الموضوع الرسمي للFORZA 2

اليوم اخذت فورزا موتر النسخة الاصليه متوفره بالكويت
جربت اللعبه طبعااا هناااك فرق كبير بين الديمو واللعبة الاصليه
اول شي راح اتكلم عن الاون لاين ابداع الا ماله حدود كما عودتنا مايكروسوفت
اهم النقطة الاق شبه معدوم مافيه اي لاق في الاون لاين الا في بعض المرات اذا كان هناك تصادم كبير بين اكثر من سيارة
وفي مباريات الرانكد تقدر تسوي انفايت حق اصدقائك عادي والاون لاين فيه اكثر طوور
وفيه شغلة عجبتني وايد انه تقدر ترسم على سيارتك وتضيف عليها صور وتصبغها اي لون تبي وتقدر تلعب فيها بالاون لاين عادي مع الاضافات اللي حاطها
وفيه شغلة صج صج روعه اهي بعد ماينتهي السباق تحط الاعاده وتقدر تصور صور فوتوغرافيه حق سيارتك وراح تشوف الصور في موقع الرسمي اللعبه
يعني الصور اللي صورتها راح تنزل على طول في الموقع الرسمي للعبه
والله فيه وايد شغلات بس بعدي ماجربتها توني ماخذ اللعبة ماصارها ثلاث ساعات
وهذي من تصويري

http://homoudnasser.jeeran.com/IMG_038944.jpg

مب غريبة على مايكروسوفت

بس الصورة مب ظاهرة ؟؟

انظباعات ممتازه .. كنت متوقع اشتري اللعبه بس واجهت مشاكل بالتحكم في الديمو خصوصاً اني ما العب العاب السيارات الا نادراً جداً

شكراً لك على الموضوع وواضح ان اللعبه فيها اشياء ممتازه وخصائص رائعه ^^

انشاءلله الصوره تكون ظاهره الحين
http://img525.imageshack.us/img525/8...g038944bs0.jpg

ظهرت والحمدلله

شكراً

كإني شايف الموضوع في منتدى ثاني ونفس الكلام و الصور بالنص
كانه نسخ و لصق

^^^
انا صاحب الموضوع في المنتدى الثاني بعد شوف الجيمر تاج مالي :)

انطباع رائع

حمستني العب الايف فيها

اللعبه قويه وايد


والجرافيكس اقوى واقوى

اكمل الامتحانات وعلى طول اشتريها

وخصوصا انها خاليه من الاق

بس عندي سؤال ! جم شخص يقدرون يلعبون في الايف مع بعض (( 8 صح ؟؟؟

ما شاء الله عليك تسوي مواضيع في منتديين

مبروك اخوي وانشالله قريب اخذها وياريت توضح لنا نظام التزويد واللعبه بشكل مفصل اكثر


تحياتي لك

الايف 8 لا عبين عدل
وبالنسبة للتعديل اكو شغلة اسمها هوم ويطلع عدد السيارات اللي عندك الفلوس اللي عندك
ونفس المكان تقدر تبيع وتشتري سيارااة
واكو مكان مخصص للأضافات مثل الصور وتغيير لون السيارة واضافات اخرى
وتقدر تلعب بسيارتك الخاصة بالاون لاين

اقتباس:

---

الايف 8 لا عبين عدل
وبالنسبة للتعديل اكو شغلة اسمها هوم ويطلع عدد السيارات اللي عندك الفلوس اللي عندك
ونفس المكان تقدر تبيع وتشتري سيارااة
واكو مكان مخصص للأضافات مثل الصور وتغيير لون السيارة واضافات اخرى
وتقدر تلعب بسيارتك الخاصة بالاون لاين

---

رووووعه مشكور على التوضيح

جم شريت اللعبة ؟؟

25 ولا 30 دينار .... واكيد من جيم سنتر النصاب !!!!

20 دينار سعرها حتى استغربت الظاهر يايبين نسخ وايد
عند جيم سنتر عدل

حموووووود علمني قبل مااشتريها بعد بكره

الجرافيكس يختلف في الاون لاين عن اللعب العاادي ولالا ؟؟؟

والثاني لو زودت سيارتي وغيرت في شكلها مثل الجنووط والتيربو والمكينه
اقدر العب فيها اون لاين ولالا

تراني استنى ردك