الديربي الكبير انتهاء (بالتحكيم) هلالياً!!
السلام عليكم ورحمة الله وبركاته ،،،
أنتهت مباراة القمة العربية السعودية بفوز الهلال على غريمه النصر بهدفين مقابل هدف واحد سجل للهلال ياسر القحطاني وطارق التائب وللنصر ضياء هارون ،،
بدء الهلال بالضغط مبكراً وأثمار عن هدف بعد تمريره رائع من النجم الرائع محمد الشلهوب إلى القناص ياسر صدها الخوجلي بعدها ارتدت الكرة من رأس ماسيماسو مدافع النصر إلى القناص الذي قنصها بكعبه بشكل رائع معلنة الهدف الأول،،،،،،،،،،،،،،،، بعد ذلك لعب النصر وكثفوا هجومهم وبعد هجمه بين ضياء هارون والبيشي سدد هارون كرة قذيفه من مسافة 40 ياردة تقريباً لم يراها الدعيع إلا في الشباك معلنة الهدف الأول للنصر ،،،،،،،،،،،،،،،،،،،، وكان الهدف فتح شهية لاعبين النصر للتسديد ومن كرة من منتصف الملعب سدد البيشي كرة ولا أروع بعد ما لاحظ أن الدعيع متقدم من مرماه تعملاق الدعيع في صدها ثم اصدتمت بالعارضة حارمة النصر من الهدف الثاني وبعد دقيقتين سدد المدافع حمد الصقور من المنتصف أيضاً صدها الدعيع إلى ضربة زاوية،،،، وقبل نهاية الشوط الأول سدد القناص كرة ارتدت من العارضة حارمة القناص والهلال من الهدف الثاني ،،،،،،،،،،،،،،،،،،،،،،،،
يعلن الحكم انتهاء الشوط الأول بإثارة رائعة عادت بنا ذكريات أقوى دوري عربي .......
الشوط الثاني:
شوط مثير وخاصة في نهايته ،، بعد مراوغة أكثر من 3مدفعين مرر القناص كرة بين المدافعين إلى المحترف الليبي طارق التائب الذي كسر مصيدة التسلل وبخبرته الكبيرة سددها يمين الخوجلي معلنة الهدف الثاني،،،،،،،،،،،،،،
وانطلق سعد الحارثي من الجهة اليمنى وعكس كرة مثالية للمندفع خلف مدافعين الهلال (الغزال الأسمر) طلال المشعل غمزه كهدف ثاني ،،،
لكن مساعد الحكم!!! أعلن أنها تسلل!! لتبدأ الفوضى في الملعب واعتراض لاعبين النصر والإداريين وشغب جماهيري،، بعد إلغاء الهدف الصحيح واستمر التوقف أكثر من 10 دقائق حتى هداء الجماهير عن طريق النجم الخلوق محيسن الجمعان والأمير الوليد بن بدر ،،،،،،،،،
بعد ذلك استكملت المبارة وانتهت النتيجة 2-1 لصالح الهلال ،،،، بعد مبارة رائعة كبيرة لولا الخطأ التحكمي الفادح لخرجت المباراة بأفضل حال
رأي: والله الصراحة معهم حق الجماهير من الزعل،، لكن مو بهذه الطريقة الدخيلة علينا رمي المعلبات والأحذية على مساعد الحكم صحيح أنه غلط ،، لكن فيه لجنة تحكيم وأظنها هي متحيزة للهلال أكثر من أي نادي آخر لأنه المطلق سبق أن ضر النصر أمام الإتحاد الموسم السابق!! مما يثير اكثر من علامة إستفهام؟؟؟؟
النصر أبدع أمام الهلال لكن الحكم تحامل كثيراً على لاعبين النصر أعطاهم وبرز لهم البطاقات الصفراء ،، لا أعلم هي لنفرزة اللاعبين لدرجة أن طلال المشعل لم أراه من قبل أن يتفرز أو يتصرف بغضب:bigeyes:
انظرو الصورة واحكموا بدون تعصب
http://s3ooody.jeeran.com/NSR1.jpg
رد: الديربي الكبير انتهاء (بالتحكيم) هلالياً!!
تصرف كان غير ايجابي وغريب من الجماهير .. الي صار عيب
رد: الديربي الكبير انتهاء (بالتحكيم) هلالياً!!
الهدف صحيح ... برأي جميع محللي القنوات من حكام و رياضيين .. وحتى المشاهدين .. ولا يحتاج لاي تعليـق ..
مشكور اخوي على الموضوع ...
رد: الديربي الكبير انتهاء (بالتحكيم) هلالياً!!
اقتباس:
المشاركة الأصلية كتبت بواسطة Van Google
الهدف صحيح ... برأي جميع محللي القنوات من حكام و رياضيين .. وحتى المشاهدين .. ولا يحتاج لاي تعليـق ..
مشكور اخوي على الموضوع ...
رد: الديربي الكبير انتهاء (بالتحكيم) هلالياً!!
