ركّب... عدّل...رتّب... ألّف...

السلام عليكم ورحمة الله وبركاته
http://i55.photobucket.com/albums/g1...t-0_0/comp.gif

فكرة المسابقة...
راح أحط لكم شابتر أو شابترين من أي مانجا عندي (طبعاً مع مسح الحوار والصور المخلة للآداب) واللي عليكم أنكم تكونون قصة "مانجا" من هالمقاطع من تأليفكم... راح أحط لكم تفاصيل أكثر:
1- أبعاد الصفحة الوحدة تكون بنفس مقاس صفحات المانجا اللي راح أعرضها لكم
2- بامكانك تبديل المقاطع بمقاطع من صفحات ثانية وبامكانك تخلي الصفحات مثل ما هي بس لازم تكون القصة لها بداية ونهاية (مكتملة يعني)
3- اذا كنت تبي تضيف فقاعات حوار إضافية على مقطع من المقاطع تقدر تقص الفقاعة من مكان أخر وتلصقها على الصورة اللي تبيها (بس الرسم غير مسموح!!)
4- بامكانك مسح جزء من الصورة (كرسمة على الحائط او الملابس أو كتابة على الجدران او دمعة على وجه الشخصية... باختصار المسح مسموح) ويسمح لك بعد تركيب صورتين على بعض
5- تغيير حجم الصورة مسموح أيضا بس إذا كنت مضطر تكبر الصورة راح تقل جودتها مما يأثر على التقييم فيفضل استخدام التصغير بس
6- تقدر تضيف خطوط الايطار بنفسك اذا كنت تبي تصغر ايطار المربع (يعني أداة رسم الخطوط مسموحة في حالة الايطارات بس)
7- اذا كنت حاب تغير اتجاه قراءة المانجا (اي تخليها من اليسار إلى اليمين) فانت حر بس لازم تخبرنا في ردك علشان ما يدوخ راسنا أثناء القراءة
8- بامكانك وضع تأثير على بعض الصور (مثلا تاثير على الخلفيات او استخدام التاثيرات اللي هي الفلترز او تغميق الرسمة او تفتيحها او استخدام الفرش للخلفيات كالورود والدوائر علشان تخلي الصورة راكبة على الحوار)
9- ما يقل عدد صفحات المانجا اللي بتسويها عن 6 صفحات
10- لازم تسمي الشخصيات... وانت حر في اختيار جنسياتهم (ويفضل عدم استخدام اسماء الشخصيات الاصلية بس لو تبي تستخدمها انت حر)
11- ممنوع كتابة القصة بلغة غير العربية او الانجليزية (وانت قادر انك تسويها بلهجة بلدك العامية مع ترجمة بعض الكلمات اللي ممكن الأعضاء ما يفهموها)

كيفية اختيار الفائزين:
راح يتم اختيار الفائزين على هذا النحو:
1- اتقان تركيب المقاطع والصور (ولو واحد ما ركب وأخذ الصورة جاهزة هنا بيكون له التقييم كامل لأنها بتكون بشكل نظيف ومرتب ^_^ واحنا ما نظلم أحد) والتقييم بكون ---/10
2- القصة عامة (كملخص) ---/10
3- الحوار ---/10 (ممكن واحد ياخذ درجة كاملة في الحوار اما القصة ما يتعدى النص فالحوار يختلف عن القصة عامة)
4- الإملاء ---/10 طبعا الأخطاء الإملائية راح نحاسب عليها (بس اذا كانت الكلمة مب مفهومة تقدر تترجمها مثل ما ذكرت قبل)

التقييم النهائي بيكون من 40

النقاط الإضافية:
1- التلوين ---/5 اذا جا عضو ولون المانجا يكون له تقييم عليه وراح تضاف النقاط إلى نتيجة التقييم اذا كان ناقص في النقاط الأساسية... بس ما راح يأثر طبعاً في التقليل من مستوى التقييم
2- تصميم غلاف ---/5
3- صفحة للتعريف بالشخصيات ---/5 طبعا اللي بلون وبصمم بياخذ أعلى من اللي بخليها بالاسود والأبيض
و أي إضافات أنتوا حابين تسوونها كلها راح تكون من 5 وما راح تأثر على المعدل

الجوائز...

الفائز الأول
300 نقطة

الفائز الثاني
150 نقطة

الفائز الثالث
75 نقطة

ان شاء الله عجبكم الموضوع

يرجى عدم الرد

يرجى عدم الرد

لا تردون ^.^" نطروا شوي

بقي القليل.....:ponder:

انتهينا :D... أي استفسهار والا ما فهمتوا شي من اللي قلته لا تترددون في السؤال
والسلام عليكم ورحمة الله وبركاته

وين ردودكم يا أعضا؟؟!!
ساعة وآنه أكتب الموضوع وهاي النتيجة T_T
عالعموم... آنه تقريبا خلصت من تركيب مانجتي وتعديلها بس باقي كتابة الحوار وناوية اسوي كفر وصفحة تعريف بالشخصيات "أما التلوين فما أظن ^_^
المهم... بننطر بعد شوي شانسوي

