السلام عليكم ورحمة الله وبركاته
ان الحمد لله ...... <<<< ماهي خطبة يا حبيبي :أفكر:
في يوم من ايام الخريف الرائعة <<< اي خريف يا اهبل :09:
خرجت من البيت ووجهي (زي العادة) عابس وزعلان فين رايح ؟؟ رايح المدرسة <<<< شوية وحيدمرها :D
وانا في الطريق للمدرسة المشئومة والا الاقي استاذ الرياضيات ما شي بكل كبرياء وعظمة والارقام تتساقط من على جانبيه <<<<< اش هو درس لغة عربية ؟ :D
وطبعا اكيد اول شي افكر فيه "ياواد قوم سلم عليه واسأل عن احواله" <<<<< خد الرضا يا عم :09:
وجيت ابا اسلم عليه والا شوي يدق الجرس قلت لنفسي " خليه يغور مني فاضيله دحين" ودقيته جري للفصل .... وطبعا عندنا احياء و اكيد نومة زي العسل :31:
وبعد انتهاء الحصص وابتداء الفسحة ( البريك على قول الامريكان) :32:
انا حطيت راسي على الماصة ودقيتها نومة<<<<< والله انك كسلان؟ :31:
واول ما بديت ارقد والا الاقي هادي اليد اللي تضربني على ظهري "قم يا حبيبي" قمت وانا اطالع مين الحمار اللي يقومني في الوقت هادا وال شوي الاقي شي ضخم كبيييييير زي الجدر :bigeyes: ركزت شوية والا هو صاحبي الملقب بالجدار الحديدي <<<<< وانا النمر المقنع يا سيدي :09:
طالع فيه وقلي " اباك في كلمة راس يا كاكاشي " قمت ازعق " لاتخاف حارجع العشرين ريال اللي استلفتها منك الشهر الماضي بس لا تضربني الله يخليك " <<<<<<<< جبان اخونا :blackeye:
طالع في وقال :" لا لا انا اباك في موضوع تاني" قلت في نفسي " اللهم اجعلو خير "
رحت معاه للحمامات <<<<<<< لا احد يفكر غلط :09:
وراح يقلي " ترى والله انا احسدك " قلت " نعم يا سيدي تحسدني على ايش انت ووجهك ؟" قام يقلي " انت ما شاء الله عليك الناس دايم يحبونك و شعبيتك ماشاءالله تمام التمام والله نفسي اكون زيك "
طبعا بعد ما سمعت الكلام دا قلت " هه دوبك تدري يا حبيبي " :28: قام قال " ايش قلت ما سمعتك " قلت " لا سلامتك بس روق اعصابك" <<< والله من جد انت جبان
قلي " اش سر شعبيتك و حب الناس لك " <<<<< طبعا الحب الشرعي مو كده ولا كده
قلتلو " اسمع مني وانا اخوك :"
1- ابتسم دائما:
ترى لاتستهون بالابتسامة لانها سلاح جدا قوي ( ممكن يتغلب على النووي ) حاول في كل مكان ان تبتسم لان الناس يعجبهم الشخص المبتسم اكثر من الشخص اللذي يظل عبوسا طول اليوم طبعاغ اكيد في مواقف لا تبتسم فيها ( يعني بالله انت في عزى لاقدر الله وتبتسم تلاقى العالم كلها تقول " هذا متخلف ولا ايش ؟")
ودايما حاول انك لا تصطنع الابتسامة ابتسم من قلبك حاول تذك اي موقف طريف كان قد حصل وابتسم له ومما يساعد على الابتسامة التصفير اثناء اليوم بصوت منخفض
2- حاول تذكر الاسماء
انا ما اقلك تخليك ميموري كارد 1 جييجا حاول قدر الامكان تذكر الاسماء لانه كما قيل "اسمك هو اهم شي بالنسبة اليك "
3- اهتم اهتماما صادقا بالناس
لا تحاول ان تتجاهل اي شخص يناديك حاول ان تستمع لما يقول واهتم به اهتماما زائدا لان الاخرين يحبون ان يجدوا من هم لهم منصتون و بهم مهتمون
4- تحدث في اطار اهتمامات الطرف الاخر وشجع الاخرين على التكلم عن انفسهم
يعني مثلا صاحبك يحب السيارات وانت ما تطيق كلمة سيارة اول ما تقابله وتبدؤوا تتكلموا قوم اسأله "سمعت انك اشتريت سيارة جديدة ما شاء الله ايش مواصفاتها؟" خليه يتكلم عن نفسه قدر الامكان
حيث ثبت في دراسة اجرتها شركة هاتف امريكية انا اكثر كلمه يرددها الناس في كلامهم على الهاتف هي كلمة " انا "
5- اجعل الشخص الاخر يشعر بانه مهم وامدحه قر الامكان
مين مننا ما يحب يكون مهم و VIP اكيد كلنا . امدح صديقك امام اصقائه وافتخر به واشعره بانه شخصية مهمة
تجنب امدح الكاذب مثلا صاحبك راح حل الاختبار وجاب زفت فيه تقومم تقل اصحابك ما شاء الله فلان مرررررة ذكي <<<< مرة ما تجي
جرب هادي النصايح وانشالله العالم كلها بتحبك واهم شي لاتنسى الدعاء المشهور "اللهم حبب الناس الي وحبب الي الناس"
وتذكر ان حسن الخلق من اهم الامور اللي تخلي الناس يحبوك تخلص من الالفاظ البذيئة والسب الجارح <<<<< اتكلم عن نفسك يا حبيبي
وبع المحاضرة الطويلة هادي قلي "يعطيك الف عافية يا حبيبي" قلتله " حبك قرد بس خلصني.... سلام" وبعد 10 ثوان <<<<<< حاسبها بالملي
قلي " على فين يا حبيبي فين العشرين ريال يا حرامي" <<<< لا تعليق.....:28:
وفي الختام ارجو ان تكونوا استفدتم وسامحوني على التقصير
الفكرة مقتبسة من اخوي TiTaN
طبعا القصة كلها فانتاسي بس حبيت اغير جو في المنتدى
تحياتي لكم
