إستعراض نظام Windows Vista نسخة رقم 5536 (بالصور)

السلام عليكم


ملاحظة: كتبت الموضوع قبل مااسوي ترقيه الى النسخة رقم 5600

خلال الاسبوع الماضي انتشرت اخر نسخة تجريبيه من نظام فيستا

فقررت انزلها واجربها وكان حجم النسخة 2.5 قيقا

طبعا راح استعرض لكم تجربتي المبسطة والاشياء اللي اعجبتني بالنظام بمعنى ماراح ادخل بالتفاصيل الدقيقه للنظام لانه (رحم الله امرء عرف قدر نفسه) مالي خبرة في مجال التمحيص والتدقيق في النظام

واعتبر نفسي كمستخدم عادي يجرب النظام خصوصا في الاشياء اللي يستخدمها مثل التصفح وشكل النظام

وابدا بمرحلة التركيب اللي كانت شوي من وجهة نظري طويلة تقريبا اكثر من ساعتين وللعلم نظام الفيستا مايرحم لانه يطلب ان الجهاز يكون سريع وذاكرة لاتقل عن 1 قيقا وفيه كرت شاشة ممتاز وهاردسك لايقل عن 10 قيقا

(النظام اخذ اكثر من 7 قيقا من الهاردسك http://www.montada.com/images/smilie...ns/bigeyes.gif )

وبعد عملية التركيب (ركبت النظام مع وجود نظام xp ) صار كل شيء تمام وقدرت ادخل على النظام

وراح ابدا بذكر الاشياء اللي عجبتني حاليا ومع تجربتي للنظام لوقت أطول راح احط لكم صور أكثر :)

اول شيء اعجبني انك تقدر تشوف مربع مصغر من النوافذ المصغرة على شريط المهام وهذا ينفع للي يفتح نوافذ كثيرة

وهذي الصورة توضح هالكلام

http://www.saudtech.com/vista/1.jpg


ومن الاشياء اللي اعجبتني ان كلمة ابدا اختفت وصار بدالها صورة شعار النظام وبعد ماتضغط راح تطلع لك قائمة البرامج والاختصارات مثل اختصار المستند وملف الصور وغيرة

وفيه حركة حلوة وهي انه اذا مررت الفارة او على قولة ربع مجمع اللغة العربيه الفويسقة :D راح تتغير ايقونة قائمة ابدا على حسب مكان الفارة بمعنى لو مريت على خيار البحث راح تطلع لك عدسة واذا مريت على مجلد الصور بتطلع لك ايقونة الصور

وهالصورتين توضح هالكلام

http://www.saudtech.com/vista/2.jpg http://www.saudtech.com/vista/4.jpg

ومن الاشياء الجميله انه اذا دخلت مجلد معين وداخله مجلدات وملفات تقدر تغيير طريقه عرض المجلدات مباشرة بمعنى في نظام الاكس بي تختار الشكل ومن ثم تشيك ومن ثم ترجع وتختار شكل ثاني

الان مع فيستا راح تختار الشكل وراح تشوف الملفات والمجلدات تتفاعل مع هالتغيير مع تحركك للفارة وهذي صورة توضح طريقه العرض

http://www.saudtech.com/vista/5.jpg

ومن الحركات الخاثرة بالنظام انه تصغير اي ايطار يكون بشكل سريع ويختفي بشكل متدرج
وهذي صورة توضح هالشيء لكن لازم تضغط عشان تشوفها مابغيت اخرب الموضوع بصورة كبيرة

http://www.saudtech.com/vista/9.jpg

ومن الاضافات الجديدة هي زر يظهر لك كل النوافذ من مجلدات او برامج او متصفح على سطح المكتب بشكل ثلاث الابعاد وهذي صورة توضح هالشي

http://www.saudtech.com/vista/13.jpg

واذا ضغط على ايقونة جهاز الكمبيوتر او راح تشوف الهاردسك وتقسيماته بشكل جميع بحيث يوضح لك شريط ازرق لكل هاردسك كم المساحة المستخدمة وكم تبقى منها

