عرض للطباعة
السلام عليكم ورحمة الله وبركاته
اخواني ...
اول شي كل عام و انتم بخير .. و عيدكم مبارك :)
اعتذر على تقصيري في الفترة الماضية .. لكن كانت عندي ظروف شاغلتني :blackeye:
و اليوم صممت تصميم يديد :
[]::[]..•°¤[ PIECE OF MEMORIES ]¤°•.. []::[]
مده العمل : ســاعه و نص
عدد الليرات : 43 لير
الادوات المستخدمة : البن تول + ادوات الرسم
الفرش : 2
الفـلاتر : 3
الصور : 1
http://img11.picsplace.to/img10/18/P...f_memories.jpg
انتظر رايكم ... :)
وعليكم السلام ورحمة الله وبركاته ..
تصميم جيد ساسكي .. الفكره مختلفه عن العاده وبكن التغيير جيد ^^" ..
عندك بعض النقاط .. اولها استخدامك للخط .. احس فيه الجمود كثير يمكن بسبب نوعيته العاديه جداً .. وعندك الصور المضافه على الشريط .. افضل لو كان بينها فاصل وتكون راكبه على الشريط بشكل افضل , لان لو تلاحظ فالشريط مايل شوي ولكن الصور متجهه بشكل مستقيم .. واطراف الصور تحتاج حرق وتقطيع شوي ^_^ .
الاضافه بالبن تول بالجهه اليمنى غريبه شوي على التصميم اعتقد بسبب الالوان الفاتحه الورديه ولان التصميم نوعه مايستحمل مثل هالاضافات وبهالطريقة :) .
اختيارك حلو للصور والتوزيع ^^ .. تسلم على العرض :) .. وكل عام وانت بخير .
وشـــــــــــ:yup::yup::yup::yup:ـــــــــــكراً
ذكرتني باغنية اسمها Moment Of Peace -_-
صحيح هذه بيس يعني قطعة والثانية بيس يعني سلام لكن تذكرتها ..
الاضافات الي تحت على اليمين احسها داخلة غلط ×_×
ولو تعتق الصور وتخلي شكلها محروق ومقطع مثل ما قال فاينال تطلع احلى -_- << شفيهم الناس يحبوا الكآبة
<< اشم ريحة حريق،، خليني اروح اشوف الاكل شو صار فيه ><
اخوك
تصميم حلو بس اقول حاول تضيف اشياء اكثر بالخلفية السودا,,
السلام عليكم ورحمة الله وبركاته ..
ماشاء الله عليك اخي ساسكي .
تصميم رائع :)
والله انك مبدع..
ننتظر جديدك ..
Ŧђξ ĐΛЯЌ МӨόη
السلام عليكم و رحمة الله و ربكاته
عيدك مبارك اخوي ساسكي .. و عساك من العايدين و السالمين ^^
شخبارك شعلومك .. وينك من زمان :p ؟؟
المهم .. نروح للتصميم :
التصميم بسم الله ما شاء الله .. و الله انه راااائع بمعنى الكلمه
و كل شي فيه اعجبني .. و الخط البسيط زاد من اعجابي للتصميم " مع احترامي لآراء الأخوان "
لا تحرمنا من يديدك اخوي ..
