ليش العرب باللعبه مكروهين !!!؟

السلام عليكم
اخواني انا حبيت اكتب هالموضوع الصغير ردا على بعض الفئات من اللاعبين الي يكرهون تواجد العرب معاهم او بالاصح يكرهون كثرة العرب في سيرفر راجنروك .
اولا يا اخي العزيز العرب مو عبارة عن شخص واحد يخطئ ويصيب , العرب والناس اجمعين فيهم الزين والشين واغلب العرب في السيرفر ونعم و10 انعام فيهم والله مو معنى انك طلب واحد مساعدة وما تجاوب معاك انهم مافيهم خير وممكن الشخص مايقدر وممكن انه يقدر بس مو فاضي وفي ناس صراحة تخليك تكره اللعبه كل كبيرة وصغيرة داشين برايفت شلون اسوي وشلون اسوي !! ياخي لو مادشيت مواقع وشغلت مخك دقيقتين راح تستوعب الي انت تبيه اما انك تبي الشي عالسريع وانت ما تتعب لأ اسمحلي تنسى اللعبه ابرك لك , ثاني شي اذا في شخص ساعدك قوله شكرا ولما تحتاج مساعدة ثانية حاول تشوف غيره ما يكون الضغط كله عليك لان الواحد يدش يلعب يستانس ويساعد اخوانه اما انه يدش يساعد ويساعد ويساعد وبالنهاية ينام لأ مو كلام هذا , فالواحد يا اخوان يحاول انه يدور بالمواقع ويحرك نفسه والامر جدا جدا سهل ولو فيه فايت ممكن يطلب المساعدة والشباب مو مقصرين وادري طولت بالموضوع بس اولا واخيرا اغلب العرب الموجودين في راجنروك 100%
وفي ناس عرب ايضا شوفتهم تجيب المرض بدون ذكر اسماء اما يكون متكبر كونه قديم باللعبه او انه عنده جوبات عاليه او كرافت او غيره وبالنهاية يلقاه GB+1 درجة اولى هاي كوالتي :) :yuck: على شنو شايف نفسك ومسوي نفسك نيوتن يعني وانت لارحت ولا جيت :) على العموم انا مابي اطول بروح الفل :)
بس حبيت ادردش وايضا احب اشكر كل الشكر لاخوي العزيز Moath :kiss: مادري اذا هو من رواد المنتدى او لأ بس هالرجل ونعم فيه وما عليكم قصور انتم وايضا احب انبه اخواني انها لعبه لا اكثر ولا اقل ماله داعي العنصرية او الكراهيه الي بين بعض اللاعبين ونصيحة اخيره
( الي تساعده اليوم لو كان فيه خير راح تلقاه يساعدك بعدين لما تطلبه )

وسامحوني عالاطاله انا سويته خطبة مو موضوع :)
وموفقين خير اخوكم ابو عبدالله



------- انا حطيت اسم معاذ ما اقصد هو الوحيد الي فيه خير بس حطيت اسمه لكي اشكره على حسن اسلوبه وكلامه الطيب ان دل يدل على طيب اصله وماعليكم قصور ---------

الي يبي مواقع عن اللعبه
google -> FFXI

وعليكم السلام

اخوي الكريم ،،،


اذا قلت لاي اجنبي او ياباني انك عربي الاصل فانت منبوذ امامهم، الا بحالة اذا كان في
مجموعة صغيرة او شخص يعرفك يمكن يكون في احترام ..

وسالفة ان بعض الاخوان العرب عندهم تكبر هذا شئ تعودنا عليه
المشكله مو في التكبر المشكله الكبيره البرود وعدم اللامبالاه حتى بين اصحابك
عموما هذا الشئ في الاخير يرجع الى الشخص نفسه ... مع احترامي للجميع :)
ومثل ما تفضلت الزين والشين في كل مكان ياباني او عربي ..