وهذي صورة توضح هالشيء

http://www.saudtech.com/vista/10.jpg

ومن الأشياء اللي زرفتها مايكروسوفت :D شيء اسمه gadget وهي تعني الادوات او الاشياء اللي تقدر تسوي لك اشياء كثيرة على سطح المكتب
مثل فيه اداة تقدر تجيب لك اخر الاخبار من موقع معين وفيه اداة تقدر تعرض لك احوال الطقس وفيه اداة تعرض لك الساعه وهالادوات كثيرة ومنتشره بالنت ومايكروسوفت خصصت موقع هالادوات تقدر تنزل اللي تبغى
واحب انوه ان طريقه عرض الادوات في نظام فيستا اما انك تقدر تحط الادوات على سطح المكتب وين ماتبغى او تجمعهم على شريط جانبي والصور توضح هالشيء

هذي قائمة بالاداوت الموجودة مع النظام وتقدر تنزل ادوات كثير من النت من الموقع اللي موجود في الصورة في الزاويه اليمنى من اسفل

http://www.saudtech.com/vista/3.jpg

وهذي صورة للادوات وهي على سطح المكتب

http://www.saudtech.com/vista/16.jpg

وبالاخير هذي كم صورة من عندي لكم

صورة لعبة سولتير بشكلها الجديد

http://www.saudtech.com/vista/14.jpg

وهذي صورة ويندز ميديا بلير

http://www.saudtech.com/vista/15.jpg

وهذي صورة لويندز ميديا سنتر اللي قدرت من خلاله ربط النظام مع جهاز الالعاب الاكس بوكس360 وقدرت اشوف الافلام والمقاطع والصور اللي موجودة على جهازي على جهاز الاكس بوكس 360 وهذي ميزة حلوة

http://www.saudtech.com/vista/12.jpg

وبالاخير حاولت اعطيكم فكرة مبسطة عن تجربتي للنظام وان شاءالله احاول اجربه اكثر

واي واحدة جربه ويحب يشارك بالموضوع راح اكون له شاكر

وشكرا للجميع

وهذي صورة من سطح المكتب لنسخة رقم 5600

http://www.saudtech.com/vista/5600.jpg

شرحك جميل بس ممكن سؤال:
كم يأخذ من RAM في حالة الldle يعني لم يكون مافي أي برنامج مفتوح.

سؤال آخر هل هذه النسخة معتمدة من قبل مايكروسوفت أعني هل مايروسوفت تبعها في موقعها الرسمي؟
طبعا أنا لا أشتري الوندوز بس أسأل عن هل هذه نسخة نهائية منه أم BETA أو أي شيء من هذا القبيل.

وعليكم السلام

تقريبا ياخذ 450 من الذاكرة عشان كذا النظام يتطلب جهاز لاتقل ذاكرته عن 1 قيقا


وعن النسخة هذي نسخة تجريبه قبل النسخة النهائية وتقدر تحملها من موقع مايكروسوفت

http://download.windowsvista.com/pre...fre_en_dvd.iso

واحد جيجا

وياخذ 450
انا عندي 512

والله عشرين الف صفحه افتحها ...يعني لازم اطور جهازي القديم + كرت الشاشه اللي يحسدوني العالم عليه ^^


صراحه التقرير رائع جدا .. واعجبتني الصور

بالمناسبه انا سمعت عن اسعار فيستا ولكن كم بقى شهر عشان تنزل ؟؟

-سؤال اخر : انا افتح صفحات كثيره للنت ...وذكرت ان هناك امر سيعجني خصوصا للي يفتحون صفحات كثيره


ممكن تحدثني اكثر عن التجربه هذي لو تكرمت ؟؟

اقتباس:

---

تقريبا ياخذ 450 من الذاكرة عشان كذا النظام يتطلب جهاز لاتقل ذاكرته عن 1 قيقا

---

أعوذ بالله خخخخخخخ
أنا الرام مالي 256+512
ومتثاقل من الـ(200) ميجا اللي ياخذها الـ(xp) طلع الفيستا 450.


وأنا الهارد مالي 40 جيجا وما بيه فراغ سوى 2 جيجا أو أكثر بقليل وسأشتري جديد 160 جيجا بس ما أفكر أنزل فيستا بسبب المواصفات اللي يطلبها.

