عرض للطباعة
السلام عليكم:D
اخش في الموضوع ...
في مجموعة محلات تبيع العاب بي سي بالرياض وهي شبه نادره وقليل منها يعطي العاب البي سي حقه
فحبيت اننا يا اخوان نتكلم شوي عن المحلات هذي ونحطها في موضوع للفائده العامه وش رأيكم؟
يلا حمسوني عشان اكتب اللي اعرفه ...بس اول شئ اللي يدل محل يبيع العاب بي سي يدلنا عليه ولا يبخل علينا بالوصف...
وصدقوني لو تفاعلتو مع الموضوع أوعدكم ان شاء الله انه يكون بمثابه ارشيف لكل الاعبين..
والله في محلات كثيرة عندها محموعة ألعاب جيدة ولكن لا يوجد محل تحصل فيه الألعاب الجديدة
الألعاب الجديدة تحصلها في سوق العليا للكمبيوتر ، اسأل عن بندر :)
طيب هذي بدايه طيبه ....بس يا ريت لو تدلنا على محلات عشان انت عارف مشاكل الالعاب البي سي كثيره واضمن لو اخذناها من محل...ولا ايش رأيك؟
فيه محلات تجيب لك اللعبه بعد اسبوع من نزولها في امريكا
وبعدين اخوي رومنسي انا مااحب حركة شجعوني واقول لكم ×_×
ياخي حط الي عندك مثل خلق الله بدون ماتخليهم يتحببون عندك
الي عندي هو محل النسر للبرامج
الالعاب الاصلية تنزل عنده اول باول وسريع سريع والي يبي الوصف يتصل عليهم وهذي ارقام فروعهم الثلاثه في الرياض
014659008
014773287
012481221
وتبي الصراحه احس ماعندك محلات في بالك .. اذا بغيت محلات ينفع تطلب مكان محلات وندلك بدون السيناريو هذا
ولو عندك ياليت تحطه مباشره !
السلام عليكم ورحمة الله وبركاته
للألعاب الجديدة عندك امبراطورية الحاسوب اعتقد هذا اسم المحل اذا ما كنت غلطان تحصله على الشارع اللي بين اسوق طيبة والعويس (ما اذكر اسم الشارع) .
وعندك محل اسمه جزيرة الكنز فيه هندي هناك اسمه "شيبو" المحل هذا تحصله في حراج الكمبيوتر خلف "أرض البرامج".
والالعاب القديمة تلقاها عند اللي يبيعون البرامح في حراج الكمبيوتر.
أهلاً أخوي .... عندك محل أسمها احداثيات على طريق المدينة المنورة بالبديعة مقابل بلشرف غرب أسواق الرياض الدولي .... أتعامل معهم منذ سنوات طويلة ... أشرطتهم مضمونة و بسعر معقول ... حوالي 25 ريال والاشرطة ثنائي الطبقة ذو 8,5 جيجا بـ 50 ريال ...و الرجل أسمه أمجد ... وبالتوفيق ...
في بعد محل على نفس الشارع اللي فيه خط الإنتظار
أظن هو امبراطورية الحاسوب والألعاب عنده أول بأول
عندك جرير.. عندهم ألعاب EA جميعها..
و عندكم حراج العليا فيه محلات كثيرة..
اقتباس:
المشاركة الأصلية كتبت بواسطة amajed
استاذي امجد يشرفني انك تمر على موضوعي بصراحه
وبغيت اقولك انه في بالي محلات تجيب الالعاب اول بأول حتى قبل نزول الأصلي منها..!!! ومنظمين كتالوج وكل كم يوم يضيفون ألعاب جديده
لكن حبيت اشوف الاعضاء من يشترون العابهم ...
بسم الله :
فروع جيم نيشن(مملكه الألعاب)...
ف
فرعهم الرئيسي على طريق العروبه
1-امشي على التخصصي اتجاه تقاطع العروبه
2- خلي اليورومارشيه على يدك اليسار ..وادخل يمين على طريق العروبه
3-راح تحصل المحل على يدك اليمين قبل اول اشاره(اشاره الملك فهد)
جيم نيشن..امممممممم أنا دايم آخذ منه ألعاب ال360..بس عمري ما شفت ألعاب جديدة للبي سي!
وبصارحة المحل ماعليه يعني يحاول ينافس وبقوة
عموماً هذي أشهر المحلات:
جيم ماستر، مركز النسر، ألعاب طوكيو، جيم نيشن (توه خاش بالمنافسه)، بيت الكومبيوتر
بعضهم يبيعون للبي سي ألعاب جديدة بس الحرام ان اسعارها غالية..
يعني مفروض 19$ يبيعونها بـ50$!!
وجميلة استاذ (أبو ماجد)
بندر في حراج العليا وبس :D
ومش حتئدر تغمض عينيك D=
شباب سألت عن آخر العاب البي سي اللي نزلت جيم نيشن
باتل فيلد ونيد فور سبيد كاربون
والباقي نسيته لان هذا اللي همني!!هههخ
محل جمب محل جيم ماستر جمبه علطول لازقبه محل كمبيوتر صغير وشكله يجيب الهم بس عنده كل الالعاب الجيده حتى ونج اليفن 10 عنده ولعبه ديفدي ب40 ريال
فيه محل بالسويدي اسمه على ما اظن الأفق للكومبيوتر..
كنت اشتري منه قبل 7 سنوات.. كان مافيه الا هو.. بس الحين ما يحتاج
العليا أقرب و أزين..
ألعاب بـ 50 ريال!http://smileys.smileycentral.com/cat/4/4_11_10.gif
أشتري نسخة أصلية أحسنلي
أعرف محل صغير تتوفر فيه كل الألعاب المشهورة حتى الجديد منها وهو في شارع التحلية مقابل مدرسة العليا
السي دي فيه ب10 ريال فقط والـDVD ب 30 أو 45