تحيتي لك

والله ياميمو صدقت في كل كلمة قلتها

في العرب الزين وفي البعض ماودك تشوف رقعة وجهه

وفي بعض الأجانب مايكرهوننا علشان اللعبة أصلن العرب حنا العالم كلهم حاقدين علينا :p

وفي ناس تحطهم على الجرح يبرد

اشكركم عالردود وارد واقول ان العرب 70% بالسيرفر ممتازين اما بالنسبة لكراهية الاجانب لنا فما اشوف انهم يكرهوننا يمكن لان شخصيتي بنت هههههههههههههههههه الظاهر هذي الفايدة الوحيدة :)


الحين العموم بيغير شخصيته لووول
ومشكورين وبارك الله فيكم

همممم
اتذكر اني شفت كم مسودة ضد العرب في رجناروك
مثل عربي = كويتي = غني = جيل سيلر ( هاه ؟_؟ )
او واحد يقول للناس لا ترحون راجناروك لان فيه عرب :ponder:
او واحد مسوي بلاك ليست لكل لاعب عربي
و
انا ما احب اعور راسي في اللعبة
اذا الاخ ما يحب العرب
اقدر اسوي بارتي مع ناس غيره
ليش اعقد سالفة و هي بسيطة ؟_؟
( ريد او نينجا = :bigok: )
سلام

اقتباس:

---

المشاركة الأصلية كتبت بواسطة Sub^Seven

اشكركم عالردود وارد واقول ان العرب 70% بالسيرفر ممتازين اما بالنسبة لكراهية الاجانب لنا فما اشوف انهم يكرهوننا يمكن لان شخصيتي بنت هههههههههههههههههه الظاهر هذي الفايدة الوحيدة :)


الحين العموم بيغير شخصيته لووول
ومشكورين وبارك الله فيكم

---

lol

والله في ناس واجد في اللعبة بسبته تدخل اللعبه علشان تسلم عليه أو تسولف معاه

أنا صارت لي مشكلة مع واحد Blue mage هذا الأدمي لاأدنيه ولا يدانيني

ويوم من الأيام دخلنا بارتي لفل 60 ولقيته وانا أقول في نفسي <== وش يبي هالنشبه

المهم الـLeader سواء دعوة لنينجا وسوالي kick وماعلمني السبب ولا يرد علي قلت له الشرهه عليك أنت وجهك من يدخل بارتي معاك

وصار شيء ماتوقعته عدوي البلو سواء Dispand قال أنا ماأرضى للي صار للبلدن

والله الرجال كبر في عيني

والبارتي يوم شافول البلو سواء كذا كلهم سوو Disband :p

وسحبنا على عجوزة النار تدور بارتي ثاني

والبلو الحين من أصدقائي بس عرفت إنه طيب بس لسانه مو نظيف :P

مابقى أحد ماسبه

هههههههههههههههههه والله سالفتك مع البلو سالفه :)
انا معاك انه طيب بس ياخوي الكلمه الطيبه غير انا والله واجد ساعدوني وذكرت معاذ لانه ما ساعدني بس اعزه من الكلمه الطيبة خصوصا الرجال صار معاه موقف وهو انه ولد عمي يبي يبيع شخصيته وكان مضبطني بين فتره وفتره يعطيني جيل فكنت اسولف مع معاذ وقلتله اللعبه صعبه لما يطلب عن ضحك ولا يزعل مني ويقولي انا اخوك ومعاي 600 الف اعتقد ما احتاجها الحين اخذها لو غيره بيقول 100 الف ويكون خايف لا اقوله ايه ابيها :) وامثاله كثير بما فيهم انتم ان شاء الله وشكرا عالردود

انت مع كازنوفا؟
بصراحه لينك شيل فله ^^ كازنوفا <3 http://www.montada.com/images/smilie...icons/kiss.gif

معاذ ونجدي وسلادين والفارس وksa كثيييييييير ناس تحطهم على الجرح يبرأ

السلام علييكم
حبيت اوضح مثل ماقال ابو عبدالله طلب المساعده لها اداب >> بدات الفلسفه
يعني مثلالا تسال واحد مسوي سييك ولا في بارتي ان يساعد تدش بخلاقه جذي ههه
اسال لي فااضي مراات احس بالملل ماكو شغل والله اشوف واحد مسوي شووت اساعده
حتى مره ساعدت بلادن في كوفر كان يبي يعطيني 150 الف قلتله لا يبا خلهم لك
ماساعدتك الا وانا قبل كنت مثلك

لان اذكر مره كنت ابي مساعده في
AF BLM
وماحصلت احد يساعدني وسويت شوووت ولا يساعدني اجنبي
يعني ماتوقعت هالطيبه لي فيه

كنت مسوي ريست بدون دارك ستاف قالي وين الدارك انحرجت منه
قلتله ماعندي مو وياي فلووس

