الرجاء من ملاك جهاز بلاي ستيشن 3 الدخول

السلام عليكم


أخواني لدي بعض الأسئلة أتمنى الإجابة عليها لأني ناوي اشتري جهاز اليوم وأبي مساعدتكم وأتمنى من اللي يرد يكون جهازة نسخة أمريكية وليس يابانية


1- هل تقدر تدخل على اللايف بدون مشاكل وتنزل كل شي بدون مشاكل من كونك بالخليج ومن هذه الأمور

2- الألعاب باللايف هل من كل دول العالم أو نظام سيرفرات لكل منطقة سيرفر وإذا تدخل على سيرفرات أمريكا هل فيها مشاكل ولا عادي

3- هل جربت تشغل ألعاب يابانية على جهازك الأمريكي وأشتغلت ولا لأ ، يعني فيها نظام ريجن ولا عادي كل الألعاب من كل النسخ تشتغل؟

4- بالنسبة للجهاز هل تحس فيه حرارة ولا عادي؟

5- نصيحتكم أنتظر الأوروبي بعد أسبوع ولا أخذ الامريكي اليوم وأريح نفسي؟



وشاكر لكم تعاونكم



أخوكم
المريييييقة

1- تدخل بدون مشاكل

2-على حسب العبة (انا عندي جهاز ياباني وعندي لعبة موتورستورم العاب مع اي سيرفر اريده

3-انا جهازي ياباني وكل العابي امريكية (الجهاز فري ريجون)

4-لا ما تحس بالحرارة

5-الاوربي احسن لك

السلام عليكم

والله انا نفسك بعد محتاج رد للاستفسارات هذي
الاني ابشتريه ومتردد شنو اخذ

ومشكور
وقواك الله

شباب أنتظروا الأوروبي ، راح يكون معاه ضمان + راح يكون بالسعر الرسمي + التسجيل بالأونلاين راح يكون أسهل ^^

السلام عليكم

يعني الاوربي راح يكون افضل من الامريكي والياباني

وشكرا

يعطيكم العافية شباب

أخوي MSF أنا مو مهم عندي الضمان ولا سعره أنا لوما قلت الألعاب شان شريته من أول ما نزل ب800 دينار بس لو معاه ألعاب سنعة تستاهل بس ماكان فيه شي بس الحين في جم لعبة شدتني ونويت أخذه

والمهم عندي الأسئلة اللي طرحتها وأتمنى إن اللي عنده جواب على الأسئلة يجاوبني بدون آراء لأني أبي أجوبة مو رايكم مع احترامي لآرائكم


وسلالالالالالالالالامزز


أخوكم
المرييييقة

يوم الجمعة اللي جاي في 23 /3 رح يتم اطلاق PS3 الاوروبي في الإمارات في دبي في حفل رح تحييه شاكيرا

نصيحة انتظر هالست أيام القادمة ما رح تخسر شي أبدا

اقتباس:

---

المشاركة الأصلية كتبت بواسطة Raykonen

يوم الجمعة اللي جاي في 23 /3 رح يتم اطلاق PS3 الاوروبي في الإمارات في دبي في حفل رح تحييه شاكيرا

نصيحة انتظر هالست أيام القادمة ما رح تخسر شي أبدا

---

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!


حبيبي مع احترامي لك ... أنا شكو بشكيرا ولا منيرة ولا عباس خان؟؟؟


كلامي واضح (( اللي عنده بلاي ستيشن يرد على أسئلتي )) حضرتك ما رديت إلا على واحد وهو رايك أنطر ولا أخذ الأمريكي ومشكور على نصيحتك بس ماله داعي حفلة شكيرا وبتنزل بالإمارات وراح يوزعون بسبوسة على الحضور أنا شكووو


أنا أصلا بالكويت وماني مستعد أطق درب لي الإمارات عشان حضرة الست شكيرا تعطيني الــps3



أتمنى يا أخوان إللي عنده رد على الأسئلة يرد واللي ما عنده أتمنى إنه ما يتعب نفسه ويكتب وإذا يبي بس يزيد مشاركاته خل يدور موضوع ثاني لأني زهقت وأنا أنطر ردودكم وماكو ليما الحين مع احترامي للكل إلا الأخ العزيز sub_zero هو اللي جبر خاطري برد سنع الواحد يستفيد منه.


وسامحوني


سلالالالالالالالالالالالام

انا جهازي امريكي
1- ادخل على ال اون لاين بدون مشاكل وانزل كل شي بدون مشاكل من كونك بسعودية.
2- العب بل اون لاين ما ادري لاكن انا ادخل والعب بس ما اعرف في الامور التقنية يعني الي يلعبو وياي من وين ما ادري .
3-انا ما جربة بس الي اعرفة ان الالعاب تشتغل ان كانت يابانية او امريكية (لم اجرب) .
4-الجهاز ما فية حرارة (انا اخليه شغال 12 ساعه) .
5-انا اقول انتضر الاوربي مو عشان احسن لان ماحد جربة لحد الحين لاكن عشان نعرف وشو الفرق بينهم وما تندم على اختيارك بعدين (الي صبرك المده الي طافت قادر الصبرك 6 ايام)

الله يوفقك في اختيار الافضل لك .

الأوروبي بينزل في اقل من اسبوع وبالتحديد 22 مارس , + سعره 2500 ريال +تسجيل الاونلاين اسهل + ضمان+ اذا شريته راح يكون محدث بأخر التحديثات مب مثل الامريكي لازم تحمل التحديثات اللي فاتتك + الاوروبي عموما اريح لك خذه وريح بالك



والسلام عليكم....