فقدنا الامل من تحسن التحكيم السعودي00
فأصبحت كل تخبطاته معتاده و ليست بغريبة00
مبروك للهلال و هارد لك للنصر 00
مشكور على الموضوع فان 00
رد: الديربي الكبير انتهاء (بالتحكيم) هلالياً!!
مبروك للهلال الفوز المستحق و هاردلك للنصر.
و هدف النصر صحيح ... والله ما عجبني إلا فهد الروقي في برنامج القرار هههه :D مصر على رأيه انها تسلل على سنتيمتر واحد :bigeyes:. بس جاك عماد و علمه ان الله حق ;)
رد: الديربي الكبير انتهاء (بالتحكيم) هلالياً!!
ههههههههههههههههههههههه
ذكرني لعب النصر بالعب الحواري
احسبوو لي هدف ولا بخرب اللعب
هههههههه
رد: الديربي الكبير انتهاء (بالتحكيم) هلالياً!!
السلام...
والله مساكين النصر امس
انظلموو بشكل غريييب
وهذا الهلال ما يفوزون الا بالغش
ومشكور على الموضوع
تحياتي...
رد: الديربي الكبير انتهاء (بالتحكيم) هلالياً!!
الهدف صحيح .. بس ماكان تصير الاحداث الي صارت !! كأنها اول مره !!
من متى جماهير الرياض .. تسوي شغب مثل كذا وتردد اقذر كلمه .. "كلمة الكاف" !!
لجنة الانضباط نشوف وش بتسوي عن الي حصل .. اشوف البعض بدا يرقع ويقول
من حق الجمهور .. بعذرهم .. هذا احتقان .. هذا ما ادري ايش .. بس النظام نظام
* اكثر من مشجع دخل الملعب .. وكلهم نوين نيه على الحكم !
* طلال المشعل اتوقع يشطب "هو الي شعللها" والخوجلي ممكن يعاقب
وعزيز والدعيع كانوا يهدون طلال .. بس بتقلب على انها تهجم هههه
* الفضيحه الكبرى مسؤول كبير ماله دخل بالتحكيم ولا بالفريقين ينزل
لأرض الملعب ويقول للمطلق "ياخي احسبه هدف وفكنا" !! "عبدالهادي"
* بعد المباراة دينلسون كان يتهجم على الحكم بس لولا بعض الاداريين والله ستر
رد: الديربي الكبير انتهاء (بالتحكيم) هلالياً!!
هذا أنتم يا جماهير الهلال !! .. تتعذرون و تتهربون من الحق !!
مبروك الفوز .. كنتم أحسن بالشوط الثاني !!
لكن و بعدين مع المهازل اللي جالسة تصير ؟!!
اسألوا أنفسكم ليش صار اللي صار من شغب و أحداث !!
لأن الوضع صار لا يطاق !! .. جماهير النصر ما كانت كذا رغم إنه ياما انظلمنا هذي موب أول مرة !!
لكن هدف تعادل .. و قدام المتصدر .. و الدقيقة الأخيرة .. و ما فيها أي شك .. و قدام الهلال !
آخر شي يلغى بطريقة مالها أي مبرر !! .. يعني لو اللقطة فيها شوية شك قلنا معليش !! .. الحكم بشر و يغلط !
لكن لا هو متقدم بسنتي و لا بمترين !! .. من وين جاب هالقرار ؟! .. الله أعلم !!
بعد مهزلة أمس !! .. ما أقول إلا على التحكيم السلام !! .. اشتقنالك يا المهنا !
اقتباس:
من متى جماهير الرياض .. تسوي شغب مثل كذا وتردد اقذر كلمه .. "كلمة الكاف" !!
أبفهم وين سمعتها :33: ؟! .. كنت بالملعب :33: ؟!
ولاّ متأثر بكلام بن فيصل :31: ؟!
رد: الديربي الكبير انتهاء (بالتحكيم) هلالياً!!
اقتباس:
آخر شي يلغى بطريقة مالها أي مبرر !! .. يعني لو اللقطة فيها شوية شك قلنا معليش !! .. الحكم بشر و يغلط !
حبيبي .. لما انلعبت الكوره العرضيه .. كان طلال واخر مدافع هلال تقريبا بنفس الخط !!
وحكامنا دلوووخ صعبه بنظرهم يشوفونها مثل الاوادم .. ونتمنى يحكم الدوري كله اجانب
اقتباس:
أبفهم وين سمعتها ؟! .. كنت بالملعب ؟!
ولاّ متأثر بكلام بن فيصل ؟!
من بعد ماخرب طلال اللعب.. اسمع الجمهور زين وش يقول
وللاسف قذارة ملعب جده وصلت لرياض :(
رد: الديربي الكبير انتهاء (بالتحكيم) هلالياً!!
اقتباس:
المشاركة الأصلية كتبت بواسطة معدل السيارات
السلام...
والله مساكين النصر امس
انظلموو بشكل غريييب
وهذا الهلال ما يفوزون الا بالغش
ومشكور على الموضوع
تحياتي...
ههههههههههههههههههههههه
اي غش واي بطييييييخ
ياحبيبي انت فتح عيونك وشووووف المباااااره
الهلال كان يلعب على بااااب واحد بستثناء العشر دقااااايق الي تفلت فيييه النصررر...
وامس ياني ضحكت ضحك:D
اشووووف جماااهير النصر يبكووون وحالتهم حاله
تقول مبااااره نهائيه ...مووو مبااااره ثلاث نقااااط
بس نعذرهم....لان التعاااادل بحد ذاته مع الهلال بطوووله..
وبالاخير لو نسووووي بطوله كيرم.....ماتفوزون عليناااااا:silly:
وبعديييييين كل هالازعاااااج علشااااان ثلاث نقااااااااط
اجل لووو كاس وش تقلوووون
خلك في ناديك احسن لك....
رد: الديربي الكبير انتهاء (بالتحكيم) هلالياً!!
اقتباس:
المشاركة الأصلية كتبت بواسطة Zinedine Zidane
هذا أنتم يا جماهير الهلال !! .. تتعذرون و تتهربون من الحق !!
مبروك الفوز .. كنتم أحسن بالشوط الثاني !!
لكن و بعدين مع المهازل اللي جالسة تصير ؟!!
اسألوا أنفسكم ليش صار اللي صار من شغب و أحداث !!
لأن الوضع صار لا يطاق !! .. جماهير النصر ما كانت كذا رغم إنه ياما انظلمنا هذي موب أول مرة !!
لكن هدف تعادل .. و قدام المتصدر .. و الدقيقة الأخيرة .. و ما فيها أي شك .. و قدام الهلال !
آخر شي يلغى بطريقة مالها أي مبرر !! .. يعني لو اللقطة فيها شوية شك قلنا معليش !! .. الحكم بشر و يغلط !
لكن لا هو متقدم بسنتي و لا بمترين !! .. من وين جاب هالقرار ؟! .. الله أعلم !!
بعد مهزلة أمس !! .. ما أقول إلا على التحكيم السلام !! .. اشتقنالك يا المهنا !
أبفهم وين سمعتها :33: ؟! .. كنت بالملعب :33: ؟!
ولاّ متأثر بكلام بن فيصل :31: ؟!
مشكلتكم تلصقون كل هزائمكم بالتحكيم ..
من يوم ما عرفت الهلال والنصر وكل مباراة نفوز فيها قلتوا الحكم ..
لا حكم سعودي ولا اجنبي بينفع معاكم ..
11 سنة .. الهلال يكتسح النصر .. وبنكمل 12 سنة الآن .. :D
رد: الديربي الكبير انتهاء (بالتحكيم) هلالياً!!
اقتباس:
من بعد ماخرب طلال اللعب.. اسمع الجمهور زين وش يقول
وللاسف قذارة ملعب جده وصلت لرياض :(
صراحة أنا ما ركزت لهالدرجة :biggthump !
و إن صار هالشي فهو بالفعل مؤسف ! .. لكن هي أول مرة و آخر مره بإذن الله !
جماهير الرياض ما عودتنا على كذا :31: ! .. لكن التحكيم و ما يفعل :12: !
اقتباس:
المشاركة الأصلية كتبت بواسطة زعيم الإحساس
مشكلتكم تلصقون كل هزائمكم بالتحكيم ..
من يوم ما عرفت الهلال والنصر وكل مباراة نفوز فيها قلتوا الحكم ..
لا حكم سعودي ولا اجنبي بينفع معاكم ..
11 سنة .. الهلال يكتسح النصر .. وبنكمل 12 سنة الآن .. :D
لاحظ إنك في ردك هذا .. برضو تهربت من الواقع !
و بعدين ما أدري .. أنا أعتقد إنك فاهم بالدوري السعودي !
و كل فاهم بالدوري السعودي .. يدري إن انتصارات النصر عالهلال أكثر .. و بالأرقام !
أما بالكؤوس عالعين و الراس .. إنتو في آسيا ما في زيكم و أنا أشهد :biggthump !
لكن أعيد و أكرر .. ليش تتهربون :33: .. اللي صار أمس غش و ظلم !
ما في داعي تغيرون الموضوع و تنتقدون الجماهير و المسؤولين !
القضية قضية مبدأ ! .. بآخر دقيقة ينلغى هدف صحيح ؟! .. ليش ؟!
مو من حقنا نقول إن اللي صار ظلم ! .. و لاّ لازم يستمر الغش و نسكت ؟!
رد: الديربي الكبير انتهاء (بالتحكيم) هلالياً!!
اقتباس:
المشاركة الأصلية كتبت بواسطة Modi
من بعد ماخرب طلال اللعب.. اسمع الجمهور زين وش يقول
وللاسف قذارة ملعب جده وصلت لرياض :(
اول شي انا شايف كل الي صار وسمعته زين
الي قاله الجمهور هو:(نبغا العداله ياحكم)
فقط ولم يردد غيره
وارجو انك ماتتعدا حدودك وتغلط على ملعب جده
صحيح اني مو بجده لكن ما ارضاها وعلى فكره جده والرياض والدمام كلهم بالسعوديه
تحياتي...