شكرا سينسى على المسابقة الحلوة

بس محتاجين بعض الايضاحات

يعنى هل المطلوب استخدام هذه الصور فقط و تغيير وضعها لتاليف قصة جديدة

و هل يمنع ان نقوم نحن برسم صفحات اخرى ان كانت تخدم فكرة القصة الجديدة

^^
ماشاء الله عليكي سنسي

بصراحة عمل هائل
كان يسعدني أشارككم
بس والله ما أقدر
أتمنى لكم التوفيق
وراح أتابع الموضوع كل ما ادخل إن شاء الله

اقتباس:

---

شكرا سينسى على المسابقة الحلوة

---

العفو حبيبتي ^_^

اقتباس:

---

بس محتاجين بعض الايضاحات

---

وآنه حاضرة

اقتباس:

---

يعنى هل المطلوب استخدام هذه الصور فقط و تغيير وضعها لتاليف قصة جديدة

---

نعم... واذا ما كنتي تبين تغيرين مواضعها عادي ووضحت هالنقطة في الرد الأول

اقتباس:

---

و هل يمنع ان نقوم نحن برسم صفحات اخرى ان كانت تخدم فكرة القصة الجديدة

---

ممنوع منعا باتا... بس التركيب عادي وذكرت هالشي بعد قبل

اقتباس:

---

(بس الرسم غير مسموح!!)

---

اقتباس:

---

ماشاء الله عليكي سنسي
بصراحة عمل هائل

---

شكرا اخوي ^_^

اقتباس:

---

كان يسعدني أشارككم
بس والله ما أقدر

---

لا تقول ما اقدر... حاول... انه الحين في فترة امتحانات وسويتها بالكامل تقريبا... شوف اذا حصلت وقت ابدا فيها بس لا تقول ما اقدر

اقتباس:

---

أتمنى لكم التوفيق
وراح أتابع الموضوع كل ما ادخل إن شاء الله

---

واياك اخوي... ومشكور على تواجدك هنا

مسابقة ممتازة يا سينسي ^^..
لكنها تحتاج وقت طويل حتى المتسابق يخلصها..
متى آخر موعد؟

عادي اذا تبي تشارك خذ راحتك... انه ما حددت لحد الحين بس بيكون تقريبا في وسط شهر 6
لان امتحاناتي بتبدا في العشرينات من هالشهر "ما تعرف بالضبط متى الامتحان !!!"

السلاااام عليكم
حللللللللللوه فكره المسابقه sensei ^^
هممممم
انا بحاول وبشوف شنو بيطلعلي ><"
سلااااااام

حلو جدا ^^! احسبوني معاكم ^^! النهاية المفتوحة هو كل اللي نحتاجه ^^! اقصد المجالات اللي مالها نهاية , هل فكرتوا في الشي دا ^^؟ والله فكرة المسابقة دي جيدة يا سنسي ^^!

هي الإختبارات الأخيرة بعد 3 اسابيع , والأسبوع الجاي عندي 3 ميجورات .. هممم.. بس أستطيع فعلها دا الأسبوع ان شاء الله ^^!

اقتباس:

---

السلاااام عليكم
حللللللللللوه فكره المسابقه sensei ^^
هممممم
انا بحاول وبشوف شنو بيطلعلي ><"
سلااااااام

---

أهلا اختي ^_^ أشكرج على مشاركتج وان شاء الله تفلحين فيها وتكونين من الفايزين

اقتباس:

---

حلو جدا ^^! احسبوني معاكم ^^! النهاية المفتوحة هو كل اللي نحتاجه ^^! اقصد المجالات اللي مالها نهاية , هل فكرتوا في الشي دا ^^؟ والله فكرة المسابقة دي جيدة يا سنسي ^^!

هي الإختبارات الأخيرة بعد 3 اسابيع , والأسبوع الجاي عندي 3 ميجورات .. هممم.. بس أستطيع فعلها دا الأسبوع ان شاء الله ^^!

---

أهلا اخوي ^_^ ما شاء الله عليك لاحظت انك نشيط وايد في هالقسم... الصراحة يبيلك لقب من هالقسم بعد
بالنسبة للنهاية المفتوحة... ممكن تحط نهاية مفتوحة اذا ما كانت تحتاج تتمة... انه احب النهايات المفتوحة بس مب لكل القصص
بس اذا هذا بيعتمد على النقاد فآنه ما راح انقد ^_^
لاني سويت المانجا
المهم... سوي اللي تسويه وانشوف نتيجتك والله يوفقك في عملك
اما عن امتحاناتي... امس سألت عنها وبتبدا في تاريخ 24-5 يعني ما باقي شي... وممكن تاخذ وقت
فآنه حاطة حساب على هالاساس
والسلام عليكم ورحمة الله وبركاته

وأنا ابغى أشارك معكم...

ولكن عندي سؤال: هل من الممكن تغيرأسماء واجهات المحلات؟؟