السلام عليكم,,,
"اولا سلامي على جميع اعضاء المنتدى ... المنتدى اللي كانت منه بدايتي في عالم النت من قبل 7 سنوات تقريبا :)... ان شاء الله شياب المنتدى موجودين للحين ويتذكروني فاسلم عليكم جميعا"
http://www.balagh.com/thaqafa/images/126404.jpg
اوبن مايند ..
سكان سريع على المجتمع السعودي المحافظ "كما يقال او كما يراد ان يقال" , ونظره بسيطه على التغيرات اللي صارت خلال السنوات البسيطة اللي مرت وعشناها حنا الشباب .
راح يلاحظ تغيرات كبيرة وبفترة زمنيه قصيرة في
(curve)
التغيرات على اي مجتمع ..
ما ادري هل التقلبات السريعة هي موضه العصر ؟!
المجتمع الاحداث الايام والأسهم السعودية ايضا كلها في موضه واحدة .. ياترى ماهو القاسم المشترك؟؟
http://www.grenc.com/media/361sto114Elan.jpg
هل هي مؤامرة غربية صهيونيه بحيث اذا رسمنا منحنى التغيرات على ورقه ثم اخذنا بثني الورقه من المنتصف ثم قلبناها سنشاهد جملة تتجلى امامنا "لا مكة لا محمد"!!!
ام انها عجلة التقدم والتطور؟
كنا نسمع قبل وحدة لحاله تمشي ولابسة عباة على الراس بالسوق , بتريح شوي وتشرب بيبسي فانكشف شوي من وجهها , شوي ولا جاها واحد تستري يامره هداك الله ..
http://gallery.qcat.net/data/media/77/2005.jpg
كان قبل واحد من الشباب مستانس ومتشقق اخذ تلفون البيت بزاوية على جنب ويجرب بالارقام باخر الليل ويتكلم بكل برستيج ,وهو بنفس الوقت تلقاه "لابس سروال وفنيله داخليه وقاعد يحك بكشته" , ويستانس على البنت اللي تعطيه وجه ..
http://www.americanmessaging.net/equ...er-ex_xtra.jpg
ولا فترة البياجر لما كان يكشخ بالسلسة ويدور فيها حسو عندي بيجير ...
ولا انه كان ماكل علك واخذ الورقة حقت القرطاسة وكتب عليها رقمه ورماها على سعيدة الحظ ... المشكلة مستخسر على نفسه يجيب ورقه زي الناس ..
ماعلينا ...
البنات مستانسات على صور من المجلات وصور كم لاعب يقاله "حلو"!!
ياللللله يجنننن!!
و لاننسى التوصيات اللي تجي ... بلسته من الارقام عشان يتلاقى المحبين ..
من قناة غصب واحد واثنين " وايام البهذلة من متابعة مباراة بالدوري السعودي كل شوي ناقز ويقول نكمل احداث اللقاء على القناة الثانية"..
لين ايام الناس صارت مسنتره على قناة ال بي سي والمستقبل ولا الفيوتشر "تدرون لزوم الاوبن مايند".
http://www.tripoli-lebanon.com/_borders/future-logo.gifhttp://home.att.net/~telkady/lbc.gif
ولا ياحليلهم اللي يطالعون اوربت عشان تجيب الدعايات اتصلوا الان .."يعني اني بشتري والله العالم ليش الاهتمام الزايد"
والمسلسلات المكسكية وقصص الحب والغرام ... ماريا كامري ... اسف قصدر مرسيدس وانت ماشي .. وجتهم فترة بعض البنات يقلدون مشيتها لما مدري وش صارلها ...
جانا الديجتال وجانا الطائر الساخن "الهوتبيرد" ...
بهذي الفترة بعد مرت الامه الاسلامية .. بحروب شيشان وافغانستان واحداث احدعش سبتمبر ... وكانت فترة تقلبات بعد الناس مهتمه بالدين وبالجهاد وحماس ويتناقلون الاخبار ...
وبذا الوقت بدت القنوات العربية يصير لها كاسكيد ري اكشن ... فروم ان نون ستيمولس !!
وكانه واحد قاعد يلاحقهم ... من قنوات الاغاني و الكلبات و ستار اكاديمي و سوبر ستار وبيج برذر ورسائل اس ام اس وحبني ولا تحبني ..
كان اول نشوف الوحدة بجلابيه وكشتها طايرة ولابسه طوق ومشابك وصراخ بالبيت ... والثاني بسروال وفنيله ويحفر بخشمه وشاهي وفصفص ..
