~*~ تقرير مصور عن " النخيـــــل " في عروس الشرقية "الأحســــاء"~*~
السلام عليكم ورحمة الله وبركاته
http://www.up4pal.com/files/2007-6-6-obv0rxlrr.jpg
أقدم لكم هذا التقرير المصور عن النخيل في مدينتي العزيزة الأحساء ...
وعندما نقول نخيل باللهجة الحساوية فنحن لا نعني بها الجمع لكلمة نخلة ...
وانما نقصد الجمع لكلمة " نخل " ..
طبعا هذا يتضارب مع العربية والخ ....لكننا هينا رح نتكلم حساوي × حساوي ..:biggthump
عشان كيدا أوضح لكم معنى كلمة النخل
المقصود به هو المزرعة التي تحتوي على النخيل بشكل رئيسي ...
وأغلب العوائل في الأحساء تمتلك نخيلها الخاصة ..
وغالبا ما يحتوي النخل على عين عشان سقاية الزرع ....وهاذي العين في كثير من الأحيان تكون تصب في بركة تستخدم للسباحة ...
وفي السنوات الأخيرة تحولت الكثير من النخيل إلى ليس مجرد مزارع ...
بل صارت استراحات ...تقام فيها الاجتماعات العائلية والأعراس ...
النخل بالنسبة للحساويين مثل البحر بالنسبة لسكان المناطق الساحلية ....يعني جزء لا يتجزء من مدينتهم ..
وعزيز مرررة على قلوبهم ...
تلاقي الرجال والشباب يسهرو هناك ...وكمانا الاطفال ينبسطو كثييييييييير بس يقولو لهم آخذينكم على النخل :32:
<<< مفتكرينه دزني لاند على غفلة :31: هع
>>> قلت اني ما بتطنز في هالموزوع بس ما أجوز عن طبعي ...خخخخ
السموحة ..نكمل ...
وفي قديم الزمان كانت مكانة النخل أكثر ...وذا نلاحظو من كلام أجدادنا وجداتنا ...
لما يحكو كيف كانو يقطعو هالمشوار الطويل على " القاري " من الفجر عشانا يروحو يشتغلو هناك ..
<<< فضاوة :31: ....يا محلى النوم ذيك الحزة :D ..
دحينا بعد هالمقدمة الثرثارة ...ننتقل للصور ..مع معلومات توضيحية مني عنها .. <<< اخس ... دليلة سياحية :09: على غفلة ...
بس ملاحزة قبل نبتدي ...
1- الصور كبيرة وانا ما صغرتهم لانو ما لي خلق السراحة ولانو مرة كثيرة ويبغالها رفع وشغلة والسراحة حدي منيب فاضية ..
ومعتفسة في سالفة التسجيل حق الجامعة ...:boggled:
2- الصور ممكن بعضها يكون مو ذاك الزود لاني مو محترفة وما كان هدفي اصور باحتراف وسناعة ...
ولانو الكاميرا حق جوالي ... مو الكاميرا الديجيتال
~*~ كيف ابتدأنا ؟ ~*~
في يوم من أيام الصيف الحارة ...
قررنا أن نجتمع احنا وجدتي وخوالي وعيالهم والحريم ...
ونروح نتغدى في النخل ..بس انا ما قدرت اقاوم المناظر الخلابة وقمت لا اراديا اصور وبس <<< اللي يشوفها يقول سائحة امريكية مو حساوية :09: ...
الموهيم ...اول شي رحنا قسم الرجال ...عشان احنا عيلة محافظة فمقسم النخل قسمين ;) ...
قسم رجال يتراوى لي انه مسميينه " الصبخة " بس لا تسألوني ليه لانو علمي علمكم :o
وقسم نساء عشانا الكل ياخذ راحته ...ومسمينه " المنتجع " <<< يقطع الاسامي الفلة والحركات تقولو رايحين ميامي ..:32:
يتبع بعد قليل ...
رد: ~*~ تقرير مصور عن " النخيـــــل " في عروس الشرقية "الأحســــاء"~*~
رد: ~*~ تقرير مصور عن " النخيـــــل " في عروس الشرقية "الأحســــاء"~*~
رد: ~*~ تقرير مصور عن " النخيـــــل " في عروس الشرقية "الأحســــاء"~*~
باااك <<< جالسة في مسن :09:
~*~ قسم الحريم ~*~
هذا هو الجسر اللي صاير فوق فلج من الافلاج حق الري ..بواسطة هالجسر انتقلنا من قسم الرجال لقسم الحريم ..<<< نتبهو بس لا تطيحو :09:
المناظر هينا مررررررة رهيبة :bigeyes: ..شوفو شجرة ورد تجنن ...
وهاذي شجرة ما اعرف وش اسمها :o ...
وهاذي شجرة انا اسميها الكشة خخخخ
وهاذي شجرة ترنج دققو وبتشوفو الترنجات تتدلى :09: ...
وهاذي ترنجة مقربة ...وللي ما يعرف وشو الترنج فهو عبارة عن ليمونة كبيرة خخخخخ وفيها الياف كثييييرة وتتاكل مع الملح :D ...
وهاذي حزازيات على ما اعتقد ...
وهاذي نخلة ولاحظو هذا الغصن اللي شاق الصورة بالنص .احسه رهيب ..:أفكر:
يللا يتبع الجزء الأخير ..
<<< حسافة بتخلص الرحلة .. :02:
رد: ~*~ تقرير مصور عن " النخيـــــل " في عروس الشرقية "الأحســــاء"~*~
تم بحمد الله :)
اتمنى عجبتكم مدينتي الأحساء الحبيبة ..;)
وتذكرو قول النبي الكريم عليه الصلاة والسلام
*( أكرموا عمتكم النخلة )*
تحيات روزا ماريا
رد: ~*~ تقرير مصور عن " النخيـــــل " في عروس الشرقية "الأحســــاء"~*~
السلام عليكم ..
:) ..
ماشاء الله خوش موضوع :D ..
و خوش صور وخاصة النخيل ..
وانا اشوف يدي كل شهر يروح هناك ..
يقول في مزرعه هناك يقعد فيها ..
واذا رد لنا اييب تمر معاه :D ..
بس بصراحه الموضوع عجيب :D ..
وتسلم إيدج ^^ ..
:ciao: ..
رد: ~*~ تقرير مصور عن " النخيـــــل " في عروس الشرقية "الأحســــاء"~*~
وعليكم السلام والرحمة والاكرام ...
ارحب بيك يا طويرج ...اول مرة تنور موزوع من موازيعي :D
اقتباس:
و خوش صور وخاصة النخيل ..
صج والله ؟! :D كويس انهم عجبوك ...
اقتباس:
وانا اشوف يدي كل شهر يروح هناك ..
صج والله ؟! :wow: حركاااااااااات ..
عيل يبي لك في الصيفية تيي معاه ...ترا حدها وناسة ديرتنا ...:biggthump
وفيه عندنا مطاعم ومولات اذا تبي :09:
اقتباس:
واذا رد لنا اييب تمر معاه :D ..
ايييييه ترا تمرنا شي ما فيه منه ..:p
لازم تعترف ... :09: <<< اللي يسمع يقول تحبه والا تتذوقه :31:
اقتباس:
بس بصراحه الموضوع عجيب :D
ردك الاعجب ..:09: <<< مو عارفة شترد :o
الله يسلمك ...
