( فريكونس ) لعبه رائعه اخرى قادمه للسوني 2
السلام عليكم
انا قبل مده نشرت قائمه بالالعاب الي نازله على السوني 2 او الي راح تنزل
وتظمنت القائمه الكثير من الالعاب الي اعضاء المنتدى مايعرفونها
وانا هني بحاول اعطاء فكره عن هالالعاب ومستواها ومدى جودتها
طبعا الكلام الي اقوله عن اللعبه راح يكون ترجمه للمواقع الاخرى المختصه بالعاب الفيديو لاني انا ماعندي السوني 2 للحين ( باشتريها اول هالشهر انشالله :) )
اليوم راح نتكلم عن اللعبه ( Frequency )
اسم اللعبه : ( Frequency )
الشركه المنتجه : Harmonix
نوع اللعبه : العاب اخرى
الجهاز : ps 2
البلاي ستيشن 2 ومثل ماكانت اتسوي البلاي ستيشن 1 تعطينا العاب بافكار جديده وجميله
ومن الالعاب الي نزلت على السوني 2 ( ام تي في ميوزك جنريتر ) والي فيها تقوم بصناعة الموسيقى وعلى جهازك .... جهاز السوني 2
بس هالشي في لعبة ( فريكونسي ) او ( الشفره ) لو ترجمناها للعربي ... هالشي مختلف في هذه اللعبه
في هذه اللعبه ( ومثل ماقريته بموقع ايجن ) راح تمشي بقناة تحتوي نغمات موسيقيه ( مثل الطبل ... الجيتار .... الخ ) وراح تكون عندك قائمه من الازرار يمينك وقدامك ويسارك ( زر المثلث والدائره والمربع والاكس )
وكل ماتضغظها راح تقوم بتجميع المعزوفه الموسيقيه
اللعبه صعبه في البدايه بس راح تتعود لها وراح تقوم بتصنيع الموسيقى الي تبيها
هذا الي اقدر اقوله عن اللعب طبعا اللعبه تحتوي اكثر من هالشي ( طبعا لو اللعبه بايدي لقلت اكثر من جذي )
الجرافيكس ومثل مايقول الموقع رائع وفيه الكثير من الالوان الزاهيه الي راح تخلي عيونك تلمع من هالالوان ... ويمكن يذكرك بلعبة التصويب rez ( ماتعرفها انشالله نتكلم عنها :D )
اما عن الموسيقى ..... فشنو الي تتوقعه من لعبه اساسها تصنيع الموسيقى ؟ بالتاكيد الموسيقى الي في اللعبه هو افظل شي فيها ... الموسيقى فيها خياليه ...... خاصة لما تخلص من تجميع المعزوفه او الاغنيه وتقعد تتسمع لها ........ ومثل ما قلنا انواع الموسيقى فيها متنوعه
التقديرات ( هذي التقديرات ماخوذه من موقع ايجن )
Presentation.......... 7.5
Graphics..................8.0
Sound...................10.0
Gameplay.................9.0
Lasting Appeal.........9.0
التقدير النهائي ........ 9 من 10
عروض للعبه
العرض الاول
العرض الثاني
صور للعبه
