السلام عليكم ورحمة الله وبركاته :- :)
أحب اطرح هذا الموضوع:أفكر: وهو في تذكر الماضي ومواقفنا الحاليه والسابقه في حياتنا التي مرت علينا واتمنى كل واحد يكتب تجربته الخاصه بالحياه والمواقف الراسخه في ذهنه
بصراحه أحب أكتب وتكتبون:kiss: عن أمورا مرت علينا في الصغر والكبر ومما تعلمناه في هذه الدنيا السعيده الحزينه
:) بالنسبه لي اتذكر أول ليلة دراسه بالابتدائي وراسخه في ذهني الى يومنا هذي وكانت مميزه بصراحه بحياتي الدراسية ، اقولها لكم ،
:أفكر: أول موقف قبل الدراسه:-
كانت المدرسه اللي انا مسجل فيها قريبة لبيت جدي وبعيده عن بيتنا يعني لانه اول اسبوع لازم اجلس ببيت جدي ، وحضرتي ما كانت علاقتي ببيت جدي جيده او اني ماكنت اعرفهم كثير لبعدي عنهم شوي ، فذاك اليوم انا وهلي رحنا بيت جدي زياره وما كان في بالي اني ببات عندهم ، جلسنا لين جات الساعه عشر ليلا ، قال ابوي لهلي يلله مشينا ، انا ما صدقت خبر لبست انعّال كرمكم الله واروح وراه قالي وراك مدرسه خلك ببيت جدك ، قلت له لا بجي وياكم ، قالي وهو بالسياره رح داخل وانا اطالعه وعيوني فيها الدمعه لكن بااصرار قلت له لا بجي بجي ، دعس بالكابرس وحاذى الشارع القريب يم بيت جدي واجي صاروخ للسياره بركب غصب ، الا وينتبه لي
قالي اقولك رح بيت جدك قلت له مدرسه ماابي ماابي ، قالي انزين اوريك ، ويرجع لبيت جدي ويوقف السياره ، لحقته قالي تعال ومسكني ودخلني الصاله ببيت جدي ونزل العقال ومزعه علي عدل طرااااااااخ بووووووم طاااااااااااااخ ، قالي بتجلس ولا شلون ، قلت زين زين خلاص ، وكان يفتح باب الصاله ويطلع وألـحـقه ماتبت ، واطلع له لباب الشارع وجدتي تحاول تراشيني وانا ولا مفتكر فيها ، بعدين شفت ابوي ركب السياره وانا واقف على الباب اطالع فيه وخايف لايرجع وابي اركب كيف مدري وكان عمي يمسكني لمن شافني بلحقه ، قلت لعمي هــــــــــد أحسلك هد ، وهدني وشفت السياره تمشي ومشت بالشارع لحقته بالشارع جالي عمي قالي ارجع خلاص ابوك راااح قلت ماني بداخل ابي اروح ابي اروح واهدها صيحه يم الشارع وكل مااشوف سياره مثل سيارة ابوي احسبها هي ، اخر شيء عمي زهق قالي شوووف بتدخل زين مو داخل لك خمس دقايق وبقفل الباب ، انا خليته ومافتكرت فيه ، جلست 10 دقايق بره ، اخر شيء رجعت لبيت جدي ونمت رغما عن أنفي .
