هل هناك فرق بين ( PS2 ) و ( PS3 ) .........

السلام عليكم ورحمة الله وبركاته

اخواني انتوا تتكلمون على الجهاز الجديد وناقشتوا بعضكم كثير في مواضيع كثيره ولاكن ماشفت احد تكلم عن الفرق بين البلايستيشن 2 و3

يعني ممكن تقولون ماهو الفرق الملموس يعني لاأحد يقولي اشياء داخل الجهاز انا ابي فرق ملموس يعني مو معقوله اشتري جهاز بشيء الفلاني واخر شي مايطلع فيه فرق كبير بين ( 2/3 )
سؤالي هو هل هناك فرق كبير بين ( 2/3) يعني لما نزل (2) كان هناك فرق ملموس بينه وبين الجهاز الاول فهل هناك فرق بين (2/3) واتمنى منكم تفيدوني واتمنى انه يكون الفرق ملمووووس يعني من ناحية العب مثال

الحين انا العب بجهاز (2) كرة قدم ولما شغلت ااالجهاز الاول قمت اضحك قلت هل انا كنت العب هذا الشي ههههههههههههههه المهم
يعني انتو اكيد لاحظتوا الفرق بين البلايستيشن 2 و الجهاز الاول

فهل الفرق بين PS3 وPS2 نفس الفرق بين PS2 وPS1 اتمنى منكم تفيدوني

وبعدين ماسمعنا عن الوينق الليفن على ال3 شي للحين ولا شنو بضبط

والسلام ختاااااااااااااام

اخوي بكل بساطه ....
البلاي ستشن3 اقوي من البلاي2 بـــــــــ 40 مره .....
البلاي ستشن3 جيــــــــل جديد من الاجهزه
تشمل الترفيه بكل انواعه(العاب - موسيقي - افلام)
كما انه يعتبر سوبر كمبيوتر لحتوائه على نظام تشغيل اللينكس ....
اما لو تبي شئ ملموس
- الشكل والتصميم مختلف تمام
- الاسطوانات ليس لها تراي او علبه لتضع فيها بل تدخل مباشره للجهاز وهذه نقطه في بحر من مميزات الجهاز
- يد التحكم لاسيلكيه (بلوتوث)

الصراحه اخوي مع كل ماذكر عن الجهاز من شرح المميزات والمواصفات ولم تستطع ان تفرق بين الجهازين .....!!!!

السلام عليكم

ما شيء فرق أخوي بين الجهازين ولا يوجد فرق اصلا بين كل الاجهزه القديمه والجديدة

يقولون الاجهزه اقوى ومتطورة واساليب جديدة في التحكم وغيره من الكلام التجاري البحت وأنا اقولك كله كلام فاضي لا البلاي3 ولا الويي ولا 360 فيهم شيء جديد ألعاب واتسلى وقضي وقتك

باختصار سيارتي صارت قديمه وراح أغيرها هذه هي الفكرة

إذا تشوف له داعي تغير جهازك غيره

اقتباس:

---

يقولون الاجهزه اقوى ومتطورة واساليب جديدة في التحكم وغيره من الكلام التجاري البحت وأنا اقولك كله كلام فاضي لا البلاي3 ولا الويي ولا 360 فيهم شيء جديد ألعاب واتسلى وقضي وقتك

---

هاهاهاهاهاها
شكلك ضعيف الملاحظة!!!
الم ترى الفرق بين جران توريزمو 2 وجران توريزمو4؟؟
الأولى كأنا فلم كرتون والثانية كأنها سباق حقيقي 100%!!!!
الفرق بين البي اس2 والبي اس3 كبير جدا
البي اس2 سرعة معالجه 293 ميجا أما البلاي ستيشن3 فسرعة معالجه 3.2 جيجا! أي 3200 ميجا!! لاحظ الفرق وهذا الكلام ليس مجرد خزعبلات هذه الأشياء ستلاحظها بالألعاب
أولا نعومة بالرسوم وشخصيات أكثر تظهر مرة واحدة.......

فرق كبير

الرسوم ..
شفت شلون ضحك على رسوم ps1 ?
راح تضحك على رسوم ps2 !

الأشياء الملموسه

اليده:
الجهاز يستوعب 7 يدات وكلهم بلوتوث والمسافه 30 متر !
والبطاريه ما تبدلها .. وإذا بتشحنها توصلها على ps3 عن طريق وصلة USB ..!

واليده اسمها SIXAXIS = يعني المحاور الست
تقدر تتحكم باللعبه عن طريق تحريك اليده .. اذا تلعب طيارات .. ترفع اليده تطير الطياره !
واليده مافيها ميزة الارتجاج - الهزاز - .. بس ميزة الاستشعر راح تسد مكانها !

الصيغ اللي يشغلها الجهاز
البلو راي Bluray disc

BD-ROM
BD-R
BD-RE
سعته تبدا من 25 جيجا و 50 جيجا .. والحين وصلوه لغايه 200 جيجا !

دي في دي DVD
DVD-ROM
DVD-R
DVD-RW
DVD+R
DVD+RW
طبعاً معروف وسعته 4.7 جيجا لغاية 9 جيجا!

سي دي CD
CD-ROM
CD-R
CD-RW
Super Audio CD
ما يحتاج اتكلم
سعته 700 ميجا !

أون لاين online
تقدر تشبك فيها بالانترنت
وتتصفح المواقع .. وتنزل ديمو للألعاب
وبعض الألعاب اللي فيها طور الأون لاين يكون مجاني ويستوعب 40 لاعب !
الأون لاين عالم ثاني !

الجهاز:
الشكل انسيابي وجميل ولمعته هي اللي تميزه
أكو منه اصدارين
الأول : سعة الهارديك 20 جيجا
الثاني : 60 جيجا
تحط فيها الديسك مثل السياره .. اول ما تحطه .. يبلعه الجهاز !
وتشغيل الجهاز تقدر تشغله بالطريقه العاديه " من الجهاز نفسه" ..
أو من اليده " تضغط على الزر اللي مكتوب فيه PS " .. !

من الأمام ..
ابو 60 أكو مكان تحط فيها ميموري "3 أنواع "

ومن الخلف
فتحة الباور
وفتحة AV
وفتحة HDMI << للتلفزيونات العالية الجوده
وفتحة LAN / EARTH NET

......................
دش هذي الصفحه
تخليك تعيش الجو .. كأن الجهاز بايدك << جرب اليده ^_~

http://www.jp.playstation.com/ps3/hajimete/

أتمنى إني فدتك ..
وإذا اكو شي ناقص يكملونه الشباب

اقتباس:

---

المشاركة الأصلية كتبت بواسطة الجام العربي

هاهاهاهاهاها
شكلك ضعيف الملاحظة!!!
الم ترى الفرق بين جران توريزمو 2 وجران توريزمو4؟؟
الأولى كأنا فلم كرتون والثانية كأنها سباق حقيقي 100%!!!!
الفرق بين البي اس2 والبي اس3 كبير جدا
البي اس2 سرعة معالجه 293 ميجا أما البلاي ستيشن3 فسرعة معالجه 3.2 جيجا! أي 3200 ميجا!! لاحظ الفرق وهذا الكلام ليس مجرد خزعبلات هذه الأشياء ستلاحظها بالألعاب
أولا نعومة بالرسوم وشخصيات أكثر تظهر مرة واحدة.......

---

والله العظيم أنه اعرف اللي تقوله واعرفه زين وانه الرسوم اقوى واحلى وانه الوي له اسلوب جديد في التحكم وانه البلاي3 وال360 كذا وكذا ولكن كلامي من ناحيه الفكره اجهزة العاب وتسلية يعني راح يؤدي لك نفس الغرض

إذا تشوف له داعي تغير القديم غيره ...........

