ياشباب انا محتار ولااعرف وش اسوي ولا وين

سلام عليكم ورحمة الله وبركاته <<<بعد السلام يحلى الكلام هههههههههههه:biggthump
نخش بالموضوع
انتم قريتم اسم الموضوع
انا ياشباب شاب تخلصت من مرض السمنه ولله الحمد
بدئت معي اعراض
هي الترهل خلينا من الترهل الترهل شي عااادي جدا مايهمني

المهم اني ضعفت قوتي لدرجه ان اخوي الصغير 10 سنوات صار يلف يدي يعني مااقدر اقاوم والله شي غرييب:33:
بديت بكسل وخمول وقرف وسئمت الحياه راحة هيبتي وقوتي

الكثير من اصدقائي من قال
ادخل كمال اجسام اقول في نفسي والله من الطفش وضيعت الفلوس بدخل يومين وبطلع
والي في كمال الاجسام من المدربين من يستاهل التفل في الوجه مع احترامي لكم يعني مايطالع فيك ياانت ياجديد ومايكلمك الا مع خشمه لمين تكره النادي جربت هالشي

والثاني من يقول ادخل نادي وسوي رياضة مشي و سويدي <<<اكره المشي اكره الركض اكره شي بعمر ملل جدا

منهم من قال سباحه وانا احب السباحه لكن الجسم يفشل الواحد يعني كله ترهلات انا قلت هذا الشيء كأنكم اخواني

واحد من اصدقائي قال لي عن رياضه تقويني وتعطيني مهاره حلوه هي التيكوندو
بس مافيه الا نادي واحد هو بالملز الملعب بس بعييد جدا عن بيتنا انا بيتي في النهضه بالرياض

الي ابغا اوصلكم ابي رياضه تكون حلوه مررره وياليت من يعرف نادي في النهضه او حولها يدرب هذه الرياضه

فيه رياضه سمعت عنها هي الاي كيدو ماادري مين الي يدربها ووينه انا ياشباب والله محتاج لكم
اسف على الاطاله
تحياتي

يا بو جبهة :p ادخل رفع أثقال تعطيك قوة أكثر من كمال الأجسام بس ما أعرف إذا موجود نادي بالنهضة فيه رفع أثقال؟؟؟؟؟؟؟؟؟

والله رفع الاثقال مناسبه جدا لحالتك


وبعد لا تنسى العاب الدفاع عن النفس تعطيك قوة جيده ..

حاول تبحث عن الايكيدو موجوده عندكم بالرياض اخبر ..



شكلك اتبعت حميه قاسيه وغير صحيه كثير عشان تضعف خلتك تفقد الكثير من الانسجه العضليه مع الشحم ..

بس يمديك تعوض الي فقدته لا تخاف .. واذا تحب كمال الاجسام العبه بنادي محترم شوي وتحمل المشاوير .. لانه مفيد لك بشغلتين .. هو شد جسمك والترهلات وايضا زياده القوة ..


وانت بالاخير ماشالله جاوبت على نفسك عن طريق نصائح اصدقائك الله يجزاهم خير

اشكركم لردودكم والله ماتقصرون يعطيك الله الف عافيه
طيب وش افضل رياضات الدفاع عن النفس

اقتباس:

---

اشكركم لردودكم والله ماتقصرون يعطيك الله الف عافيه
طيب وش افضل رياضات الدفاع عن النفس

---

هناك الكثير :) أنا أنصحك بالكونج فو ;) أو ترى كلها زينة :33: بس أنا جربت الكونج فو :D

بالنسبة للمدربين..

معاهم حق..اغلب المبتدئين يجلس اسبوع او اقل و بعدين يبطل فليش يضيع وقته معك ^__^ (هذي وجهة نظرهم) لكن اذا استمريت و وضح للمدرب انك ناوي من جد و تبغى تستمر فاغلب المدربين راح ينفتحون لك و يبدون يعلمونك و ينتبهون لك... استحمل شوي

اما الالعاب القتالية فما انصحك فيها في الوقت الحالي لان قوتك صارت اقل من الطبيعي بالاضافة الى انها ما راح تعطيك اي قوةهي راح تعطيك مهارات قتالية..

و الايكيدو بالذات ابعد عنها لانها ما راح تعطيك اي قوة...

اوكي بس وش افضل النوادي ؟؟؟ الي قريبه من حي النهضه

الظاهر انك تخلصت من السمنة بطريقة ...غير صحيحة :33:

على العموم ....... لا حديد ولا شيئ

خذها مني وانا اخوك ......

تحرك

امش على رمال البحر ... ارفع اي شيئ ..اشتغل .... في اي نشاط كان

سواء تبني شيئ

او تنقلون اغراض

او رايح للمخيم

اركض ازحف احفر الارض ....اذا كنت في نزهة او رحلة برية .... كسر خشب عشان النار ... احفر حفرة للنار ... اشتغل و شغل يدك ورجلك بكل شيئ امامك

صدقني ...ما راح تحس بالملل الموجود في ممارسة رفع الاثقال وغيرها

باختصار في الحركة بركة ...... ولا تنسى الغذاء الجيد :bigok:

اقتباس:

---

صدقني ...ما راح تحس بالملل الموجود في ممارسة رفع الاثقال وغيرها

---

بس أخوي ترا رفع الأثقال بالعكس ممتع جدا ولا فيه ملل :D ؟؟؟

بعدين الواحد لازم يحطله جدول يومي للتمارين ( ما أقصد أنه ما فيه راحة :09: ...)

أما طلعة البر منت فاضي كل يوم تطلع للبر عشان تتمرن ^__^ !!

اقتباس:

---

المشاركة الأصلية كتبت بواسطة vocial

أما طلعة البر منت فاضي كل يوم تطلع للبر عشان تتمرن ^__^ !!

---

ساعد العمال اللي يشتغلون في شارعكم :biggthump

هههههههههههه

اذكر اني رحت برفع حديد ......و بعد اسبوع زهقت ...طبعا الامر يختلف من شخص لاخر :ouch: