GamePro و البلايستشن3 .. !

سبعة حلول غير ابتكارية ينشرها موقع GamePro كحلول يستنتجها اي شخص يحمل معلومات طفيفة عن سوق الألعاب لتحويل معادلة الـPS3 إلى معادلة ناجحة ... طبعاً الحلول إلي كتبها Blake Snow في مقالته اصبحت معروفة ومستهلكة عند الكبير والصغير والكل يطالب فيها ما كأنه جاب شيء جديد يعني , المهم حلوله كالتالي:

1- اعترفي بأن هناك مشكلة.
2-اعترفي بالسعر المرتفع.
3-خفضي السعر, الآن !
4-وظفي محامين لتسجيل المزيد من الألعاب الحصرية.
5- روجيه كجهاز ألعاب ليس كـ كمبيوتر خارق.
6-اجعلي التطوير على الجهاز أكثر سهولة.
7- المزيد من الألعاب, رجاءً.

http://www.gamepro.com/sony/ps3/game...s/113928.shtml

مشكلة سوني صارت عامه ما كأنها تعرف بأن التطوير على المعالج سيكون صعب بالأشهر الأولية أو محدودية دخل اللاعبين المادية ... باختصار خصوصية سوني بقراراتها تبقى شؤون سوني ولو روجته كسوبر كمبيوتر ما يجعل من الجهاز مشغل بلو راي أو عارض ملفات ميديا فقط !

1- ارخص مشغل بلو ري
2- most games not for kids
3- السكسآكسس
4-metal gear
5- يستقطب جمهور الكبار أكثر من الصغار (ميزانية عالية) كجهاز ميديا ^^

بالنسبة لي الجهاز حاليا ولا شي
بس ننطر عليه شوي ^^

معاهم حق :ponder:
خاصة في الألعاب وسعر الجهاز :(

صادق بكلامه .. سوني بسياستها الجديده ننتظر هالسنه وش تسوي !

سوني لم تدخل في أجواء المنافسة بعد....


من الواضح أنها تفكر في المستقبل

وشكراً

ليش الكل يتكلم عن السعر.. والله السعر مافي احلا عنه بنسبه لمواصفاته و للمعالج الثوري
السعر يعتبر رخيص بنسبه لجهاز بهذي المواصفات

نفس الكلام كنا نسمعه عن البلي 2 اول مانزل
-سعره مرتفع
-مافيه العاب كثير
-والتطوير عليه صعب
شو صار للبلي 2 في النهايه؟؟

الجهاز تحفه فنيه.. بس ننتظر الالعاب القويه عليه و راح يكون في مقدمة الاجهزه.. هو اصلا في المقدمه من قبل ما ينزل

اقتباس:

---

4-وظفي محامين لتسجيل المزيد من الألعاب الحصرية.
5- روجيه كجهاز ألعاب ليس كـ كمبيوتر خارق.

---

انا أؤيد هذه النقطتين ..

لو تنفذهم سوني .. الجهاز بيتفوق على باقي الاجهزة ..

اما بالنسبة للسعر .. انتظروا حتى 2008 ..
والالعاب نفس الشي

عالعموم شكرا

أنا اقول سعر الجهاز رخيص بالنسبة للمميزات اللي فيه
لكن الألعاب هي الغاليه علينا P :

سوني باقي ما سوت شيء اعتقد.
والألعاب الحلوة جايه في الطريق من SCE .. وان شاء الله نشوف العاب جديده ومبتكره من سوني..
ومع فاينل فانتسي ومتل جير وتكن والباقي بيمشي الجهاز بقوة
وبالتأكيد ألعاب من الشركات الأخرى.. اللي اعتقد مع الوقت راح يرجعوا ويميلوا للـ ps3

شكراً .

اقتباس:

---

المشاركة الأصلية كتبت بواسطة X11

ليش الكل يتكلم عن السعر.. والله السعر مافي احلا عنه بنسبه لمواصفاته و للمعالج الثوري
السعر يعتبر رخيص بنسبه لجهاز بهذي المواصفات

نفس الكلام كنا نسمعه عن البلي 2 اول مانزل
-سعره مرتفع
-مافيه العاب كثير
-والتطوير عليه صعب
شو صار للبلي 2 في النهايه؟؟

الجهاز تحفه فنيه.. بس ننتظر الالعاب القويه عليه و راح يكون في مقدمة الاجهزه.. هو اصلا في المقدمه من قبل ما ينزل

