استفسارات بسيطه عن ال PSP ((جاد في التفكير لشراء الجهاز)

السلام عليكم
انا ناوي اشتري جهاز العاب PSP بس بالنسبه لي ابيه يكون جهاز حق movies MP3 Internet قبل لا يكون جهاز العاب عندي كم سؤال بس اعذروني اذا موجوده اجوبتهم من قبل بس افتريت و ماشالله المنتدى كبير اكبر من اني افتر و ادور ما لقيت خاصية البحث
1-هل ال wireless الي بالجهاز اقدر اشبك فيه انترنت مثلا ب starbucks او القهاوي الي تقدم wireless internet (اتكلم عن الكويت )
2-هل في مجال اركب MSN ماسنجر ولا ال انترنت فيه بس للتصفح ؟ و ماكو مجال MSN و هالسوالف
3-هل التصفح فيه حلو ولا يعفسلك الصفحه ؟
4-اذا كان جواب السؤال الأول نعم اذا كانت عندي اللعبه اصليه اقدر ادش Online فيها ولا لازم شبكه خاصه ؟
5-ال MP3 player سمعت انه مو طبيعي و بجودة احسن انواع ال Ipod بغيت اسأل شلون ال software بالجهاز اخطاءه واجد او يقث بطبيعته نفس تلفون sony ericcson P900 صايرتلي عقده من ال software
6-الافلام الي بالجهاز سمعت انها نقاوه و تقدر لو تركب فلم مدته بالساعا (ادري سؤال غريب ) اذا ركبت فلم نقاوة DVD مثلا اجنبي مترجم اقدر اقرا الترجمه ولا تكون صغيره حيل ؟
7-بغيت اتأكد يقبل كم حجم memory PSP الموجود بالسوق بغيت كبر الاحجام ؟

يعطيكم العافيه على هالمنتدى الحلو و اتمنى القا الاجابه من واحد مجرب الجهاز :)

ممكن الأجوبة ع الأسئلة يا أخوان

1-نعم ايصير تشبك وبكل حريه وكأنك على الاب توب ولكنه لايقرأ المواقع العربيه( يطلعلك مربعات)
2-لا ماتقدر تنزل الماسنجر ولكن من الممكن تدخل على موقع www.msn.mobile.com\
3-بالنسبه لألعاب الاون لاين فللحين ماعرفت اشغله ولا سمعت ان في احد عرف يشغله
4-بالنسبه لل mp3 player فلا يوجد مقارنه مع اي جهاز مشغل mp3 لانه صوته ضعيف والسبيكرات (تعبانه)
5-الافلام فهي من نوع mp4 وهذه من افضل الصيغ من حيث وضوح الصوت والصوره ولكن مشكلتها بكبر حجمها
6-بالنسبه للذواكر فللحين اعلى سعه وصلت 4 GB

وأي سؤال ......انــا جاهز
بالتوفيق,,,

اخوي تستطيع تركيب الmsn وعلى الافلام فهي بقمته الروعه وسعر الجهاز بالرحاب تلقاة ب70 دينار على ماأعتقد

اقتباس:

---

المشاركة الأصلية كتبت بواسطة _LUBU_

اخوي تستطيع تركيب الmsn وعلى الافلام فهي بقمته الروعه وسعر الجهاز بالرحاب تلقاة ب70 دينار على ماأعتقد

---

بما ان بالامكان تركيب الmsn فممكن تنفع اخوانك بالمنتدى وتعلمنا الطريقه وكيفيه التركيب
وجزاك الله خيرا