Test Drive Unlimited تجربه أوليه

توني شريت اللعبه وحتى تشوفون شعارها بالجيمر تاج


بصراحه الجرافيك قووي وممتاز

اشكال الشخصيات امممممم ذكرتني ببيرفكت دارك زيرو

السالفه ومافيها انك تختار شخصيه وبعدين تستاجر سياره عشان تروح لمكتب عقارات وتختار لك بيت على قد فلوسك وتشتريه وتروح تسكن فيه وبعدين تبدا سباقاتك

واول ماتوصل البيت يقولك لازم تشتري سياره من وكالة سيارات معينه ...الخ

المهم انا خذيت لي سارتن مدري وشو المهم انها مع شيفروليه بنفس المعرض ولعبت شوي فاللعبه وتسابقت وطلعت فيها عيوب فيزيائيه

يعني بالغلط مريت جنب اللمبه حقت الشارع شوي السياره دعمتها مع ان اللمبه جنب السواق والشراره من قدام الموتر !!!!!


وكنت مسرع فالسباق ودعمت ووقفت السياره على الرصيف الجانبي شوي والا وجه الموتر يغطس فالرصيف !!!!! مدري اذا الرصيف مسوينه من طين يمكن

وعندك مهمات غير السباقات

يعني تلقى وحده واقفه فالشارع هذي لك مهمه انك توصلها للمكان اللي تبيه وتسوق عدل ماتدعم ولا شي ولا تمش عكس والا نقص العداد وطفشت البنت ونزلت من الموتر هالمهمه ذكرتني بgta


وهذا اخر ماوصلت له في اول ساعه ونص من اللعب

وعلى فكره الايف له اهميه كبيره فالعب على ماظن انك تقدر تكمل مراحل اللعبه وتحصل فلوس من الفوز بالايف عشان ترجع وتشتري سيارات

واللعبه مافيها تضبيط اللهم تختار الالوان فالوكاله بس


مدري اذا احد عنده معلومات اكثر عنها يفيدنا ويمكن اغير رايي فيها

اتوقع بعد انطباعاتك هذي، GameSpot راح يطبخ اللعبة عدل .. الله يستر

اقتباس:

---

السالفه ومافيها انك تختار شخصيه وبعدين تستاجر سياره عشان تروح لمكتب عقارات وتختار لك بيت على قد فلوسك وتشتريه وتروح تسكن فيه وبعدين تبدا سباقاتك

---

ما بقى غير يزوجوك

على فكرة يا شباب
مراجعة IGN نزلت
http://xbox360.ign.com/articles/731/731208p3.html
اخذت اللعبة
8.0

^^^^^^^^^^^^^^
لو انها تشبه جيسي اللي بديد رايسنج ماعندي مشاكل هع


توضيح بس

البنت ماتلقاها كذا فالطريق وتساعدها

لا فالخريطه حقت الجزيره اللي تشبه خريطة google earth تلقى ضورة وجه بنت تختارها تلقى نفسك عندها فالشارع وتمر عليها وتساعدها

بس اشكال السيارات ترى حلووه واحسن من burnout وانعكاس الشمس والحركات هذي حلوه

اقتباس:

---

8.0

---

هذا حقها

اقتباس:

---

لو انها تشبه جيسي اللي بديد رايسنج ماعندي مشاكل هع

---

<<<<<< يتذكر انها تتوحش ويقعد يبكي

اقتباس:

---

المشاركة الأصلية كتبت بواسطة rubso

على فكرة يا شباب
مراجعة IGN نزلت
http://xbox360.ign.com/articles/731/731208p3.html
اخذت اللعبة
8.0

---

والله ماعندهم سالفه

والgps صح نسيت اذكره الصوت اللي يوجهك مايعرف يسكت كلامه واجد

عالعموم بحاول اطلع منها كم نقطه سكور اضيفها للسكور التعبان حقي خخخخخ