خواطر و نثر المكتوب على الجبين..!! ونظرتي له..

اخواني اليكم ما يجول في خاطري..

ارجو ان تقرأوه بتمعن.. وان تشاركوني بردودكم عن نضرتكم تجاه ما يجول في خاطري..

بدايه:

طبعاً كل الكلام الي بقوله مجرد هذيان يعبر عن ما يدور في نفس كاتب الموضوع الي هو انا

وبمساعدة آلة الزمن..

المشهد الاول:.

في يوم من الايام تخيلت.. اني شفت حالي بعد خمسين سنه..

والا انا ذلك الادمي الي حالته لاتسر عدو ولا صديق..

منتف.. ماعندي الي يعيشني يومي.. حارس امن.. والا فراش.. المهم ان الحاله.. لك عليها شوي..

فقاعد اقول.. انو مهما سويت ومهما اجتهدت.. ومهما كافحت.. مصيري معروف..

فلذلك اخربها من اللحين.. ولا ادرس ولا اعمل ولا اسوي ولا شي..

لاني عارف ان نهايتي ذيك النهايه التعيسه..

المشهد الثاني:.

نفس التخيل.. ونفس الرؤيا.. بعد خمسين سنه..

لاكن كان حالي العكس تماماً.. املك من المال ما الله به عليم..

املك من الخدم والحشم.. الشيء الكثير.. املك تلك القصور الكبيره.. وتلك السيارات الفارهه..

فنفس ما قاعد اقول.. انو مهما سويت.. مصيري معروف..

فعشان كذا برضو.. اخربها ولا اشيل هم للدنيا..

لاني عارف مصيري اني بكون ذلك الرجل الثري..

فاخلي الاجتهاد والعلم والسعي على جنب.. وافل.. وانتضر مصيري المعروف..

فاصله:.

لو رقدت وقمت واثرك بعد خمسين عـــام### والا حالك ما يسرك وش تسوي يالبعيـــــــد
عايش لوحدك بعشه مابها غير الحطــــام### اكلتك هم وجروح وقهوتك قيح وصديــــــــد
ولو رقدت وقمت واثرك بعد خمسين عـام### والا جنبك سايقك..وخادمك..والعبيــــــــــــد
وانت ساكن في قصور واجهتها من رخام### والقروش تيجي وتروح..ولارقيب ولا عتيد
في الحالتين انت انت..والمصير التام تــام### مسبقا مكتوب حالك..عنه ماتقدر تحيــــــــد

المشهد الثالث:.

عاد انا وقتها.. قلت اذا كان مصيري مكتوب.. ومعروف.. ولو انه مجهول بالنسبه الي..

فليه التعب.. وليه الحرص.. اترك الايام تاخذني لمصيري المعروف.. يا مريسل

فما ادري.. من يومها تكونت عندي فلسفه..

انه اخرب ابو الدنيا.. ولا اشيل هم.. مصيري والمكتوب بيصير بيصير..

وعلى قول اخواننا اهل مصر الاشقاء

المكتوب على الجبين... لازم تشوفو العين

وبس..

مدري وش رايكم في الكلام الكثير الي انا نفسي ماني فاهمه..

طبعاً هذي مجرد امور دارت في بالي وحبيت اشارككم اياها..

طبعاً حقوق النشر والتوزيع محفوضه وحصريه..

اخوكم: مريسل