:أفكر: ثاني موقف أثناء الدراسة :-
تعرفون عيال أول ابتدائي ايش يسوون لهم احتفالات وعصيرات وكيك وبساكيت وحركات بركات
أتذكر اسم استاذنا كامل وهو سوري
دخلوا علينا مجموعه من المدرسين وبيدهم الكيك والعصير والبيبسي باانواعه ويلف لفون على الفصل يوزعون علينا ياطلاب اول ابتدائي
انا كان موقعي بالفصل اول واحد يم الباب بالضبط يعني اول واحد بياخذ اللي بيجيبون قدم لي الاستاذ طبق الكيك ووضعه على الطواله وعطاني شوكه للاكل وجاني الاستاذ اللي بعده بمجموعه عصيرات وبيبسي وميراندا وسفن اب ، انا خذت ميرندا كلت الكيكه واحس ان ودي اشرب ميرندا لكن احسها حاره قلت في نفسي ما تنفع ، واشوف الاستاذ يطالعني قالي ليه متشرب ويفتحلي الميرندا الله يغربله ، وشربتها كلها ووالله بلموت اشربها حا1111ره صالختها الشمس لين قالت آمين
بعد ماشربتها رفت يدي قلت له الله يكرمكم بروح الحمام ، (اصلا انا كنت ماادل الحمام توهم امدخلينا واحنا بالحصة الاولى) وما امداني اوصل ساحة المدرسه الصغيره إلا بوووووووووع أرجع كل شيء شربته وكلته ذاك اليوم ، واطالع ثوبي كله برتقالي من الميرندا وحولي البيض والكيك واااااخ
قلت والله ماارجع الفصل ، واتشوف لباب المدرسه اللي يطلع بره ، واطالع استاذ مار لين راح شفته راح واحط رجلي واطلع من المدرسه سيده لبيت جدي وذاك اليوم اتذكر فيه مطر ، رحت بيت جدي ،وادخل شوي شوي ماابي جدي او جدتي يدرون اني هاااج من المدرسه ، رحت طوالي الحمام الله يكرمكم واغسل ثوبي واطلع الا على طول بوجهي جدي ، ويكعوش على يقولي هدوكم منحين ، قلت له :- لا ، انا طلعت من المدرسه ، قالي وشو ، قلت له طلعت شفت الباب مفتوح وطلعت ، قالي على كيفك تطلع يلله عود المدرسه اخلص ، قلت له ماني راجع لالالالالالا ، قال لي اقولك ارجع احسن لك ، قلت له عطونا ميرندا حاره ورجعتها ، وثوبي توصخ مقدر ارجع ، قالي ثوبك نظيف اخلص ارجع ، ويمسكني من اذني ويركبني السياره ويوصلني المدرسه ،
:p بعد مادخلت المدرسه كانوا في الفسحه يعني هجيت اول يوم حصتين ،
رحت جلست يم المقصف كان فيه ناس جالسين وجلست ، واطالع يمين ويسار ، إلا اشوف واحد أعرفه ، استغربت وفرحت بنفس اللحظة http://www.alroished.com/vb/images/smilies/wink.gif طلع عمي وياي بالمدرسه برابع ابتدائي ، وكان تصيح الحصه ، ورحت مع عمي الفصل ، قالي رح فصلك قلت له لا بجلس هنا ، جلست فوق طاولته ، دخل مدرس علينا وقالي أنت تدرس هنا ، مارديت عليه ، سئل عمي قال هذا يدرس هنا قال له لا هذا بااول ولد اخوي ، طالعني بعيونه كنه ضب ، قالي برررره ، خليته يولي مارديت عليه ، قال لعمي شوف لك دبره يايطلع بره او تطلع انت وياه بره ، لحوووووول ، وكان يطلعني عمي قال رح فصلك المدرس معيي ، كان اروح فصلي ، بس كنت دايم اشقر على فصله بعض المرات وبعدين حرمت المدرسين كانوا لي بالمرصاد وكان بفصل عمي نفس الشيء واحد لازق بااخوه ، بس طردونا المدرسين ، واخيرا تأقلمت مع الوضع وصرت مااروح لعمي ولا شيء ،
:D والموقف الثاني بالاسبوع الاول :-
كنا متعودين ببيت جدي بعد الفطور (الحليب والبيض والجبن والعسل ماشاء الله) جدتي توقف على روسنا انا وعمامي وعماتي توزع علينا ريلين المدرسه ، ذاااك اليوم قدر الله ونست ونسيت اخذ منها ، رحت المدرسه وجات الفسحه ، صفيت مع العالم وجيت للي يبيع وادور بمخابيي مافيهم شيء ، وكان اطلع من الصف وأكلم نفسي قلت كيف جدتي ماتعطيني مايصير ، قلت ابي افطر لازم كيف اجيب ريالين ، وكان اتشوف باب المدرسه ، واشوفه مفتوح واحط رجلي ، سييييده لبيت جدي ، دورت على جدتي ما لقيتها قالت لي الخدامه جدتي في بيت عمك ، رحت بيت عمي دق دق دق ، افتحت مرت عمي قالت لي :-شطلعك من المدرسه اللحين قلت له وين جدتي ابيهاااا، قالت لي شتبي فيهااا ، قلت ابيها بقول لها شيء ، قالت لي انا مثل جدتي وش تبي منها واقول لها (كانت جدتي طلعت من عندها راحت بين الجيران) قلت لها جدتي داخل ، قالت لي ايه ، (تعرف اني مااحب ادخل يم حريم) قلت له طيب قولي لها انها نست ما تعطيني ريالين ، وقامت تضحك علي مرت عمي ، دخلت يدها بمخباها وعطتني خمسه ، قلت لها ، ماابي فلوس ابيك تقولين لجدتي بس ، قالت طيب عادي تااخذ من مرت عمك ، قلت له لا مايصلح ، دخلت شوي مسويه انها بتقول لجدتي ، ورجعت ، قالت لي خذ ريالين من جدتك ، قمت اطالع فيها قلت هذا من جدتي ، قالت اييييه ، قلت طيب وخذتها ورجعت الا الفسحه خلصت وخلصت الحصة الرابعه يعني غبت حصه رجعت بالحصه الخامسه ، .
