Hotarubi The purple Butterfly

السلام عليكم
كيفكم جميعا ^__^

اشتقت لوضع موضوع عشان من زمان ما نزلت شيء مع اني عامل اشياء عدة بس مالي مزاج اعرض @@ >> عامل حوالي 20 توقيع + خلفية + درس و لا لي مزاج اعرض شيء خخ

بس اليوم عرض لغاية @@ >> تربيوت تو سومذنغ

من فترة خلصت انيمي كنت اتابعه و هو Basilisk >> تراني مو مثل فاينال اقوم ابحث عن الانيمي متى نزل و هذي الخرابيط خخخ اي انيمي تعجبني شخصياته او الريفيو المختصر عنه انزله او اشتريه

الانيمي من 24 حلقة @@ و صراحة رهيب مرة @@ بالنسبة لي هو افضل انيمي شفته حتى الآن لوول

الموهيم انا خلصت الانيمي من فترة فقلت بعمل خلفية او اي تصميم يتعلق به , بس الكسل و ما يسوي خلاني ااجل و قلت ليما صاحبي يخلص مشاهدة الانيمي بعمل تصميم لشخصية به >> هددت صاحبي اذا ما خلص الانيمي بسرعة بقول له القصة كاملة خخ ما احب اسكت و ما اتكلم عن احداث انيمي عاجبني @@ و سوحقن صاحبي خلصه في يومين كل يوم 12 حلقة << انا كنت اشوف حلقتين كل يوم

الموهيم احترت اي شخصية اختار للعمل
اذا بروح لشخصية تعجبني فهناك شخصية تينزن بس حسيته نذل شوي خخ في الانيمي قلت اشوف شخصية غير , لو بروح لأكثر شخصية تعجبني و هو ياشيمارو (الي حاط صورته افاتار لي) المشكلة الصورة الي عندي له مو حلوة كثير , فقلت اوكي نختار البنت الي تحبه و هي هوتاربي و هي شخصية تعجبني كمان

الموهم كون هوتاربي شعرها بنفسجي و عندها فراشات بنفسجية اخترت العمل يكون بنفسجي على وردي

قمت شغلت كم حلقة من الانيمي و اخذت سكرين شوت بالبور دي في دي
ثم بحثت عن صورة بجودة عالية لهوتاربي

اني واي تقريبا اخذت ساعتين عشان العمل عشان قاعد اجمع اشياء و احاول اكون فكرة @@
خلصت بس احس ابغي اعدل كم شيء و خصوصا طريقة عرض الخط

الكلمات المستخدمة من اغنية النهاية في الحلقة الاولى من نفس الانيمي و هي كالتالي

I melt into your melody

Which whispers in the evening gloom

We feel etrnity in each other’s eyes as you gaze draws us close

And live our blossom in silnece

The drop of our emotion waft and scatter in the spring wind

And they feverishly embracethe turning of the stars

The dream of butterflies collapses

المعلومات العامة

الطبقات: 35-40
الفلاتر: 2
الفرش: 2-3
الصور: مو فاضي احسب :09:
المساحة: 600 في 1000

الموهيم ابغي رايك بطريقة لتنسيق الخط و عرضه @@ انا مو مقتنع حاليا بالطريقة الي عرضت بها الكلمات
في البداية جعلت الكلمات على الجزء العلوي و خففت الشفافية بس حسيت انها بتغطي من الصورة
فغيرت طريقة عرضها
احساسي يقول يفضل اكتب الكلمات بخط من نوعية هاند رايتنغ
بس اكيد ما راح يبين بتلك الطريقة

ان واي هذا هو التصميم

http://www.alra7ba.net/up/files/21-1175546628.jpg

السلام عليكم ورحمة الله وبركاته

هلا احمد

كيف احوالك

التصميم جميل وتجميع موفق للأنيمى ^_^

اللون العام جدا جميل وعجبنى

بالنسبه لوضعية الخط انا اراه مناسب لكن لو تحاول تغير نوع الخط بيكون افضل

الجزء السفلى من العمل متناسق وجميل

الاطار على الجانبين يحتاج الى توازن فى الابعاد

بالتوفيق لك اخى

دمتم فى حفظ الله ورعايته،،

بصراحة
إبدااااااااااااااااااااااع
كأنه بوستر لفلم إنمي سيصدر قرار نزوله في الأسواق عما قريب
الألوان جدا جدا أعجبتني ^^ <<< يمكن لأنه بنفسي وانت تحب هذا اللون
ما شاء الله تبارك الله
هذي التصاميم ولا بلاش اخوي ^^
تصميم لا غبار عليه وما عندي عليه نقد
بالتوفيق لك حبيبي