اقتباس:

---

-سؤال اخر : انا افتح صفحات كثيره للنت ...وذكرت ان هناك امر سيعجني خصوصا للي يفتحون صفحات كثيره

---

هذه الميزة توفرها لك متصفحات كثيرة مثل avant وFireFox وووو

اقتباس:

---

المشاركة الأصلية كتبت بواسطة omermoth

أعوذ بالله خخخخخخخ
أنا الرام مالي 256+512
ومتثاقل من الـ(200) ميجا اللي ياخذها الـ(xp) طلع الفيستا 450.


وأنا الهارد مالي 40 جيجا وما بيه فراغ سوى 2 جيجا أو أكثر بقليل وسأشتري جديد 160 جيجا بس ما أفكر أنزل فيستا بسبب المواصفات اللي يطلبها.

هذه الميزة توفرها لك متصفحات كثيرة مثل avant وFireFox وووو

---

AVANT صراحه رائع جدا وافضله بكثير

ومنها اشوف الميزات اللي في الويندوز فيستا بالنسبه للي سالت عنه



لكن عندي اخوان مايعرفون الا الويندوز اكس بس :biggthump

متصفح الاكسبلور ^^

مممم.... لا أفكر أبداً فى الإنتقال إلى هذا النظام .... يمكن كمان سنتين ثلاث لأن إمكانيات جهاز خربانه لكن على العموم يدو ان ميكروسوفت بدأت تهتم بالجانب الجمالى على حساب موارد الجهاز

انا والله حاولت اركبه لكن عندي مشكله ان مافيه تعريف لـ RAID للبورد ASUS A8N-SLI Premium فعشان كذا شلت الفكره من راسي في الفتره الحاليه :)

مشكور على التقيرير الاكثر من رائع :)
بخصوص النسخة التجريبية هل الـ DirectX المرفق معها الاصدار 9 ام 10 ؟
ياليت تطلعنا على المعلومه هذي ومشكور وماقصرت :)

اخوي amajed

اللي اعرف ان هالنسخة انحلت مشكلة التعريفات

وبخصوص DirectX نعم النسخة رقم 10 مع النظام

النظام حلو ومضبوط مظهريا .......
تقرير ممتاز .....
تشكري عليه أخوي ......
لكن مبدئيا ما راح أثبته إلى أن ينزلون نسخة أصلية .......
وثاني شيء عندي سؤال أخوي .....
هل بيكون فيه أي تعارض مع البرامج اللي على أكس بي .....
يعني لو ركبت برامج أكس بي عليه .....
بتركب كلها ... او نصها .... أو ما راح تركب ......


أخوي amajed أنا أذكر أنك تجيب التعريف حق الRaid من برى .......
يعني أول ما يبدأ تثبيت أضغط على زر F12 أو F6 ما أذكر ....
وأدخل الفلوبي وأقول له حمله من هنا .....
هذا الي أذكره قبل سنتين ......
يمكن له تعريف خارجي تقدر تضيفه .......
im not sure anyway ....

سلام ....

والله ان التقرير افضل من رائع
وانا باذن الله خلال اسبوع راح يكون عندي كمبيوتر على اخر طراز ولكن مشكلة تحميل الويندوز من النت ما الها حل

اقتباس:

---

المشاركة الأصلية كتبت بواسطة الخيال المتلاعب

أخوي amajed أنا أذكر أنك تجيب التعريف حق الRaid من برى .......
يعني أول ما يبدأ تثبيت أضغط على زر F12 أو F6 ما أذكر ....
وأدخل الفلوبي وأقول له حمله من هنا .....
هذا الي أذكره قبل سنتين ......
يمكن له تعريف خارجي تقدر تضيفه .......
im not sure anyway ....

سلام ....

---

هلا اخوي الخيال
انا عارف الشغله هذي
لكن المشكله متعلقه مع ASUS نفسها
مانزلت تعريف RAID خاص بويندوز vista
عشان كذا مااقدر اركبه للاسف :)

تقرير وعرض ممتاز
بارك الله فيك اخي الكريم
ربي لا يحرمنا من مواضيعك

تقرير رائع اخوي سعود ،،

فعلا جربته ،،

ويستاهل التجربة بصراحة

خطوة قوية لمايكروسفت بهذا الويندوز