---

اذا انت راضي في غيرك مب راضي واولهم سوني خصوصا بالمبيعات الاخيره دقت سوني مؤشر الخطر فعلااا ووين في المقدمه الله يهديك ... كل المؤشرات تقول انه سوني حاليا في المؤخره

نرجو من سوني رؤية الامر بجديه لانا داخلين على موسم اعياد وكل شركه محضره قنابل نوويه للشركه الثانيه :أفكر:

معادلتي انا تقول:
1-فاينل فانتسي 13
2-ميتال قير سوليد 4
3-ويننق اليفن 11
4-ريزيدنت ايفل 5

وهاذا ما يحتاجه البلايستيشن 3 :D

الي يتعب في الصغر يعش في الكبر ...

اقتباس:

---

ليش الكل يتكلم عن السعر.. والله السعر مافي احلا عنه بنسبه لمواصفاته و للمعالج الثوري

---

الناس تبغي تلعب ..
وعلى فكره أغلب الناس يبغون يستمتعون وما يهتمون بتقنيات العاليه ..
لأنه اولاً وأخيرا هو جهاز العاب يعني الناس تشتريه لتلعب مب كمشغل ميدا ومميزات ثانيه غيره..

اقتباس:

---

-فاينل فانتسي 13
2-ميتال قير سوليد 4
3-ويننق اليفن 11
4-ريزيدنت ايفل 5

---

مب هذه الي تحتاجه هذه عامل لينقذها ...
وعلى قوه هذه الاعاب مابترجعها القمه ..
لأنه الشركات الثانيه عندها العاب قويه بعد ..
فنتيجه ما بتتغير واايد..

اقتباس:

---

PS2 11,097
PS3 8,776

---

اذا البلاي2
منافس قوي للبلاي 3 ..
فما بالكم مع الشركات الثانيه ..

لم تنزل الالعاب بكثره محد راح يفتح موضوع سعر الجهاز لانه ماراح يقاومون الالعاب سالفة سعر الجهاز عذر مو مقنع مافي شي ابلاش يتذمرون كأن سعر الجهاز 2000 دولار الي يبي الجهاز يدفع السعر الي ما يبي يدفع و يتعذر بالسعر المرتفع اشترلك اتاري ابو مليون لعبه و ريح راسك :)

السلام عليكم


بالنسبه للسعر ياأخواني السعر والله شئ عادي

يعنى 2500 ريال سعودي مو رخيصه بالنسبه لجهاز جبار وخارق وكلف تصنيعه 400000000 دولا


يعنى اربعة مائة مليون دولار وصراحه السعر رخيص جدا وفي متناول الجميع ((( عاد احنا مانكون طماعين )))


هادا بالنسبه لنسخة الاوربي النسخ الثانيه مااعرف عنها شئ



بصراحه السعر كله يكمن في البلوراي انا ماااختلف معاكم البلوراي سعره خيالي وغالي

لو ينزلون السعر شويه كان احسن


ودفعة شركة سوني القويه في لعبتين فقط وهيا :


الدوري الياباني هنا راح تشوف الفلوس مزبووووووووط


ميتل جير 4 وراح تخرج لنا قوة البلايستيشن 3 الحقيقيه والبدايه الحقيقه للجهاز الوحش



بالنسبه لحصريتها للألعاب ماعليكم الأيام جايه وراح تشوفون كل الألعاب الحصريه على الجهاز

وبداية حصرية اللألعاب مع لعبة Time Crisys 4 و Kill Zone 2


وعام البلايستيشن 3 هوا عام 2008 م


وعام الأكسبوكس 360 هوا عام 2007 م


وهادا رائي والسلام

بصراحه كلامه صح .. البلاي يعاني من مشاكل حاده ..اعتقد ان سوني غلطت غلطة العمر لما نزلت الجهاز بدون العاب حقيقيه ..

الاكس والوي متفوقين في المبيعات بشكل ملحوظ .... وباين انهم ما يمزحون ابدا ..


لكن ..

بغض النظر عن مشاكل السعر وغيره .... لازم ما نستهين باسلحة البلاي ستيشن .... اتوقع العاب مثل GTA و MGS 4 بتساهم مساهمه كبيره في قفزة الجهاز اللي اعتقد انها جايه جايه مافيها كلام ..

واعتقد ان سوني يمكن تغير من بعض سياساتها تحت الضغط الحالي ..