أحداث صارتلي بالسوق ...

السلام عليكم ...
أمس الأهل حنوا علي و قالوا لازم اليوم قصدهم عن أمس .. لازم نروح مناك منزمان ما شفناه <<<<ماصارله سنة وهو فاتح ..:09:

يمكن الأغلبية تقريبا اعرفته <<< "الأفنيوز "

ونا كنت هناك حدثت أشياء غريبة ومنها اللي طفرني ومنها اللي بغيت أتهاوش معاهم ..<<<< داش مقر عسكري مو سوق ..:jap036:

المهم ما أطول عليكم ...الأحداث ..

#أول ما صفطنا السيارة نزلنا ولا نلاقي الحارس على الرصيف قاعد يتهاوش مع تكسي مو راضي يوخر من الرصيف "مايصير يوقف .." فقاله مني ماكو صير يوقف "
رد عليه التكسي <<<أعتقد انه شارب شغله >>>.." خلاص انا يصفط هني" << الأخو جدم السيارة متر .. :jap037:

# انا داخل الأفنيوز كذا مرة فتقريبا أدله شوي <<< رايح دولة ثانيا علشان يبيله دلاله؟!
المهم وطبعا حريم الكويت أشبه بأساطير السوق .. ما يملون أنا أتعب كثر ما أتعب بالحرم عند الطواف والوالدة انطر خل ندش هالمحل .. :jap005:
لكن فجأة ومن غير سابق انذار امي قالت "أوولااا هذا شكبره هالمجمع بس ريولي تعورني .."
انا مني استغربت... الاسطورة تنهزم في الافنيوز .. <<<< جم النتيجة ؟
#رحنا صوب المطاعم الناجحة مثل كنتاكي والماك وغيرها .. ولكن صدمني موقف وهو عائلة تتألف من أم وأب وأخوين تجيهم بنت صغيرة ما تعدت ال9 سنوات شايله الطلب كله .. مادري شيفكر فيه هالابوالظاهر يبي بنته تكون مجسمة ولا حاجة زي كده ..:jap002:

#والسالفة اللي كان ودي أتهاوش فيها هي .. اني كنت قاعد اتمنظر بالشجر الموجود بالمطعم <<<مشتاق حق الغابة >>> وما ألاقي الا أثنين داشين المطعم على هبااال وحسيت انهم لاكينها قبل لا يجون .. و قعدو على الكراسي الطويلة ..ولمحوا بنتين مساكين قاعدين بروحهم ..:jap006:
يوم قامت وحده فيهم تطلب .. توحدو بالأولى وما خلوها وقلة حياء وأدب ماتتتصورونها لدرجة واحد تجرأ وقعد على الكرسي المجاور للبنت ><"
والله كان ودي أقوم أطقه طق ماتتصورون .. يعني صج قلة أدب مو طبيعية ..بس خفت اني أتهاوش معاه وبعدين يقولونلي منو انت علشان ادافع عنها ؟ .. انحرج ..:jap026:

#ويوم قعدنا نفتر بكارفور .. لقينا ولد كبري17 سنة تقريبا .. يقول حق أهله شوفو شوفو ..
وراح شوي شوي ودعم بنت صغيرة "طقه خفيفة مو حيل" والا أنا اخترعت من اللي شفته ... بنت عمرها 5 سنين تقول حق هالولد " مينون انت مينون ما تشوف".. لا تعليق غير "نزغة":jap011:

#وآخر حدث اني ونا كنت بالمطعم الطاولة كانت متسخة بالخشب الناعم"المبشور"
فلزق على بنطروني .. وصار جنه متوصخ .. المهم والناس تناظرني حيل ونا أطالع على نيتي وأبتسم ..:jap004:
وما أطالع الا والكل يطالع البنطرون قلت شدعوه كله من النصر .. وأطالع ولا الوسخ ايييييع أكره اتذكر هالسالفة :jap033:

هذا ما لدي اليوم لكم ^_^
وان شاء الله اكتب لكم عن طلعات ثانية <<<< ورايح تتجسس ؟
والسلام ختام ..

مشكور كابيكا على الموضوع اللطيف

اقتباس:

---

وأخوين تجيهم بنت صغيرة ما تعدت ال9 سنوات شايله الطلب كله .. مادري شيفكر فيه هالابوالظاهر يبي بنته تكون مجسمة ولا حاجة زي كده ..

---

في ناس مساكين عاملين بناتهم شغالات http://abdudeek.jeeran.com/غاضب!.gif

اقتباس:

---

#والسالفة اللي كان ودي أتهاوش فيها هي .. اني كنت قاعد اتمنظر بالشجر الموجود بالمطعم <<<مشتاق حق الغابة >>> وما ألاقي الا أثنين داشين المطعم على هبااال وحسيت انهم لاكينها قبل لا يجون .. و قعدو على الكراسي الطويلة ..ولمحوا بنتين مساكين قاعدين بروحهم ..:jap006:
يوم قامت وحده فيهم تطلب .. توحدو بالأولى وما خلوها وقلة حياء وأدب ماتتتصورونها لدرجة واحد تجرأ وقعد على الكرسي المجاور للبنت ><"
والله كان ودي أقوم أطقه طق ماتتصورون .. يعني صج قلة أدب مو طبيعية ..بس خفت اني أتهاوش معاه وبعدين يقولونلي منو انت علشان ادافع عنها ؟ .. انحرج ..

---

والله قلة أدب بس ذكرتني بواحد أعرفه كان لما حتى تغير البنت مكانها يلحقها!!!
أنا لو مكانك كنت ضربته <=== http://abdudeek.jeeran.com/ضاحك.gif مسوي بطل

اقتباس:

---

فلزق على بنطروني ..

---

أحسن تستاهل
هههههههههههههههههه مشكور على المغامرات ... كلها صارت في طلعة وحدة ,,
كيف لو رحت لحرب ولا شي!!

اقتباس:

---

هذا ما لدي اليوم لكم ^_^
وان شاء الله اكتب لكم عن طلعات ثانية <<<< ورايح تتجسس ؟
والسلام ختام ..

---

بانتظار جديدك..... عاد لا تحرمنا أخي

اقتباس:

---

بنت عمرها 5 سنين تقول حق هالولد " مينون انت مينون ما تشوف

---

كاااااااااااااااااااااااااااااااك
ومشكووور عالموضوع
والبنات سالفتهم عاديه مو ذاك الزود غريبه لكن الغريب

اقتباس:

---

وآخر حدث اني ونا كنت بالمطعم الطاولة كانت متسخة بالخشب الناعم"المبشور

---

معقوله افنيوز وصخ ؟؟؟

ماصارت طلعه هذي ..ياحلات ايامك اذا كلها زي كذا مغامرات XD

حياك الله يا الديك ^_^ .. ومشكور على الرد ...
...
لووووول لا .. لا تخاف يا واسكر انا خذيت هدومي أبد من الاوتي ولبستهم .. لكن صج انا استغربت حيل من هالسالفة ... ألف شكريا على المرور ...

جيرو.. خخخخخخخخخ .. هذي المغامرة اول مرة تصيرلي "ماتشوفني كاتبها" ونا من النوع اللي "لا للسوق"... عالعموم مشكور على المرور ^_^
..

السلام عليكم ورحمة الله وبركاته
مشكوووووور أخوي على هذا الموضوع
هالبنت هذي عمرها خمس سنين وتكلم جذي