شوي شفنا الجينزات الطايحة والسروايل الداخليه بدت تطلع مستانس على السروال ماركة يبي يحلل قيمته الظاهر !! ونظارات شمسيه بعز الليل وغيم بعد تلقاه .... !!وموضه الكشش..
http://www.merci-facteur.com/voeux/1...20man_maxi.gif
وتطور الشعب من ايام رابح والددسن والكرسيدا .. للهمر والرينج لايفانيسيس شعب الكول على طول ..
http://www.alkhaleej.ae/dak/images/2006/06/18/car3.jpg
http://www.ealwan.com/img/viel_02.gif
والعباة اللي على الراس الى كتف وفراشه وسمكه وانت ماشي ... والعصاقيل بدت تطلع وهي ماشيه والعباة تطاير والبرمودا ... ونظارات كانها تشتغل بمحل للتلحيم ... وغطى الراس كانه واحد حاط شماغه بعزا "الا على الطاري ليه الشخصية ذي يسونها بالعزا ؟!"
http://www.ksta.de/ks/images/mdsBild/1149706046992l.jpg
تذكرون ايام البيجر .. وتلفون البيت .. تحسون من زمان ولا ؟؟
ايه تطورنا .. جانا النت والمنتديات والشات والبال توك والماسنجر والجوال والبلوتوث ...
وهذي شغلتنا كل ماطلع شئ وتطلع السالفة المعروفة حرام ومايجوز وممنوع وبالدس الشئ يمشي اصبرله شوي وتلقاه اول من اخذه !! ..
http://gallery.qcat.net/data/media/77/2010.jpg
بدت حركات "الديت" والطلعات بالمطاعم وقعدات الرواقة وسفرات العشاق.. بدت الرومنسيه والهدايا وعيد الحب "وش فيك انت قل فالانتياين يا متخلف" وعيد ميلاد .. حتى تشيلز صار مايلحق نص طلباته كيك وهبي بيرث دي ..
والقهاوي وتفاحتين وجحتين "بطيختين عند بعض الشعوب" صار المساقط عليها بين الشباب والصبايا وجلسات الفنادق ..
البعثات وجت, وشباب وصبايا الشعب السعودي راحو يرفعون روسنا وشعب الاوبن مايند " لازم العلم عشان ندفع بعجلة التقدم الى الامام ونصل الى ماوصلته الدول الموتغدمه والمرأة اصبحت جزء لايتجزأ من المجتمع ولازم تأخذ مكانتها الاجتماعية وتشارك في نمو البلد" ..
كلام حلو نسمعه
مرأة ومرأة تسوق ولا ماتسوق تشتغل ولا ماتشتغل تسافر ولا ماتسافر تتغطى ولا ماتتغطى ..
http://www.samarnet.net/up-pic/uploads/c21baac52d.jpg
صرنا نسمع عن قصص صبايا وشباب الاوبن مايند ... صرنا نشوف قصص الحب عندنا اللي كانت بالافلام ايام اول لما كانوا يأجرونها من رفيق الهندي راعي محل الافلام!!
او صداقات من باب الصداقة والاخوة ...
يعني ليش تصير نظرتك متخلفه وتشوف الاشياء دائما حب ونظرة جنسية ولا اشياء متخلفه ... زملاء وزميلات ..!!
الكلام بعد لقى نصيبه شعب الهاي والباي والياي ..
تطور الشعب لغة وتقنيه وشهادات وعلم وثقافة ...
وبكل مكان زي ما انتو عارفين لازم تلقون فرق واحزاب واختلافات فكرية ... فزي ماهو فيه اوبن مايند .. فيه تنكه مايند !!
شعب الكامري ومخاوي الليل والنهار ... وغير الصنفين "الاوبن والتنكه" عندك فئات مايطلبه المستمعون نق انت واختار وتلقى الفئة اللي تبيها ...
مع هالتنوع كل فئة تدافع عن افكارها وتهاجم الفئات الثانية ... فئة الانفتاح والعلمانيين فئة الارهابيين وفئة الوهابيين وفئه الوسطيين وفئه اللي ماتدري وين الله حاطها فيه وفئه مع الخيل يا شقرا .. وفئه وفئه ماتخلص...
بعد طراطيش الكلام هذي اعطيكم المايك وتقولون رايكم بالتغيرات في
(curve)
الشعب السعودي ...
http://newsimg.bbc.co.uk/media/image...tty203x300.jpghttp://www.chinadaily.com.cn/english...2752148215.jpg
رايكم بتعبير "الاوبن مايند" ... رايكم بالجيل الحالي والجديد ؟؟
http://www.bjwinslow.com/albums/headshots/bj_brain.jpg
وشكرا:D:D:D.