انبسطت بالحيل من ردك ...:D
رد: ~*~ تقرير مصور عن " النخيـــــل " في عروس الشرقية "الأحســــاء"~*~
سلام الله عليكم وعلى يدكم السابع عشر :D
ما شاء الله اختي روزي الصور جميلهـ
وهذا التمر الي بتعطيني منهـ :09:
حلو يسوى ان الواحد يروحلهـ :33:
انا حسبالي بطهـ من بطكم :09:
بس ما شاء الله الصور روعهـ وعجيبهـ ^^
وانا بصراحهـ اروح صوب الحسى بس اصيد سمج وارجع الكويت ^^"
ان شاء الله نزورها بيوم ^^
مشكورهـ اختي عالصور الجميلهـ والموضوع ^^
الله يوفقج
سلام
^ـ^
رد: ~*~ تقرير مصور عن " النخيـــــل " في عروس الشرقية "الأحســــاء"~*~
سلااااااااااااااااام
كيفيك ياحساويه :09:
شكلكم من العقار :D و سمعت ان عندكم جبل نسيت اسمه
يبرد في الصيف ويحر في الشتاء عاد :33:مدري اذا كان صحيح او لا
واااااااااااااااااااااااااااو مشاء الله
اللقطه قووويه والطريق رووووعه
اقول شكلي بروح الحساء :D
تسلم ايدك روزا على الموضوع المتعوب عليه
تحيااااااااااااااتي
رد: ~*~ تقرير مصور عن " النخيـــــل " في عروس الشرقية "الأحســــاء"~*~
السلام عليكم
مشكوره اختي على الموضوع والصور
مدينة الهفوف :09: اقصد الاحساء مدينه جميله
بس ينقصها بس الاشياء لكي تكون مدينه رائعه
وانا جيتها قبل كم سنه
وسكنت في فندق الهفوف ^.^
وزرت جبل قاروه
ورحت كذا مكان
منطقه جميله
ومشهوره بالرطب ^.^
مشكوره على الموضوع مره اخرى ^.^
رد: ~*~ تقرير مصور عن " النخيـــــل " في عروس الشرقية "الأحســــاء"~*~
اهلين روز خخ
كيفك ؟
ما عليكي من التصغير انا عندي الصور لوحدها تتصغر و اقدر اضغط عليها عشان تكبر الصور خخخ
الصور كلها حلوة ^_^ بس الي يشوف البحرين و يقارن بالأحساء اكيد بيختار البحرين خخخخخ
هي احلى xD سكانا و مكانا خخخخ
ميرسي على الموضوع روزا خخخخ
موفقة
See Ya
رد: ~*~ تقرير مصور عن " النخيـــــل " في عروس الشرقية "الأحســــاء"~*~
اقتباس:
سلام الله عليكم وعلى يدكم السابع عشر :D
وعليك السلام وعلى جدك الثامن عشر ... :biggthump
اقتباس:
وهذا التمر الي بتعطيني منهـ :09:
حلو يسوى ان الواحد يروحلهـ :33:
اكيد دام السالفة متعلقة بالبطن 100 % يسوى :09:
اقتباس:
انا حسبالي بطهـ من بطكم :09:
:bigeyes: وش جاب ذا لذا ؟؟ :33:
اقتباس:
بس ما شاء الله الصور روعهـ وعجيبهـ ^^
ثانكس هذا من ذوقك ..:)
اقتباس:
وانا بصراحهـ اروح صوب الحسى بس اصيد سمج وارجع الكويت ^^"
ان شاء الله نزورها بيوم ^^
تعرف تصيد سمك ؟! :wow: حركااااااات
مين علمك صيد ؟! لا يكون جدك الخداي الاكبر :09: ؟!
اقتباس:
مشكورهـ اختي عالصور الجميلهـ والموضوع ^^
الله يوفقج
العفو لا شكر على واجب ...
وحياك الله معانا ..
رد: ~*~ تقرير مصور عن " النخيـــــل " في عروس الشرقية "الأحســــاء"~*~
^^
مجهود طيب أخت روزا ^^
بصراحة ما كنت أعرف المنطقة ولا سمعت عليها من قبل
لوول
شكرا عالمعلومات والصور
لاحظت انها تشبه مدنا المغربية بالصحراء ^^
نفس الشيء تقريبا
شكرا على الموضوع مرة أخرى
ومنكم نستفيد
سلامي
رد: ~*~ تقرير مصور عن " النخيـــــل " في عروس الشرقية "الأحســــاء"~*~
السلام عليكم ورحمة الله وبركاته
الصراحة موضوع متعوب عليه
وصور مشوقة
شكلي بزور الأحساء خلاص <<خلي أخوك يمرني **قطت وجه أليمة:D
:D
بس في البداية أحسبك بتتكلمين عن النخل
بس فهمت
الله يعين أخوياي بشغلهم بهالمعلومات
بقولهم كل شي
<<سارق معلومات:D
واقولهم المعلومات من عندي تعبت عليها
عموماً مشكوووووووووووووووووور
على الموضع والصور
رد: ~*~ تقرير مصور عن " النخيـــــل " في عروس الشرقية "الأحســــاء"~*~
روعة والله؟؟ وبصراحة أنا إذا رحت الشرقية على الخبر ... Only that
عموما لي زيارة لها إن شاء الله.. بس كم تبعد عن الخبر؟؟
سؤال ثاني: أنا من عشاق الصيد (صيد الحيوانات) فهل الأحساء تلبي لي هالرغبة؟؟