هوتاروبي سوااااااااااان

يووووووووووه كل بنات بازيليسك يجننو ^^

احم احم

التصميم والله روعه بو حميد عجبني اللون والتنسيق فيه

بالنسبه للأطار من الجوانب احسها حركه ^^

وبعدين الصوره اللي فوق وقت ما وجهها يحمر شي شي ههههههه

اقتباس:

---

بس الكسل و ما يسوي خلاني ااجل

---

عليك كسل اسطوري يا واد ههههههههههه

لا تحرمنا من جديدك

بالتوفيق لك

التصميم جميل متناسق ( نوعا ما )

أعجبني كونه بالطول ( ما حاولت أسويها للآن -على ما أذكر- )

كمان اختيارك للألوان موفق جدا

بالتوفيق

هلا والله اخوي احمد

والله ابدعت ماشاء الله

والألوان من جد متناسقه

والله يعينك على الكسل خخخخخ

والى الأمام

A Y

صراحه دخلت الموضوع وطلعت اكثر من مره ....! ارد ولا لا ..!لانه راح يزعل من ردي

............................؟...

فعلشان كذا قررت ارد والي بيصير يصير .....!

تصميم كبييييييييييييييييير اخيـــــــ ـــــراً ..!

لوووووول

:boggled:

اقل ماينقــــــــــ ـــال عنه ابــــ ـــــداع

صادوه ... ها كيفني معك في الكاميرا الخفيه ............:09: انفع :09:

ونرجع للمحور الحديث

تصميم روعه بجد ابدعت فيه وعجبني الجزء السفلي كثيييييييير وينفع يصير لحاله تصميم

وبرضوو مع الجزء العلوي طلع فكره غريبه وحلوه وجريئه ..

شكرا لك ..

:)

السلام عليكم

شحالك أحمد ؟؟ عساك مرتاح ^_^

التصميم بشكل عام روعه و عاجبني :D

بس اعتقد فيه كم نقطه ما اعجبتني

اول شي حجم التصميم .. كبيير وايد ياخي .. لو كنت جزّئته على تصميمين كان احلى

الألوان رووووعه .. و اعجبني اوفرلاي البنفسجي عالتصميمين ..

دمجك للصور و طريقة وضعها مقتن .. ابدعت فيها ^_^

هذا للي عندي ^__^

لا تحرمنا من إبداعاتك أخوي :)

بالتوفيق

السلام عليكم احمد^^
لوول، الله يعيني على قراءة الموضوع
الأنمي شكله حلو وشخصياته حلوة للتصميم ^.~ >> اهم شيء :09:
مثل عادتك لا تفضل الأنميات ذات الحلقات الطويلة :09: قليلة حلقاته
حاليا احتمال اشوف Tsubasa واكيد راح اعرض بوستر له عن قريب

بالنسبة للتصميم :09: >>> كلام كثير عندي خخخ
شوف، المساحة حلوة مناسبة لبوستر، الصور ممتازة
الخطوط روووعة^^" ابدعت فيها خصوصا اللي تحت
اللي فوق عندي نقد عليه راح اقوله بعدين
اللي مخرب التصميم في نظري هي الصور الصغيرة داخل الإطار
ما عرفت تعرضها بطريقة احسن XD اعتقد انه ممكن تكون افضل من هذا
بالنسبة للخط: انا نفسي احترت وين ممكن يكون مكانه
لأنه ما اعجبني مكانه الحالي، اعتقد ممكن تسوي حركة على الجوانب تحل فيها كل المشاكل
تحط فيها النصوص + ترتب فيها الصور بشكل افضل^^
واذا ممكن اخذ البي اس دي لو سمحت :09: >> البوستر اعجبني وراح اعدل عليه بطريقتي

تصميم أكثر من روعه حمود .. بوستر روعه الصراحه
أماكن الصور عجيبه الصراحه و بعد الدمج و الأشكال
و النص أيضاً .. كله تمام التمام .. لكن فيه نقطتين عندي خخ
الأولى أن التصميم طويل شوي .. لو قصرته شوي ..
و الثانيه أن التصميم وردي <<-- يبغيله كف ها خخ
موفق ^^"
..