يوم ساعدني وخلص حتى ماطلب مني جيل

ومن باجر رحت اشيك على اغراضي ولا الريال دازلي دارك ستاف
كان سعرها ب 200الف

لا تقولي عربي ليش مايساعدني واجنبي يساعدني
وطبق هالمثل لي يقووول لاحبتك العين ماضمك الدهر
وفي ناس تستاانس لا ساعدتهم

ومره كنت بساعد واحد في
NM
المهم قلتله ترى انا انطرك في المكان بس اخذ الميشن وتعال ونطره ساعه وساعتين اخر شي اوف لاين
ولا من باجر قالي تعال ساعددني
حتى ماعتذر ! ولا قالي السبب لي خلاه يطنشني
ولا اخر شي الريال كان سهران مثلي حس بدوخه وطلع وطنشني
شنوو تسويله هذا؟
المهم شكلي غثيتكم يالله نخلييكم سوري على الاطاله

اقتباس:

---

المشاركة الأصلية كتبت بواسطة Zatar

انت مع كازنوفا؟
بصراحه لينك شيل فله ^^ كازنوفا <3 :kiss:

معاذ ونجدي وسلادين والفارس وksa كثيييييييير ناس تحطهم على الجرح يبرأ

---

نفس ما قلت يالامير :)

وغير كزنوفا واجد وكزنوفا مربوط بلفل 65 وفوق يعني مو من البداية تقدرها مثلا انا شخصيتي للحين 63 :) :)
وكلكم والله ونعم فيكم

KSA فاقدينه عسى مافيه شي

موفقين خير

اقتباس:

---

المشاركة الأصلية كتبت بواسطة Sub^Seven

اشكركم عالردود وارد واقول ان العرب 70% بالسيرفر ممتازين اما بالنسبة لكراهية الاجانب لنا فما اشوف انهم يكرهوننا يمكن لان شخصيتي بنت هههههههههههههههههه الظاهر هذي الفايدة الوحيدة :)


الحين العموم بيغير شخصيته لووول
ومشكورين وبارك الله فيكم

---

70 % زينين ؟ سيرفير راجناروك ؟

يبالك تعكس النسبة تصير 70 % مب زينين

العرب هم الدراما على أصوله سواء بلينك شيل ولا لا ، فيه منهم الله يستر عليهم لو ما سويت اللي يبغونه ولا عاملتهم زين ولا عطيتهم ويه يطلعون عنك إشاعات وينشرونها بين كل العرب ويا كثر هالنوعية.

ويا كثر العرب اللي أفكارهم تروح بعيد ^^

يعني انا بنيه العب من 3 سنوات تقريبا ، لو شافوني مع اجانب ما يقولون شي لكن لو شافوني مع عرب أنواع الكلام والإشاعات تطلع مع إني من النوع اللي تقدر تقول ما يتكلم ابد ولا يعلق ^^ وفيه وايد ناس سوو كويت من اللعبة بسبب الإشاعات (مع انه فيه ريال وحرمته بعد ما سلموا!)

بس بالمقابل فيه عرب ما شاء الله عليهم حلو التعامل معهم

لكن انا بشكل عام أفضل أتعامل مع الاجانب اكثر (كنت في لينك شيل سنغافوري والله روعة)

اغلبهم ما يعرفون اني عربية عبالهم يابانية :09:

في النهاية ياخوي العرب هم اللي سوو هالصورة السيئة عنهم ^^ وانت حر في التعامل سواء مع عرب او لا ، لكن بعد غلط إنه الواحد يحكم عليك من مجرد إنه اسمك عربي

وش هذا التحامل على العرب o,o شوي شوي انا ربعي كلهم عرب ولا شفت منهم الا كل خير بعدين لا اذا عرفت كم (طفل) عربي وال(طفل) ما عليه شرهه فانت لا تحكم على الناس الين تعرف اعمارهم لانها لعبة وفيها صغار السن يعني 15-17 تقريبا بس من 18 اتوقع كلهم يصيرون محترمين والمشاكل تصير باي محل اذا كانت تصير بين الاخوان في بيت واحد شلون في لعبه

ملحوظة : مشكور يا ابو عبد الله على الكلام الي قلته وانا ما سويت شي وهذا اقل من الي انت كنت بتسويه لو اني بمكانك :)

ملحوظة : منهو zatar هذا الي يعرفني وانا ما اعرفه o,o على العموم مشكور على الكلام الي قلته والشباب كلهم معنا في اللينك شيل والله ونعم الي ينضموا جديد والقدامى والي طلعوا وآسف على الاطالة

