)(.. اعــذرني احــرجتك..)(
السلام عليكم ورحمة الله وبركاته
======
مقدمة بسيطة للأبيات..
عندي درج مليان أوراق مبعثرة...
وقصاصات ورق صغيره وأبيات ضايعة مالها تاريخ ... أو عنوان...
قبل يومين فتحت الدرج واستفزني منظر الأوراق متبعثرة فبديت اقراهم...
وجدت هذي الأبيات في ورقة مغبره P:
ما عليها تاريخ ... قديييييمة و لكم على مستواها P:
و مكتوب بأعلى الورقة ... اعذرني احرجتك ...
======
لا تجرح وتخطي علي من دون أي عذر وسبب
مالي أنا أي ذنب باللي صار في الماضي معاك
مو ذنبي انه في أحد باعك وباحساسك لعب
غرك وداده وانخدعت و فـ آخر القصة نساك
لا تلومني لوم الذي صور لك الخذلان حب
لا تلومني ما كنت أنا أرسم له الخطة وراك
لوم الذي تعدى حدوده بالخيانه والكذب
أما أنا اعرف حدودي واعرف ألزمها معاك
عندي قناعات ومبادئ وعندي أخلاق وأدب
أعرف صوابي واتبعه وما تتبع دروبي خطاك
ما أقول كلمة لاجل أهين إنسان أو أجرح وأسب
و لوصار لي من غير قصد أبقى بشر ماني بملاك
لا تناظر الدنيا بعين العاشق العميا وتحب
انته لعبت بعاطفة قلبك قبل لا يجيك ذاك
كن واقعي لا تبني أحلامك على ساس الكذب
ولا تصدق اللي يقول أحب ويبيع هالكلمة وراك
مو أي واحد لاجل عينه يوقد القلب ويشب
افهم كلامي لا يغرك نجم يضوي في سماك
لا تقول مجروح وأعاني وبسبته ضيعت قلب
ما كن في العالم أحد جرب عنا العاشق سواك
الجم جموح الشوق في قلبك ومن قلبه انسحب
ما يفيدك الحب الذي يرميك في درب الهلاك
ما تفيدك جروحك ودمع العين وحروف العتب
ادفن همومك في فؤادك وخلي أسرارك معاك
غيرك ترى شايل وسط قلبه من الدنيا عجب
واحزان تشيب لك طفل وتهوّن فــ عينك بلاك
بسألك وش ذنبي أنا حطيتني فـ موقف صعب
موقف ولا أحسد عليه ما بين هذا الحل وذاك
صدقني ما يسوى عليك تتعبني كل هذا التعب
كله لاجل قصة قديمه وانتهت الله يهداك
لا تحط في قلبي هموم لا تزيدني حزن و تعب
لا تلومني أرجوك مالي دخل في غلطة هواك
اعذرني احرجتك ولكن جا على بالي العتب
صدمتني والله بكلام بان في حروفه خطاك
أدري أنا كل الحكاية من بدايتها لعب
والحين انهيت الحكاية بصدمة من موقف معاك
علمتني وشلون هذا المزح لا زاد انقلب
والشي لو جاوز حدوده بعكس ما تبغيه جاك
لو شايف انك انظلمت وغلطتي كانت سبب
هذا اعترافي آسفة على كل غلطاتي معاك
By shjoonal3in
رد: )(.. اعــذرني احــرجتك..)(
صح لسانك
قويه و نابعه من القلب هالقصيده
مشكوووووووووووره
ننظتر جديدك
رد: )(.. اعــذرني احــرجتك..)(
صح لسامك يا اختنا الغالية شجون العين
القصيدة حلوة في كل كلمة في كل حرف فيها
الله اعلم عن سبب هذي القصيدة بس بصراحة هي قصدية صورت موقف رهيب
كل شيء حلو في القصيدة الا شيء واحد ما تعودنا عليه منك
هو انك في القافية كررتي كلمة ( معاك ) في 4 ابيات تقريبا و القصيدة من 19 بيت
بالتوفيق يا شجون العين في حياتك الادبية و حياتك كلها بشكل عام
تحياتي
رد: )(.. اعــذرني احــرجتك..)(
اقتباس:
المشاركة الأصلية كتبت بواسطة nawaf2328
صح لسانك
قويه و نابعه من القلب هالقصيده
مشكوووووووووووره
ننظتر جديدك
هلا أخوي نواف ... شكراً عالرد ^^
حياك الله :)
اقتباس:
المشاركة الأصلية كتبت بواسطة UDK
صح لسامك يا اختنا الغالية شجون العين
القصيدة حلوة في كل كلمة في كل حرف فيها
الله اعلم عن سبب هذي القصيدة بس بصراحة هي قصدية صورت موقف رهيب
كل شيء حلو في القصيدة الا شيء واحد ما تعودنا عليه منك
هو انك في القافية كررتي كلمة ( معاك ) في 4 ابيات تقريبا و القصيدة من 19 بيت
بالتوفيق يا شجون العين في حياتك الادبية و حياتك كلها بشكل عام
تحياتي
هلا والله أخوي UDK
بالنسبة للملاحظة أنا كنت متوقعتها بنسبة مليونين بالمية P:
القصيدة قديمة جداً من أول كتاباتي أيامها ما كنت أفكر إني اراعي هالأشياء فيها ...
و قبل لا اعرضها هنا لاحظت نفس الكلام وفكرت إني أعدل فيها...
بس تراجعت خاصة إنها قديمة وإذا غيرتها بتروح روح القصيدة واحساسها...
وبعدين ترى مكررة 5 مرات في عشرين بيت P:
أشكرك عالرد أخوي وحياك الله :)
رد: )(.. اعــذرني احــرجتك..)(
السلام عليكم
ما شاء الله عليك ِ أختي shjoonal3in دائماً مميزه ...
القصيده قديمه ولكن رااائعه ومتميزه مثل ما تعودنا منك ...
إذا لقيتي أي ورقه قدميه مثلها لا تحرمينا :D
أطيب الأمنيات
رد: )(.. اعــذرني احــرجتك..)(
اقتباس:
المشاركة الأصلية كتبت بواسطة Exodia
السلام عليكم
ما شاء الله عليك ِ أختي shjoonal3in دائماً مميزه ...
القصيده قديمه ولكن رااائعه ومتميزه مثل ما تعودنا منك ...
إذا لقيتي أي ورقه قدميه مثلها لا تحرمينا :D
وعليكم السلام ورحمة الله وبركاته
خلاص تم ^^
مشكور أكسوديا على الرد ...
رد: )(.. اعــذرني احــرجتك..)(
صـــــــــــــــــــح لســـــــــــــانك