اخوك .. Nighty
السلام عليكم
كيف الحال^^"
الحمد لله على السلامة، واخيرا XD
فعلا تصميم مختلف عن العادة^^"
لكن جميل، نعم فيه شيء مميز وفكرة جذابة
وطبعا تنفيذ ساسكي المتقن ^.~
مبدع في العادة والتغيير ساس
بالتوفيق لك، ويكفي عودتك لنا ولو بخلفية بيضاء وحدها :09:
يلا سلام ^.~
اهلين ساس
كيف الحال؟
عيدك مبارك متأخرا خخخ بس نو بروبلم >>> بيزي بوي لول
طبعا التصميم يبدا يطلع من فوق على سرعة النت خخ بس سوحقن الظاهر النت سريع حالا التصميم ظهر عندي فما قدرت اشوف مستويات التصميم >>> حركة غبية يشوفها يدرج التصميم
كحكح الجزء العلوي رهيب
بس قبل هذا نوعية تصميم جميلة تصدق اول ما ظهر التصميم عملت حفظ له >> طبعا عندك مانع او ما عندك مانع انا حفظته خخ :09:
اقول لك الاشياء الي عجبتني:
الحدود السوداء مو عارف ايش الكلمة بس يعني الجدار الاسود الي فيه نجوم و اشكال هذا احسه راقي و نسبة الاشكال الموجودة مناسبة جدا
تدرج الوان الشريط السينمائي او الصوري ايا كان المسمى عارف قصدي خخخ
في اليمين الزاوية الوردة و الشكل حلوين بس مادري ليه احس التموجات مو صايره بشكل منتظم
الموهيم ساس مو عارف ايش اعلق اصلا احس اني ردي على الموضوع خطا خخخ احس بنعاس و ارد على الموضوع المفروض ارد في الصبح :09:
بس اسمح لي ما قدرت انام و انا ما رديت على الموضوع :09:
بالتوفيق يا مبدع ^^
و لا تقطع القسم كثير ^^
في ناس تشتاق لتصاميمك ;)
باااي^^
السلامـ عليكمـ ...
تصميم في غايه الجمال
اعجبني كثير مرتب وجميل و ألوانه رائعه ^.^
النقد كله في جهة القلب !! والباقي مثالي
.: وفقك الله وسدد خطاك :.
السلام عليكم
تصميم رائع
لا أستطيع الانتقاد فقد سبقوني اخوتي في الرد
وتقبل خالص تحياتي
وعليكم السلام والرحمه ^^
كيف الحال والتحوال ..^^..
ماشاء الله عليك اخوي التصميم عجيب
الوانه رااايقه عجبتني وتنسيقك رهيب
وانا اتفق مع اخوي فاينل من ناحية الصور اللي بالشريط
لو خليت مسافه بسيطه بينهم بيطلع احلى ^^
الله يزيدك إبداع على إبداع
كل عام وانت بالف خير وسلامه وموفق ان شاء الله ^^
جااناا ^^
السلام عليكم ورحمة الله وبركاته
اخوي FF9 :
تصميم جيد ساسكي .. الفكره مختلفه عن العاده وبكن التغيير جيد ^^" ..
شكراً لك اخوي على رايك ... و انا حاولت اجدد في الفكرة ..:أفكر:
عندك بعض النقاط .. اولها استخدامك للخط .. احس فيه الجمود كثير يمكن بسبب نوعيته العاديه جداً ..
تسلم اخوي على ملاحظتك ..
وبالنسبة للخط ..انا تعمدت اخليه يظهر بشكل بسيط ... لاني كررت الجمله اكثر من مرة :) .. ولاني شفته معبر للمضمون اكثر
وعندك الصور المضافه على الشريط .. افضل لو كان بينها فاصل
اممم انا معاك في هالنقطة .. وفكرت فيها ( اني اضيف شريط فاصل بين الصور )
لكــن مضمون و عنوان التصميم كان السبب في اني ما استخدم الفواصل
Piece Of Memories = قطعة من الذكريات .. فأنا خليت الصور تظهر كأنها قطعة وحده .. و ما حبيت افصل بينها
يعني اخوي فاينل .. تقدر تقول ان هذا التصميم معبر .. فكل شي فيه هناك سبب لوجوده
يعني التصميم معبر اكثر من انه يكون تصميم ;)
وتكون راكبه على الشريط بشكل افضل , لان لو تلاحظ فالشريط مايل شوي ولكن الصور متجهه بشكل مستقيم .. واطراف الصور تحتاج حرق وتقطيع شوي ^_^ .
معاك حق اخوي .. ان شاء الله بحاول اهتم بالميلان اكثر :)
و حلوة فكرة الحرق .. تسلم اخوي
الاضافه بالبن تول بالجهه اليمنى غريبه شوي على التصميم اعتقد بسبب الالوان الفاتحه الورديه ولان التصميم نوعه مايستحمل مثل هالاضافات وبهالطريقة :) .
