شباب ابيكم اتساعدوني بسايلنت هيل 1

السلام

انا بطلب منكم طلبين وانشالله اتساعدوني

اولا .... انا مره قريت بالجريده انه بامكانك انك ما تذبح الشرطيه ( سيبل ) الي راح تقاتلها في مدينة الالعاب ويقولون انك لازم تاخذ بطل القزاز الي خذته من مطبخ المستشفى وانك لما اتهاوشها اتخليها تخلص ذخيرتها من الرصاص

بعدين اتسوي شغله وتطلع لك نهايه مختلفه

الي ابيه الحين هالشي هذا ينطبق على اي صعوبه ؟؟؟ ايزي ولا هارد ولا متعادل ولا كلهم

وشنو المطلوب اسويه بالظبط علشان اخذ النهايه الثانيه او النهايه السعيده


وعلى فكره انا كنت العب بمتعادل ولما وصلت لسيبل حاولن اني اسوي النهايه الثانيه بس مو عارف فابيكم اتساعدوني




ثانيا ....... ابيكم اتقولون لي شنو حل لغز الابراج ؟؟؟

لما اقتل سيبل ووراها تجي داليا وتاخذ بنتها اليسا ...... وراها انا اصحى من النوم والقى نفسي بالمستشفى مره ثانيه

المهم انا خذت المصعد ونزلت تحت ووصلت عند غرفه فيها مجموعه من الصور اثنين على اليمين واثنين على اليسار وبكل صوره شكل من اشكال الابراج ( المقصود بالابراج هي ابراج الطالع مثل برج الحوت والثور والجوزاء ... الخ )


المهم انا ابي حل هاللغز ......... فالي يعرفه يحطه هني ماعليه امر وراح اكون شاكر له

ولا تنسوا اتقولون لي طريقة النهايه الثانيه

والسلام

ها شباب شصار معاكم ؟؟؟؟؟؟؟؟

للرفع

معذرة ً على التأخير .. سأجيب على أسئلتك : -
1 - بالنسبة للشرطية سيبل ....
في إحدى غرف المستشفى .. و بالتحديد في غرفة المدير على ما أذكر ... تفحّص تلك الغرفة جيّداً ... و خلف مكتب المدير ستجد سائل أحمر مسكوب على الأرض .... تفحّصه و استخدم القنينة عنده .... عندها ستحصل على السائل المطلوب ... و عندما تصل إلى الشرطيّة سيبل .. فقط راوغها حتى تفرغ ذخيرتها .. ثمّ رشّ هذا السائل عليها ( حاول أكثر من مرّة لانّ الامر ليس سهلاً ) ..... و بهذا لن تموت الشرطيّة .

2 - أمّا حلّ لغز الأبراج .. فالسرّ يكمن في الأرقام التي تحت الصور و مدلولها ....

يا صاحبي ... الرّقم الذي تحت كلّ صورة يدل على عدد الأطراف الموجودة في الصّورة ....

فمثلاً .. الميزان له كفّتان .. لذلك فإنّ تحته الرقم 2 ...
العقرب له 10 أطراف .. لذلك تحته الرّقم 10 ....
الحوتان ليس لهما اطراف ... لذلك تحتهما الرقم 0 ....

و طريقة الحلّ هي ....

اذهب لوحة الأرقام الخاصّة بالثور .. و اضغط الرقم 4 ( له أربعة أطراف ) .
ثم اذهب إلى لوحة الأرقام الخاصّة ببرج الجوزاء ( الطفلين ) و اضغط على الرقم 8 ( 4 أطراف لكل منهما ).
ثمّ اذهب إلى لوحة الأرقام الخاصّة ببرج القوس .. و اضغط الرقم 6 ( له 6 أطراف ) ....

و عندها ستخرج لك قطعة صخريّة و يُحَلّ اللغز .
:)

مشكور الف الف الف مره



واسف على تاخر ردي بس توني قريت مقالك

والله انا ظننت انه محد راح يرد علي لاني ناشر المقال من ثلاث ايام

وقبل شوي قلت يمكن واحد رد علي


ولا اشوف مقالك :) :)

مشكور حيل والله يكثر من الاعضاء امثالك