DigitalGuy هذا كلام ما يقوله واحد عاقل ....ايش قصدك ما في فرقة!!!!
انت تعرف ان مجال الالعاب في العالم يساند الاقتصاد والتوازن ......يعتبر قسم تقدر ارباحه ببلايين الدولارات وانت تقول مثل الشيء!!!!
لو انت ما يفرق معك إلا الوناسة....خذ لك "جهاز العائلة" والعب فيه الى ما تمل...
وللاخ اللي يسأل عن الجهاز وصاحب الموضوع....اخوي اكيد ان الفرق واضح ولكن في عالم التكنولوجيا الواحد ما يدور على الشيء الملموس إلا اذا كان هو النتيجة من شرائك لشيء جديد....اللاب توب "الكمبيوتر المحمول" اغلبها شبه بعض ولكن ما تقدر تقول ان ادائها نفس الشيء....ما في كمبيوتر مثلا HP تقارنه ب Alienware يوم تحب تلعب العاب صح....ومشكور واتمنى يكون ردي خفيف عليك

وش ذا أخونا ديجيتال يحسب الأجهزة سيارات؟؟ :31:

ياخوي وايد فروقات بين القديم والجديد!!

يكفي أقولك اليد تلفه يمين ويسار مثل الدركسون بلعبة سيارات!!

هاذي ماكانت موجودة بالأجهزة القديمة!!

أما حكاية إن غرضهم واحد فأنا معك!!

لكن إنه مافيه فرق بينهم فما أقدر أقولك نعم!!

تبا تشوف الفرق بين الرسوم والتسليه والمتعه ؟

تريا سنه بس وتعال رد على الموضوع هذا اوكيه ..


لما تنزل العاب تستعمل قدرات البلي ستيشن 3 .. اما الالعاب اللي تصدر الحين احس انها ممكن تصدر على البليستشن 2 ..

اصبر وبتشوووف يا بو السيارات

فيه فرق حالياً لكن مو مره قوي

اصبر سنه لمن المطورين ياخذوا وقتهم في التعلم على عدة التطوير

وراح تشوف الفرق القوي

حتى بين البلاي3 وال360

شبااااااب.

ليش الشرح الطويل المعقد؟؟

بإختصار

الألعاب القوية وقفت اصدارها على الـ ps2 وباقي الألعاب بتوقف خلال اقل من سنتين وبتشترون الجهاز الجديد غصبا عنكم.:09:

والسلام عليكم ورحمة الله وبركاته.

ما في اي فرق لا يضحكون عليك الشباب
اللهم هذا اسمه PS2 و الثاني اسمه PS3 :31:

اقتباس:

---

المشاركة الأصلية كتبت بواسطة Digital Guy

السلام عليكم

ما شيء فرق أخوي بين الجهازين ولا يوجد فرق اصلا بين كل الاجهزه القديمه والجديدة

يقولون الاجهزه اقوى ومتطورة واساليب جديدة في التحكم وغيره من الكلام التجاري البحت وأنا اقولك كله كلام فاضي لا البلاي3 ولا الويي ولا 360 فيهم شيء جديد ألعاب واتسلى وقضي وقتك

باختصار سيارتي صارت قديمه وراح أغيرها هذه هي الفكرة

إذا تشوف له داعي تغير جهازك غيره

---

صح لسانك من ناحيه التسليه حتى انا اللعب احيانا اللعاب dos :D او اللعاب ps1

بس في فرق يعني انت استخدم مثلا جهاز بنتيوم 1 وجهاز بينتيوم 4 وشوف الفرق شوف الاللعاب الي تشتغل على البنتيوم1 وشوف الي تشتغل على بنتيوم4 وبتحس الفرق (اذا اشتغلت اصلاً الالعاب على بنتيوم1)

وسلاااااااااااااام