السلام عليكم ورحمة الله وبركاتة
كيفكم يالحلوين :kiss:
المهم جبت لكم قصة صارت لي ولاخوي , طبعا القصه هاذي سارت قبل شهرين :ouch:
المهم , انا عندي خال, وخالي هاذا مهووس حيوانات:boggled: , كل يوم يجيب غزلان , غنم ,جمال, ثعابين , تماسيح, ديناصورات <--سحبنا الاخيره :09: .
المهم جا يوم واشترى فيه صقر , اشتراه ب6000 :31: , صقر مكلف متعوب علية <-- والله لو يكتب عربي ويترجم انجليزي ما اشتريه ب6000 الا اذا كان يمديني اركب فوقه واطير ممكن :33: .
عاد ما تدري الا انا واخوي الكبير , نبغى نولف الصقر علينا تشوف نأكله ونشربه , في البدايه كان ما يبغانا :blackeye: , بس بعد فتره الصقر ولف علينا :biggthump .
جا اليوم المشئوم :boggled: , وحل علينا بكامل طاقته المنحوسه :blackeye: .
طلعنا فوق السطوح انا واخوي والصقر , المهم الصقر مربوط فرجله بحبل , جينا نرميه عشان يطير واحنا ماسكين الحبل :أفكر: , نرمي الصقر والله زي الدجاجه ما يرتفع نص صانتي الدجاجة احسن ,
المهم طولنا الحبل شوية وقمنا نرميه والله مكانك راوح نرميه , يطيح قدامي بنص متر ولا ورايه بخمسه سانتي :blackeye: .
قلنا خلينا نفك الحبل ونشوف قديه يرتفع :33: , جينا فكينا الحبل عاد ما تشوفني غير ارمي الصقر على فوق .............................. اطلع يمين ويسار والله الصقر ماله طاري , قاعد الف حول نفسي اشوف فين طاح , فأيت جهه :33: .
فجأه اسمع اخوي الكبير يغني ويطالع فوق " علي علي بطل فليت هيا طر يا جرينديزر " , اول ما سمعته يقول كذا ما تشوفني غير وجهي مشتوف على فوق اطالع :bigeyes: , اشوف والله الصقر ماسك خط طالع فوق كأنه رايح المريخ:blackeye: , عاد ما تشوفني غير اقول "والله ما يوقفه غير الغلاف الجوي هاذا اذا ما اخترقه وراح الشمس ", فهذيك اللحضه المشئومه جا خالي السطح , وجالس يقلنا ها فين الصقر :32: , طبعا اخوي الكبير بايعها , جالس يقول والله الصقر قرر انه يشوف الفضاء فيه اكسجين ولا لا, وشويه يرجع ان شاء الله .
طبعا خالي طلعت فوق راسة حاجات غريبه اعتقد انها ارواح :boggled: .
جا يلف يمين ويسار يدور عليا , ما شاء الله فهم الهرجه كلها بمجرد ان شاف وجه اخويا الي زي هاذا الشكل :32: .
طبعا البقيه ما راح اقلكم هيا لانه حصل فلم مرعب ليا واخاف عليكم انكم تتحلموا بالمنظر >_<
