافهمك كل حاجه ;)

---

مايحتاج اللعبة شاريها مع جهاز الاكس 360 الاسبوع الجاي :D

ياسلام شكله راح يكون افضل اسبوع :biggthump

طيب يجيني بأي مدينة ؟؟
ولا بالمكان اللي انا فيه؟؟؟

اقتباس:

---

من جد شئ يفرح
الحين اقدر احمل كل شئ ابغاه واقدر اكون متواجد في المنتدى على طول <<<< الله يعين الناس اللي يكرهوني :D
وبعد اقدر اخش على اللايف
من جد فله :biggthump

---

كأني قريت هالكلمه 10000000000000000 !
ولا شفنا شي عموماً بعد ما يركب معد لك عذر :D

اقتباس:

---

انا إن شاء الله راح اكون متواجد بشكل رسمي الاسبوع القادم علشان باقي مااشتركت مع شركة DSL
وش تنصحوني اشترك فيه
سعودي نت ولا اول نت ولا اي شركه اخرى
طبعا الاتصال بسرعة 256 كيلوبايت

---

مممممم انا انصحك بسعودي نت اذا كنت تبي تحمل على طول واهم شيء يكون اتصالك 512
أما 256 والله ياخوك ما ادري عنه اسأل ونتر وولف ترا المقعط ذاك كل اشتراكاته 256 أذكر انه يمدح اشتراك جيل

اقتباس:

---

مايحتاج اللعبة شاريها مع جهاز الاكس 360 الاسبوع الجاي :D

ياسلام شكله راح يكون افضل اسبوع :biggthump

---

خخخخخخخخخخ
لا تفرح يا خوك ترا فيه ناس كثير مثلك كلهم يقولون احلى اسبوع وما مداهم شرو الجهاز إلا وهو محترق !

اقتباس:

---

طيب يجيني بأي مدينة ؟؟
ولا بالمكان اللي انا فيه؟؟؟

---

يؤ يؤ يؤ !
نسيت اقولك لازم تروح لأمبريال سيتي !
ثم تسوي الأنتظار وبعدها بيجيك

تسلم يالحبيب على هالموضوع القيم
بالنسبة أخوي انا عندي سؤال
و هو اني لما اشتركت في الأرينا و قتلت اول خصم أيش اسوي بعدي ؟؟

رحت لذاك الرجال و كلمته يقول لي ارجع للحلبة

أيش اسوي ؟؟؟

الرجاء المساااعدة

===
و عندي استفسار ثاني
وهو صحيح انك بعد ما تاخذ العلاج و اتكلم الكونت
يعطيك 3000 و كل ما اتكلمه يعطيك مرة ثانيه 3000 ؟ ^^
===
الف شكر اخوي مرة ثانيه على وضعك لموضوع

اقتباس:

---

تسلم يالحبيب على هالموضوع القيم
بالنسبة أخوي انا عندي سؤال
و هو اني لما اشتركت في الأرينا و قتلت اول خصم أيش اسوي بعدي ؟؟

رحت لذاك الرجال و كلمته يقول لي ارجع للحلبة

أيش اسوي ؟؟؟

---

شف بعد ما تذبح المصارع بالحلبه رح للرجال الأسود وكلمه وراح يعطيك فلوس بعد ما يعطيك الفلوس يمديك تحارب مره ثانيه بختيار "ready to match"وبعدها رح للحلبه عشان تحارب
عشان تكون بطل الحلبه يبيك تحارب البرنس وراح تحاربه بعد ما تقاتل ناس واجد تقريباً 25 عدو والله ناسي بسل كل ما تخلص من مقاتلة ثلاثة اعداء راح يرقونك رتبه

اقتباس:

---

و عندي استفسار ثاني
وهو صحيح انك بعد ما تاخذ العلاج و اتكلم الكونت
يعطيك 3000 و كل ما اتكلمه يعطيك مرة ثانيه 3000 ؟ ^^

---

هو يعطيك فلوس بس مني متذكر
ولكن عن سالفة كل مره تجيه يعطيك أظن نصبه انا جيته تقريباً سبع مرات بعد ما عالجة زوجته ولا عطاني فرانك واحد !!

مبارك انا الحين ما جاني رجال وقالي جراي فوكس ليش مع اني تميت بمدينة امبريال سيتي يومين؟؟
وبعدين انا عطيت العلاج حق الفمباير لزوجت الكونت وجيت اكلمه مو راضي؟؟؟
واخر شي بكويست بالماجيك جايد قالولي انتظر للساعة 2 بالليل علشان تقابل الكونت جاني رجال ومعاه اثنين كأنهم من البرذر هود ذبحتهم وش بعدين اسوي؟؟

إن شاء الله ما اكون ثقلت عليك:D

اقتباس:

---

مبارك انا الحين ما جاني رجال وقالي جراي فوكس ليش مع اني تميت بمدينة امبريال سيتي يومين؟؟

---

غريبه !
مممممممم
انت متأكد انك حاط على الكويست حق الثيف قيلد ؟

اقتباس:

---

وبعدين انا عطيت العلاج حق الفمباير لزوجت الكونت وجيت اكلمه مو راضي؟؟؟
واخر شي بكويست بالماجيك جايد قالولي انتظر للساعة 2 بالليل علشان تقابل الكونت جاني رجال ومعاه اثنين كأنهم من البرذر هود ذبحتهم وش بعدين اسوي؟؟

إن شاء الله ما اكون ثقلت عليك

---

صح انا بعد أنا اذكر اني عطيته العلاج وماتت مرته وبعدها قال انا مني فايق لخشتك
أما المهمه حقت الميجا قيلد الي تروح برا مدينة سكين جراد ويجي الخائن يبي يذبحك بيساعدك الكونت ويتحارب معك بعدها بيقولك كلام طويل عن الديجرا ويقول انا مني متعاون معهم بعدها ترجع للميجا جيلد وتخبرهم

ايوه متأكد اني حطتها حتى هي اللي تقولي انك صرقت اشيا ب 500 ولازم تشوي سكيرفيفا ولا اللي هي

ذبحتهم وطلع الصبح ولا جاني احد يكلمني؟؟؟:boggled: