الجهاز ما يتعرف على الماوس والكيبورد

السلام عليكم

شباب انا شريت جهاز جديد ( تجميع )
كل القطع جديده الا الهارد دسك فجربت اشغله على طول
ما نفع نزلت الويندوز مره ثانيه بدون فورمات ونزل الوندوز
ووصلت لي شاشة الترحيب طلعتلي رساله ان في تغيير في الهارد
وير ولازم افعل الوندوز خلال 3 ايام بس المشكله بعد هذي
القصه الطويله
ان الجهاز مب راضي يتعرف لا على الماوس ولاعلى الكيبورد
يعني ما اقدر اضغط اوكي ولاني قادر اضغط انتر بالكيبورد
جربت ماوس يو اس بي جربت بي اس 2 ولا واحد نفع
فممكن لو سمحتوا حل لهذي المشكله بس الله يخليكم لا تقولون لي
فورمات لان الهارد دسك مليان اشياء مهمه

والسموحه طولت عليكم وازعجتكم بس الله يخليكم ابي الحل

اللي اعرفه انك لا تحتاج لتعريف الماوس والكيبورد للكمبيوتر

يمكن تكون المشكلة في منفذ اليو اس بي !!!

و ننتظر ردود الاخوة الخبراء في امور الكمبيوتر

انت نزلت الوندوز بدون فورمات وعلى هاردسك في جهاز جديد وهذا غلط
لازم تفرمت الهاردسك وتركب النظام من جديد عشان يتعرف على المذر بورد الجديد
جرب تفرمت الهاردسك ورد خبر

السلام عليكم ورحمة الله وبركاته



الجمس الحمر و ساموجي جزاك الله خير



بما انك لم تقم بفرمتة الهارد ووجهتك مشاكل فهذا يدل على تعارض التعاريف (تعاريف المذربورد و البيوس و الصوت ..... الخ ) الموجوده سابق في الهارد مع التعاريف الجديده


في اغلب الاحيان تحتاج الى فرمتة الهارد


وبما ان الهارد فيه بيانات قم بنقلها الى جهاز اخر او نسخهها على CDs ومن ثم فرمتة الجهاز

مشكورين شباب وما قصرتوا
الحين الجهاز يتفرمت وانشاء
الله يشتغل وبارد لكم خبر

مشكورين شباب كثر الله خيركم
اشتغل ولله الحمد بس ما قدرت اخذ شي
قبل الفورمات لان الماوس بعد ما اشتغل لما
رجعت الهارد دسك للجهاز القديم
المهم اشتغل الجهاز وكل شي تمام بس
طلعتلي مشكله ثانيه انا سويت فورمات
فوق الـ 5 مرات لجهاز القديم وما ضهرت هذي
المشكله بس الحين طلعتلي وما اعرف وش اسوي
اكيد تعرفون رسالة تفعيل الويندوز اللي مدتها شهر ( 30 يوم )
كل مره اسوي اكتف بدون مشاكل بس الحين ما اقدر
كل ما احط معلوماتي ( الاسم والبلد والعنوان ... ) واضغط نكست
تطلعلي رساله جديده عشان احط السيريال للوندوز حطيته وبلا فايده
للعلم الوندوز اللي عندي اصلي

ممكن الحل ؟؟

واااااااااااااااسف على الازعاج

السموحه شباب مساعه ما قريت المسج اللي يطلعلي عدل
مكتوب اني فعلت الوندوز اكثر من المرات المسموحه بها
فهل في طريقه اني بس اشيل الاكتفيشن ؟؟ لاني احتاج الابديت
من الوندوز لان اللي عندي سيرفس باك 1 وابي انزل 2

والسموحه على الازعاج

راجع هذا الموضوع



هنــــا

السلام عليكم

اخوي جربت الطريقه وما نفعت جربت نص السيريلات
ولا واحد نفع يقول لي كلهم غلط شبااااب ابي حل لو سمحتوا

خلاص شباب ما قصرتوا
وتسلم يا بومايد
رحت شريتلي وندوز كوبي وشغلته

يعطيكم الف عافيه شباب