ليش مستعجلين؟؟؟

السلام عليكم :biggthump
أول مانزل ps1
ماشريناه إلا بعد سنة ونص وكان سعره أول مانزل 2500 ريال (تذكرون ولا لا)
وشريته ب900 مع التطوير عشان الكوبي 300
والps2 أول مانزل نفس الشئ 2000 ريال تقريبا
وشريته بعرض مع ميتال قير أصلية ب1000
نجي لزبدة الموضوع
الps3
يستاهل تشتريه بعد سنة عشان تتوفر ألعاب ويستاهل قيمته ولاننسى الكوبي
لأنه لن يسلم منه
يعني بحسبة بسيطة
يكون سعره نزل 500 ريال بالكثير
تتوفر ألعاب في النت ببلاش
وتقدر تلعب أي لعبة تبغاها من بلاي1 إلى 3
يعني بنكون ربحانين
ألعاب متوفر أكثر من أي وقت مضى (متأثر بدعاية الديزل)
وتذكروا وراء العجلة الندامة

كلامك عين الصواب
حتى انه فيه العاب ب ps2 لسى الواحد مالعبها
ولا تنسى المشاكل الي راح تكون في الاصدارات الاوله راح تتعدل بعد كم شهر او بعد سنه
ومشكور على النصحيه

هممم...


أنا شريت البلي ستيشن 1 أول ما نزل في امريكا لأني وقتها كنت هناك :) وما أتذكر السعر بالظبط كم كان ....بس أكيد ارخص من هنا بمراحل....

البي اس 2 كنت حاجز ومسوي له طلب عن طريق الانترنت من موقع اي بي جيمز EBgames.com وصلني إلى عند البيت 1300 ريال تقريباً مع الشحن :)

والبي اس 3 شريته عن طريق بطاقة ماستر كارد من البنك الأمريكي واللي تخليك تشتري أي شي من سوني بالأقصاط مقسومة على 12 شهر من دون أية فوائد أو رسوم .... يعني طلع علي البي اس 3 بـ209 ريال في الشهر :)

ما أعتقد أني استعجليت في أي وحدة منهم :)

المشكلة السوني3
مافي ألعاب تسوى يعني
خلك على البي سي ولا إذا مستعجل خذ ال360
وفك حالك منها تتوفر الألعاب وترخص تلفزيونات الHD

معاك حق حاليا ما يسوى تشتري بلاي3 لقلة مكتبه العابه وبنفس الوقت سعره ما يستاهل حاليا ..
بس شتسوي .. مجانين سوني كثاار :D المهم انه الجهاز يقعد بالبيت ويزين الغرفه .. !
:blackeye: انا اعتبر من الصرافين بعد ..لأني اشتري الجهاز اول بأول... :ponder:

صراحه الواحد مايستعجل
اولا العاب البلاي ستيشن3 حاليا قليلة
ثانيا اسعارها غالية لان مافي كوبي
ثالثا الانتظار افضل لان في العاب على البلاي ستيشن2 لسه مالعبتها
والين ذلك الوقت يكون البلاي ستيشن3 نزل سعره
والالعاب تكون متوفرة وكمان العاب الكوبي كما ستفيد الدفعات الجديدة في تفادي العيوب
في الاصدارات الاولى والعمل على تطوير الجهاز بشكل افضل مثلما شاهدنا البلاي ستيشن2
في بداياته
قبل كم شهر كان2500 سمعت الحين انه في محل النسر بالسعودية بـ1800 ريال
ما ادري صحيح او لا

كلام منطقي لاكن سعرها خيالي

يتكلم بعضكم عن تفادي مشاكل وعيوب الجهاز التصنيعية في الدفع الأولى ..الجهاز مر عليه أكثر من ستة شهور وليس في رصيده شي يذكر من ناحية العيوب التصنيعية (بخلاف ماحدث مع PSone ومشاكل الحرارة و PS2 ومشاكل قراءة العدسة وقت طرحهما في الاسواق) .. PS3 عدى البداية بسلام ..

أيضاً عن المنسوخ والكوبي ..الأجهزة الأخرى الجديدة X360 و Wii توفر لها الكوبي سريعاً .. بعكس PS3 مستقبل الكوبي عليه مجهول ..

الالعاب وهنا معكم حق في أنها قليلة حالياً ..لكن يوجد منها مايكفي للعب على الجهاز إلى حين طرح مزيد من الألعاب القوية ..

النقطة الأهم وهي أساس الموضوع برايي ..السعر .. وهنا الامر نسبي وماله علاقه بالاستعجال .. اللي عنده مادة ويرى ان سعر الجهاز مناسب أو عادي ماعنده مشاكل حتى لو كان الجهاز بدون ألعاب ..اللي ماعنده مادة أو يرى ان السعر غالي ومرتفع ماراح يشترى حتى لو كان الجهاز مليان ألعاب ..

النقطة ليست السعر
الأهم هي الألعاب حيث
أن السعر تعادل المواصفات
ولكن ليس هناك ألعاب
أشتر لك كرت شاشة جديد ومشي حالك

بعد شهرين راح تكون فيه العاب قويه نازله غير اللي نزل من قبل اعني الالعاب القويه
على ما تختمهم نزلت دفعه ثانيه ......
في اعتقادي ان الماده هي الفاصل في الوقت الحالي ..... انا انشاء الله بعد شهر باخذه
لاني درست الموضع صح مع اوقات صدور الالعاب .........
وصراحه البلاي2 يوم اخذه خذته في وقت متاخر نوعا ما وفاتتني العاب كثيره
لايومك ادورها ....
لذا ما ابي اتوهج مره ثانيه ........
وجهه نظري في الموضوع والسموحــــــه

كلامك صحيح ، بس .. مميزات البلاي ستيشن 3 أكثر من أنها تكون 900 ريال
بصراحة أنا راح أشتريه لما يوصل سعره بين 1500-1900 ريال لأنه بكون سعر مناسب جداً له
و طبعاً الواحد ما يشتري إلا بعد الكوبي ^^