السلام عليكم يا اعضاء المنتدي الكرام والله زمان بس كنت مشغول في مشاريعي لاني في بكارليوس هندسه قسم عماره كنت حابب اشاركم تجربتي الشخصيه في حاجه انا بدرس في جامعه خاصه و انا تقريبا اصبحت مهندس و الحمدلله شهاده يحلم بها الكثير من الناس بس انا و انا في فتره التحضير لمشروع التخرج لاقيت اعلان في الجريده عاوزين ناس تشتغل في مطعم بيتزا اسمه PAPA JOHNS المهم قلت انا لسه ادامي الجيش بعد 4 شهور و مش هلاقي شغل في مجالي حاليا لاني لسه فيه تجنيد و غير كده مخدتش الشهاده وطبعا الهندسه شفعتلي كتير في INTERVIEW زي ما قلت اتوافق عليا علطول و الحمدلله انو اول مقابله في حياتي و اتقبل دي مكنتش متوقعها المهم كان الراتب 500 جنيه مصري المهم هو المكان نضييف جدا جدا و بيدخلو ممثلين علطول واشتغلت فيه 5 ايام بالظبط طبعا اتبهدلت , غسيل اطباق و شيل و حط الصراحه كنت ابتديت اتعود عليه و زملائي كانو يستغربو اني مهندس و بشتغل كده و كنت بقولهم لحد الجيش و كان ده بيهون عليهم هههههههه هما معظمهم خريجي سياحه و فنادق المهم في ناس من الاهل شجعوني و قالولي مفيش حد لاقي شغل , يعني معظم الناس كانو دعمني ماعدا امي و اخوتي طبعا بعد الضغط تركت الشغل بس لسه مقدمتش الاستقاله و مش عارف اعمل ايه دلوقت :33:
