..:: متن السفينة ::..

السلام عليكم ورحمة الله وبركاته
وش اخباركم حبايبي هذا أنا قد عدت بعد انقطاع طويل سواء عن المنتدى أو التصميم واحب أن اعرض عليكم تصميم عملته واعتبرها محاوله خجوله جدا بعد انقطاع تجاوز العام تقريبا عن تصميم البطاقات واتمنى ان يحوز عملي المتواضع استحسانكم .... وقد اخترت كلمات الشاعر الكويتي المبدع حامد زيد لهذه البطاقه واليكم كلمات القصيده كامله :

ضاقت وساع الفيافي والوعد متن السفينة .. للطريق اللي دعاني بعد أمان الله وأمانه
لا تناديني وصوني قلبك الله لا يهينه .. لا يراهن في رجوعي لأجل ما يخسر رهانه
أنا ليه ما أرحل عن غرامتش بعد ما ذقت الغبينه .. اذكري لي شي واحد يستحق أقعد عشانه
قلب ما حن لوصالي ماني بحاجة حنينه .. وأشهد انه ما يعزر بالرفيع الا هوانه
الهوى الغدار حد الله ما بيني وبينه .. والرجل لا خير فيه إن ما حفظ قدره وصانه
واحد مثلي الى من حدته عوجا سنينه .. ما شكى لأقرب ابن أدم لو هو أغلى من إخوانه
يوم قلبي ما عصاتش وما قدرتي تذبحينه .. ليه خنتي فيه وانتي معه من نفس الديانه
كان ذبحي بيدتش أرحملي من اللي تفعلينه .. وان طلبتش تذبحيني ما ذبحتيني لعانه
كل جرح من جروحي تذكرينه تنكرينه .. كن مالتش في نزيفه يد خانة بالامانه
ينزف الخافق تواضع لين لطختي جبينه .. والا انا ما كنت أبيها توصل لحد الاهانه
قلت من باب الميانه صاحبتش وتعذبينه .. إعنبوتش إرخي معي شوي هذي ما صارت ميانه
طعت عقلتش يوم قيل ان العقل بالبنت زينه .. لكن الشرهه علي لأني كنت أحسب إنتش إتكانه
من بعد ما كنتي انتي في حشاي أغلى سجينه .. بوعدتش بطلق سراحتش واتهمني بالادانه
وين رايح لاي درب ما يرجع للمدينه .. ليه رايح لان قلبتش ما ترك قلبي وشانه
كيف أبنسى ربي اللي ملهم القلب السكينه .. مثل ما عانه في قربتش لا نوى فرقاتش عانه
كان يجرح أطراف السكاكين السنينه .. ما يطيح وبنت مثلتش حبها هزت كيانه
والا أنا خابر خفوقي ما يمد الا الثمينه .. وإن بغى يغيض الثريا قعد القمرى وزانه
مزعل لاجلتش هنوف رجة عقول رزينه .. وان تهادت بالطريق الجرهدي تزهر جنانه
جادل كن الجمال قبالها كتف يدينه .. والقمر لو شاورت له ينزح وتقعد مكانه
كانت أول من تحكم في فروع الياسمينه .. وان تعدتهن تفنن خيزرانه خيزرانه
بعتها لاجلتش وصارت لأصغر اطرافتش رهينه .. والا هي لفتت هدبها تغمرتش ثقل ورزانه
والخفوق اللي تغذى من معزة والدينه .. مشكلته ان تعلق في زمن ما هو زمانه
كل ما زادت جراحه وإكتشف غلطت ظنينه .. صدقيه ان قال مابه شخص يستاهل حنانه
يوم نادى يا فلانه ما رضيتي تسمعينه .. لين صوت يا فلانه يا فلانه
كنت أشوفتش زعفرانه تقرض الورد وتدينه .. يمكن اني ما قطفتش بس كنت اشوفتش زعفرانه
كنت اهاب البعد عنتش واطلبتش لا تذكرينه .. كان خوف من الفراق وخطوة الفرقى جبانه
ما اقتنعت ان الخيانه للرجل تلوي يمينه .. لين الله بعثتش وذقت من طعم الخيانه
اسمحيلي ما بقى فيني مكان تطعنينه .. واقبلي من جوف قلبي كل عطفه وامتنانه
والله الله في عذابتش بتركتش عينتش بعينه .. ذلليه ولا يرده عن شقاتش الا لسانه
أما انا قررت اسافر وامتطي ظهر السفينه .. لان مابه شي واحد يستحق اقعد عشانه
.. التصمــــــــــــيم ..
http://snoop.jeeran.com/doncal.jpg

سلالالالالالالالالالالالالام

الله الله الله
ماشاء الله تبارك الله
الالوان رائعة والزخارف جميلة والعمل عال العال
هذه ليست بطاقة ... البطائق صغيرة يا ناصر

لكن العمل خلاب

تصاميمك يا ناصر من اروع ما شاهدت ماشاء الله

الله يوفقك ,,

ما شاء الله

تصميم رائع واختيار موفق للالوان

تذكرنى بلوحة زيتيه ^ ^

بالتوفيق اخى

تصميم متميز كالعادة ما شاء الله
إن فضيت مرة أبجرب أقلد استايلك في تصميم بطاقة >> ما صمم الا بطاقتين في حياته مشي حالك وما ضبطهم :P

لا تحرمنا من جديدك يا ناصر .. ومقدمتك حلوة واللهجة تبعها أحلى :P

نقدي الوحيد ع نوع الخط تبع الكلمات في التصميم ..
لا تحرمنا من جديدك يا ناصر

و عليكم السلام و رحمة الله و بركاته

ما شاء الله على التصميم الرائع. :D و الله أنا أنصدمت أنك تعرض تصميم عندنا. قلت أكيد تصميم حلو حتى من غير ما أشوفه.

تعجبني طريقة تصميمك، دقيقة و رومانسية. الألوان رهيبة و صورة الحرمة بعد جميلة جداً و فيها سحر خاص و الأدوات اللي أستخدمتها ناعمة و مناسبة و منسجمة مع التصميم.

ما شاء الله عليك يا أخي ناصر، الله يبارك فيك و في أهلك و في الأمة الإسلامية. :09: :D

لا تحرمنا من جديدك، و على طول أول ما تصمم أعرضها لنا هني. :)

جزاك الله خيراً. :)

تصميم رائع اخوي لكن ياريت تصغره شوي

أهلين
عزيزي The Coder
هلا والله حبيبي ألف شكر لتشريفك الموضوع ....
واعمالي لا تصل الى روعة تواجدك يا الغالي ...
عزيزي Royal Slayer
الف شكر والله وهذا من ذوقك حبيبي ..
عزيزي HaMaNi
هلا والله حبيبي والله شرفني تواجدك في الموضوع .. سواء الاستايل اللي أتبعه في أعمالي أو أي استايل اخر لو نويت بتسوي أفضل من اللي تشوفه لأنك قادر على هالشي بحكم مقدرتك العمل على البرنامج وذوقك العالي وكلامك لا يدل الا على تواضعك الكبير ... ملاحظتك على العين والراس حبيبي
عزيزتي Empress uae
هلا بغاليتي الامبراطوره ألف شكر على تواجدك يا الغاليه .. سلامات لا يكون صار فيك شي من الصدمه :09: .. غاليتي هذا التصميم لم أعرضه في أي منتدى أخر .. وكلامك عن التصميم يدل على ذوقك وروحك الحلوه اللي تشوف كل شي حولها حلو والله يبارك فيك ويبارك في كل الموجودين..
عزيزي H.warrior
هلا فيك حبيبي وألف شكر لتشريفك الموضوع ... ابشر راح أراعي ملاحظتك في أعمالي القادمه ..
.............................................
...................................................... الله لا يحرمني تواجدكم حبايبي .........
..........................سلالالالالالالالالالالالالالالام

مــــا شاء الله :bigeyes:

واااو ..

صـــــراحا ابــــــــداع ..

تنــاسق الالوان مارا نايس ..

الله يعطيك الف عافيا اخوي ..

اول مارا اشوف لك عمل هنا :D

اتمنا اشوف المزيد ^^ ..

و لا تحرمنا من جديدك ..

عاد الإبداع وأهل الإبداع..

حياك الله من جديد أخوي ناصر،،

إن شاء الله تكون رحلتك كانت مليئة بالكنوز والمجوهرات،، واستفدت منها خير الاستفادة..

مرحبا فيك من جديد،،

أخوك

السلامـ عليكمـ ..

رائعه كروعه اعمالك وليس ذلك بالشيء الغريب عنك
احسنت في تناغم الألوان و وضع التفاصيل الصغيره
احسنت في توضيح معاني القصيده المؤلمه نظير الخيانه الجارحه من حب تربع في القلب
احسنت وابدعت
متابعه لأعمالك اخي ,,

.: وفقك الله وسدد خطاك :.

+--------+

هااااااااااااي
كيفك اخوووي؟
ان شاء الله بخير
اخووووووووووي
تصميمك رووووووووعه
اعجبني كثير
خاصه في الدمج وتناسق الألوان
صراحه عمل مبدع يا مبدع
كل شئ بالتصميم رووعه
ننتظر جديدك اخووووووي

+--------+

تحيتي لك
^.~
+--------+

تصميم رائع اخى

رومانسى حزين ما شاء الله علي يديك

أهلين حبايب قلبي ....
عزيزتي MiSsY MoReNo
يا هلا غاليتي الله يعافيك ويخليك انشاءالله وشرفتي موضوعي بتواجدك .. وللمعلومه أنا انقطعت عن المنتدى لمدة تزيد عن سنه ..الله لا يحرمني من طلتك .
عزيزي C.Falcon
هلا بالغالي والله كيفك حبيبي وكيف صحتك .. المشكله انك خلصت الابداع كله وتقول عني مبدع :33:
الله يسلمك والحمدلله اللي وفقني في هالرحله ورجعت معافى والله يوفقني ويوفق الجميع دنيا وأخره .
عزيزتي The Imaginary
هلا والله بغاليتي المبدعه ..الله يسلمك ويخليك والروعه تواجدك ..والله يسعدني ويشرفني لما يكون هناك مبدعين يتابعون أعمالي .
عزيزتي almalak-alhur
هلا والله غاليتي الله يسلمك ويخليك والموضوع ما يحلى الا بتشريفكم له .
عزيزي احمد محمود دعاء
يا هلا فيك يا الغالي الله يسلمك حبيبي وهذا من ذوقك يا غالي .
.............................................. الله لا يحرمنا من تواجدكم حبايبي ...
.............................. سلالالالالالالالالالالالالالالام

+--------+
اخوي .. ناصر
انا ولد مو بنت
ليه الكل يفكرني بنت -_-"
عــ العموم حصل خير

+--------+

تحيتي لك
^.~
+--------+

السلام عليكم و رحمة الله

والله ديزاين روعه جداً ... الالوان و الدمج و الزخارف كل شيء احترافي في هذا التصميم

Good job

تحياااتــي