اقتباس:

---

بالنسبه لوضعية الخط انا اراه مناسب لكن لو تحاول تغير نوع الخط بيكون افضل

الجزء السفلى من العمل متناسق وجميل

الاطار على الجانبين يحتاج الى توازن فى الابعاد

---

اهلين محمود ^^
امممم تدري انا قصيت الجزء العلوي خخخ و عملت التصميم بس الجزء السفلي و الغيت فكرة وضع الكتابة :09:
بالنسبة للإطار انا تعمدت ما اوازن الابعاد بس زدت سمك الإطار الايسر شوي في التعديل >> مالي مزاج ارفع التعديل خخ

اقتباس:

---

بصراحة
إبدااااااااااااااااااااااع
كأنه بوستر لفلم إنمي سيصدر قرار نزوله في الأسواق عما قريب
الألوان جدا جدا أعجبتني ^^ <<< يمكن لأنه بنفسي وانت تحب هذا اللون
ما شاء الله تبارك الله
هذي التصاميم ولا بلاش اخوي ^^
تصميم لا غبار عليه وما عندي عليه نقد
بالتوفيق لك حبيبي

---

هذا من ذوقك دارك :)
ميرسي جدا على كلامك الحلو و مرورك :)
بالتوفيق الك كمان و لا تحرمنا من طلتك :)

اقتباس:

---

هوتاروبي سوااااااااااان

يووووووووووه كل بنات بازيليسك يجننو ^^

احم احم

التصميم والله روعه بو حميد عجبني اللون والتنسيق فيه

بالنسبه للأطار من الجوانب احسها حركه ^^

وبعدين الصوره اللي فوق وقت ما وجهها يحمر شي شي ههههههه

---

ههههههههههههه اصحابي معلقين على اوكايي @@ يقولون احلى بنت في الانيمي خخخ
انا اقول لهم يعني مو ذاك الزود , انا صج انقهرت لما ماتت عشان اخوها سايمون لا اكثر
و كرهت السبال الي ذبحها خخخخخ و لسا منقهر ان موته كانت سهلة
لو انا كنت الكاتب كنت بعذب السبال هذا تعذيب درجة اولى بعدها يموت خخخخ

ميرسي جدا على ردك شيد ^^
منور بطلتك و ردك :09:
مع السلامة

هاااي ^.^

>>> كح كح غبار لووووول
طلعت عيوني وانا اقرأ الكلام @.@
لوووول
بس التصميم كوووووووووووووووول
الخط حلو وايد طبعا هذا بالنسبه لي خخخخ عاجبني
لكن مكان الخط شوي مسوي قلق هههههههه
الصور الصغيره اللي حاطهم حلوين وخاصه الثانيه كوووووول الانمي بس البنت في البوستر حسيتها شريره لوول
التصميم ابداع ما شاء الله ^.^
كله طلع سوبر كوووووووووووول
سي ياااا

رووووووووووووووووووووووعه التصميم :bigeyes:
حركااااات والله :biggthump

هممممممم انا اللي اشوفه ان الخط حلووووووووو
والصور اللي مختارها حلوه
والاماكن اللي حاطها فيها اشوفها مناسبه :أفكر:
والاطار طبعا حلووووو

*و الثانيه أن التصميم وردي *
وطبعا اهم شي اللون (بنفسجي ووردي) :09:

هممممممم شكله حلو هالانمي :33:

بالتوفيييييق احمد

التصميم جميل طريقته عجبتني

ما ازيد عن كلام الاخوان

ابدعت ^^

اقتباس:

---

المشاركة الأصلية كتبت بواسطة sleme

التصميم جميل متناسق ( نوعا ما )

أعجبني كونه بالطول ( ما حاولت أسويها للآن -على ما أذكر- )

كمان اختيارك للألوان موفق جدا

بالتوفيق

---

شكرا جزيلا على مرورك اخوي سليمي
و بالتوفيق الك
مع السلامة