هذا من مواقف الابتدائيه :) ...
أما المرحله المتوسطه اسميها مرحلة التشرد من مدرسه لمدرسه لكن كان احلى فصل دخلته ثالث متوسط كان في بيئه جديده علي وكان التدريس هناك فله وحركات ومافي مواقف الا رائعه في ذاك الصف ،
من المواقف ، كان استاذ الدين استاذ بدر اللي احنا نسميه راعي اسد الصحراء ، عنده كابرس ذهبي مقربع اذا شغله ينتع ، كان عندنا اختبار وكانت اختباراته حلاوه كلها خيارات ، كلنا استعدينا بالفصل ، واللي برشم واللي كتب على الطاوله وللي جهز ورقة في الدرج يعني مسنعين لكافة الاحول ، طالعنا الاستاذ وهو يضحك قال اعرفكم مجرمين ، قال لنا :- يلله كل الفصل برررة ، احنا استغربنا بصراحه ليش يقول لنا بره ، ويرفع صوته يقول لنا يلله طلعواا خلصوني ، (الاستاذ كان مافي احسن منه الله يحفظه) وطلعنا طابور قال لنا روحوا الساحه ،ورحنا الساحه ثم قال لنا افرشوا زل المصلى يلله وخلكم ثلاث صفوف جلسوا وكل واحد يبعد عن زميله ، بــــل ، كانت طريقته مفاجئه واسئلته سهله لكن اللي ماذاكر من وين بيحل كثير من اللي بالفصل درجاتهم داااجه ، عاد بعدين عاد الاختبار للي دجوا ،
والاستاذ هذا لا ينسى بصراحه على سواليف وقصص وحركات . بعدين اقولكم مالكم خص
:) اما من المواقف الاخرى الخارج الدراسه :-
كنا نتغدا عند قوم وكانوا مايقلون الا كلتوا غدانا خلصتوه لحول متى يجي سواقهم هذول ، يعني كذا وبعدي صرنا ما نحب ولا نواطن غداهم وخلهم يشبعون به ، وعلى قولة القايل لانتا بوليدهم ولا طفل يربونك والواحد ياشباب وين ماراح بين اقاربه غير بيت اهله او بيته مايرتاح لاانه بيصير ثقيل على غيره ان ابدوا له او اخفوا له ، وصرت احب الامثله اللي تقول وقلتها
(( لا تكثر الدوس ياخلي يملونك ))
((لاتكثر الجلسه عند ناس لنتا بوليدهم ولا طفل يربونك))
مهما كانت صلة القربى إلا ان الانسان المفروض يخف رجله عن بيوت العرب واذا زار حد يكون خفيف الظل وخفيف على القلب، هذا اللي علمتنا الدنيا
اقرب مالك لا تقربه كثير خلك معاه زين ولا تغثه كل اشوي راز نفسك
الصغير يكبر واكيد بيتذكر ان الزمن دار وصار وأكيد بيتعلم كيف اللي حصل وجرى وبيتعلم
أما الكبير المفروض ان الخبره علمته أن الزمن غدار وما في الا الاخوان والابوا والام هم عنوان كل رجال فاهم
لا هذا ولد جد ولا هذا ولد خال هذاالخليل اللي تنكر لخله
اللي يكثر الدوس ياناس تتنكر له العربان ويكون أبغض شيء عندهم لو كذبوا على ببسمه او بضحكه الا بيكون محور حديثها (( والدعله)) على قالت بعض الناس يعني واعتبروا يااولي الالباب
وهذا ما علمتنا الحياه وتجربه من تجارب أعتقد توافقوني عليها شباب
واتمنى من لديه موقف في حياته أن يشاركنا فيه مشكورين حبايب ألبي
وأن شاء الله أضيف كمان من المواقف لان المواقف اللي تمر على الانسان كثيره وجل ما لاينسى
وأتمنى تكتبون مواقفكم كقصه صغيره ليتعض منها ويستفيد منها الناس ولا تكبتها في صدرك
