ياشوق ياليتني وإياك...وأصير يمك وتهنالي

السلام عليكم

هذه الموؤودة وليدة ليلة واحدة وبعملية قيصرية وبشق الأنفس والأم ماتت :boggled:
وبما أنها آآآآآآآآآآآآآخر محاولة نبطية لي قررت عرضها :o

البارحة ياكحيل العيـن

دمعي على الخد همّالي

قمت أتوجد جفاني النوم

ماللهوى درب وآمالي

لابد مانفترق في يوم

أفقدك يوم أجلس لحالي

عمري قضيته بحب فلان

أبكي على حبنا الغالي

أحب شوف الغضي وأفداه

بكل ما لي وأموالي

الشوق يمه قضى مثواه

ياما معه ضاع مرسالي

وجدي على شوفتك ورضاك

ومقابلك يابعد حالي

ياشوق ياليتني وإياك

وأصير يمك وتهنالي

ولا ولد عم ولا خال

ياعلها خيرة الوالي

وختامها ياعزيز الشان

ارفق على جسمك البالي

ارفق على جفنك النعسان

واطعن بقلبي ولاتبالي

وسلاااااااااااااااااااامتكم

يعطيك العافيه اخوي جليس البدر عالقصيد الرائع ,,
لكن ليش هذي اخر محاوله نبطيه ؟؟؟؟؟؟؟؟؟

اقتباس:

---

المشاركة الأصلية كتبت بواسطة جوليا بندلتون

يعطيك العافيه اخوي جليس البدر عالقصيد الرائع ,,
لكن ليش هذي اخر محاوله نبطيه ؟؟؟؟؟؟؟؟؟

---

أهلين وسهلين أختي جوليا
والأروع منه حضورك، بالنسبة للسؤال .........
الإجابة مذكورة بالموضوع. كل الذي أكتبه محاولات ولدي منها الكثير :09: ولكن لاترتقي لأن تُعرض
فتعبت من المحاولة :31:
شكرًا لكِ على التواجد : )

تسلم اشعرك وياليت بعدها عاد بيت

في البداية عظم الله أجرك فيما فقدت :D
وصح لسانك ولاهنت
جميلة جدًا ولونها الموسيقي جميل جدًا ( تعرف اسم مثل هاللون بالشعر النبطي؟ )
المعاني لاتقل روعة عن الموسيقى الشعري
شكرًا لك عليها وان شاءالله نشوف منك الأجمل دائمًأ
يعطيك العافية وبالتوفيق
بدر

اقتباس:

---

السلام عليكم

---

وعليكم السلام

اقتباس:

---

هذه الموؤودة وليدة ليلة واحدة وبعملية قيصرية وبشق الأنفس والأم ماتت :boggled:

---

ماااااااااااااااتت :jap053: كانت ام حنونه <<<< مسوي يعرفها :D :D

اقتباس:

---

وبما أنها آآآآآآآآآآآآآخر محاولة نبطية لي قررت عرضها :o

---

:bigeyes: ليش اش دعوه لا تيأس اخوي جليس البدر
فالشعر احساس
واظنك تملك هذا الاحساس ;)
اعجبني هذا البيت

اقتباس:

---

قمت أتوجد جفاني النوم

ماللهوى درب وآمالي

لابد مانفترق في يوم

أفقدك يوم أجلس لحالي

---

اتمنى ان ارى جديدك قريبا

تحياااااااااااتي

ماذا أقول !!؟؟ و بأي رد سأكتب هنا ؟؟
سلمت يمينك ,, ابيات رائعة ..
وبإنتظار المزيد ..
تحيتي ..

أشكررررركم جزيل الشكر على تنويركم للصفحة

حبيب الكلمة
شكرا جزيلا واعذرني لتأخر الرد :o

بدر
شكر الله سعيكم :D
هذا الهجيني سلمك الله مثل ماتعرف
شكرا بدر على تواجدك : )
بس ماقلت لي تجيز القصيدة لو لا :09:


الأمل الأخير
صحيح هي قالت لي أسلم لها عليك :p
ومشكور على الكلام الحلو

أوريجينال
تسلمين ومشكورة على الإطراء.

اقتباس:

---

المشاركة الأصلية كتبت بواسطة جليس البدر

بدر
شكر الله سعيكم :D
هذا الهجيني سلمك الله مثل ماتعرف
شكرا بدر على تواجدك : )
بس ماقلت لي تجيز القصيدة لو لا :09:

---

وسعيكم ..
أنا اسمع بالهجيني لكن صراحة كل الوان الشعر مالي فيها .. لكن منكم نستفيد شكرًا لك.
أما عن سالفة أجيز القصيدة او لا .. فصراحة ماني بمحل يخولني اجيز أو لا ( انا ادور من يجيزلي الله يسلمك :D )
العفو .. والشكر موصول لك على ماتجينا فيه دائمًا من الجميل
بالتوفيق

يا هلا والله << أخيرا لقاك :D

حياك الله أخوي جليس البدر

وصح لسانك ولا هنت

القصيده مثل العاده جميلة ورائعه

وكان يحتاج لها شي واحد بس ( تغير الخط لأنه أتعب عيني :D )

وتسلم أخوي .. وإن شاء الله نشوف جديدك في القريب ^_^

أطيب تحية

اقتباس:

---

المشاركة الأصلية كتبت بواسطة Mr.FMZ

وسعيكم ..
أنا اسمع بالهجيني لكن صراحة كل الوان الشعر مالي فيها .. لكن منكم نستفيد شكرًا لك.
أما عن سالفة أجيز القصيدة او لا .. فصراحة ماني بمحل يخولني اجيز أو لا ( انا ادور من يجيزلي الله يسلمك :D )
العفو .. والشكر موصول لك على ماتجينا فيه دائمًا من الجميل
بالتوفيق

---

هلااااااااابك بدر
كلك خير وبركة ولوووووووو;) ومشكور على كلامك الحلو :o

اقتباس:

---

المشاركة الأصلية كتبت بواسطة Exodia

يا هلا والله << أخيرا لقاك :D

حياك الله أخوي جليس البدر

وصح لسانك ولا هنت

القصيده مثل العاده جميلة ورائعه

وكان يحتاج لها شي واحد بس ( تغير الخط لأنه أتعب عيني :D )

وتسلم أخوي .. وإن شاء الله نشوف جديدك في القريب ^_^

أطيب تحية

---

ليش مضيعني :D
هلا إكسوديا
جيت وجابك الله قل لي وش أخبار المسابقة اللي معيه لاتنتهي :09:

وبالنسبة للقصيدة المتواضعة أشكرك على إعجابك فيها وإن شاء الله نكبر الخط بالمره الجاية إذا كان فيه :o

سلام عليكم : )

اقتباس:

---

المشاركة الأصلية كتبت بواسطة جليس البدر

ليش مضيعني :D
هلا إكسوديا
جيت وجابك الله قل لي وش أخبار المسابقة اللي معيه لاتنتهي :09:

---

المسابقة تحت المجهر :09:

منتظر بس رأي النقاد ..

والمستخبي هيبان :D