اشكركم عالردود ولكن يا عزيزي مو مسال اعمار والله في اعمارهم فوق 20 و 25 وعقولهم صغيره فالمسالة مسالة اخلاق وفكر وشكرا
zatar واحد الله يستر عليه واحد من الي يغلونك :)

انا علي امتحان رياضيات بكره
حبي اجي افضح zatar وارطلع لول
zatar = Sladen =P
btw
moath on of the best ppl i ever meet in ffxi ^^
Also Kiraa no mater what he have he still will help and anser anyone who need anything <3
i still remember when i came to ffxi moath offer me his char to farm with it xD and he have 300k he gave me 290k <3
thnx agein
about about arab they r good ppl but they like drama alot =P and they looove to fool each other alot to xD

*عدل الجلسة... ناوي يكتب مقال الاخ :D*

الكلام الي بقوله قدييييم جدا و لا ادري اذا تغير او لا تقريبا قبل سنه الى سنتين... و هذا الي شفته بس ... يمكن فيه اشياء ثانيه ما مرت علي ... >.> ... ويمكن هالكلام كله تغير... يمكن الناس عقلو ...

اول شي

اقتباس:

---

وش قصدك قصدك انيGB و ما عندي سالفة ؟! ...أدري انك تقصدني يا ال *** و ****** و الي فيك ****** الشرهه مهب عليكم الشرهه على الي يدخل المنتدى ال***** حقكم يال**** ... etc etc etc

---

هذي المشكلة الاولى ... اسلوب التعامل الرهيب عندنا يالعرب*الخليج خصوصا :blackeye:* ... الواحد لسانه اطول منه ... و على طول يفترض الشر و انه هو المقصود بكل كلمة تنقال حوله ...

ثاني شي

اقتباس:

---

Arab Linkshell list
Leader[anon]
Arab1[37/10]
Arab2[51/20]
Arab3[75/36]
Arab4[75/37]
Arab5[anon]
Arab6[37/75] |-| @ >< 0 |2 z
Arab7[0/0]
Arab8[18]

=====

Arab8[18]: hey, can you help me get my magicked skull? =D
Leader: sorry busy.
Arab8[18]: k thanks anyway ; ;
...
*after 30 mins*
...
Arab2[52/20]: ya slaaaaaaaaaaaaaaaaaaaaaaam lvl 52!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
Arab2[52/20]: shabab ab3'a ms3dtkm ... AF7... {Help me out}
Arab2[52/20]: shabab weenkm
Leader: sorry busy. ; ;
Arab2[52/20]: ma feeh a7ad thany ? ...
Arab2[52/20]: shabab
Arab2[52/20]: esh a LS al m5ysah hathy ?
Arab2[52/20]: sdg ali gal al-3arab jarab
*Arab2 drops ArabLS pearl*
...
*after 30 mins*
...
Arab8[18]: anyone free now ? ; ;
...

---

الاغلبيه ما عليه من احد اذا بغى مساعدة ... لكن اذا ما احد ساعدة طرطع و زعل و قلب الدنيا فوق تحت ... اناشايف واحد مسوي هالحركة بالضبط!

و اذكر في بداية Arab Knights ما كن فيه الا 4 اشخاص يساعدون ... الباقين الظاهر كانو زينة أو تكملة عدد ...


ثالث شي بالنسبة لي انا لحالي بس xD ...

اقتباس:

---

RandomArab6554: LOOOOOL ams r7t m3 walad 5'ali llbr w b3'yna n6y7 blzleb kan 3'aoyyyy6 marah ma tshoof ga3ah bas..
RandomArab6554: rabk Str LOOOOOOOOOOOOOOOOOOOOOOOOOOOOOOOOOOOOL
RandomArab3542[me]: what? i can't read Arabish ; ;
RandomArab6554: ASKT LA Agi ATWA6A BB6NK!! ... TKLM 3RBY ZY ALNAS WLA ANGL3
RandomArab3542[me]: ... ok ; ;

---

ما اداني ال*Arabish ... مسببلي أزمة xD ...

*Arabish : Arabic Written in English ... Arabish >_>;;;


طبعا الكلام ذا ما ينطبق على الكل ... فيه عرب لو تدور بالسرفرات كلها ما تلقى ابطل منهم ...و ما يحتاج اذكرهم هم يعرفون انفسهم ^^