هو فعلاً .. ان هالنوعية ما تستحمل اضافة بهالطريقة
بس مثل ما قلت لك ان التصميم معبر اكثر من انه يكون تصميم ...
اختيارك حلو للصور والتوزيع ^^ .. تسلم على العرض :) .. وكل عام وانت بخير .
وشـــــــــــ:yup::yup::yup::yup:ـــــــــــكراً
الله يسلمك اخوي فاينل
يسعدني تواجدك و الله ... فعلا ردودك لاغنى عنها يزاك الله خير
و الله يوفقك ان شاء الله
لاتحرمنا من مرورك
وعليكم السلام ورحمة الله وبركاته
اهلييييييييين وسهليييييييين بالغالي "ساسكي"
شلون الغاليين والحبوبين ^^ ؟؟
ما شاء الله تصميم بمنتهى الروعة .. بصراحة تصميم جبار والله أعجبتني كثرة تفاصيلة ...
وبكونه تصميم كصورة ثابتة إلا أنه بنظري كأنه مقطع فيلم مدته دقيقة .. يشعرك بالحركة وأنت تتامل التصميم
وصدقني هذا الكلام ما أقوله مجاملة .. أبدا والله هذا شعوري الحقيقي نحو هذا التصميم الرائع ..
يكفي إن شعارك او لقبك اللي تحت إسمك هو ( ««..( Piece Of Memories )..»» ) ...
والتصميم بنفس هذا الإسم فلازم يكون خطير وبصراحة وصلت لمبتغاك اللي تطمح إليه بهذا التصميم
< لك مستقبل رائع في التصميم >
بالتوفيق حبيبي ^^
السلام عليكم ورحمة الله وبركاته
اخوي C.Falcon :
حياك الله في الموضوع اخوي .. و اسعدني تواجدك و مرورك
اقتباس:
\ذكرتني باغنية اسمها Moment Of Peace -_-
صحيح هذه بيس يعني قطعة والثانية بيس يعني سلام لكن تذكرتها ..
:D بس حلو عنوانها :)
اقتباس:
الاضافات الي تحت على اليمين احسها داخلة غلط ×_×
انا اتفق معاك في ان طريقة دخولها ع التصميم غريبة شوي... لكن انا تعمدت اني اضيفها بهالطريقة
لغاية في نفسي
و مثل ما قلت لأخوي فاينل .. التصميم هذا معبر اكثر من انه يكون مجرد تصميم :أفكر:
اقتباس:
ولو تعتق الصور وتخلي شكلها محروق ومقطع مثل ما قال فاينال تطلع احلى -_- << شفيهم الناس يحبوا الكآبة
صح الفكرة حلوة ... ان شاء الله بطبقها المرة الياية ..>> ليش هالكآبه :blackeye:
اقتباس:
<< اشم ريحة حريق،، خليني اروح اشوف الاكل شو صار فيه ><
هههههههههههه ... الله يعينك .. ان شاء الله ما يكون انحرق بس
و الله يوفقك اخوي
لاتحرمنا من تواجدك الطيب و مرورك الرائع
اخوك[/quote]
السلام عليكم ورحمة الله وبركاته
----------------------
اخوي زعيم الإحـساس ..
حياك الله في الموضوع اخوي ..
و بالنسبة لملاحظتك .. انا حبيت اخلي التصميم هادي ..
بس ان شاء الله بنتبه لملاحظاتك في المرة الياية
موفق ان شاء الله
------------------------
القمر المظلم ..
أشكرج اخني على تعقيبج و تواجدج الطيب ..
و الحمد لله ان التصميم نال اعجابج.
ننتظر جديدج
بالتوفيق
--------------------------
و عليكم السلام ورحمة الله وبركاته
حياك الله اخوي Nighty
انا بخير يسرك الحال اخوي .. و انت شحالك ؟
و تسلم اخوي على مرورك الرائع و تعقيبك الطيب ..
اسعدني رايك في التصميم ,,
ننتظر يديدك اخوي
الله يوفقك ان شاء الله