اريد ان اضمن مستقبلي باليابان _ ارجوكم افيدوني

السلام عليكم

كيف حالكم؟؟

بصراحة انا طالب مقبل على المرحلة الثانوية الى الصف الاول الثانوي وانا احب اليابان حب لا يوصف فمنذ ان كنت في الصف السادس الإبتدائي احب اتعرف عن كل شي باليابان بس فكرة الدراسة والمستقبل فهذي لي شهر افكر فيها بس ماعندي معلومات ولا شي واخاف يكون تفكيري مجرد وهم فقط لا غير ..!

انا افكر بالدراسة باليابان بعد ان انتهي من الثانوية بس ماعرف شي عن الرحلة واروح وين علشان اقدم اوراق الدراسة وكم اسعار الدراسة هناك والسكن والاكل والشرب والمواصلات ووش فرص الدراسة المتوفرة لنا كعرب وسمعت يوجد دراسة سنة كاملة للغة فقط وطبعا انا ابي اشتغل في تصميم العاب الفيديو جيمز وش المؤهلات وكم سنة الدراسة وكم اسعارها وكيف الشركات تقبل المصمم والخ ....

ارجوكم افيدوني بكل شي منذ بدايتي الى ضمن مستقبلي ^_^

وشكرا لكم

حبيبي عندك خبر ان اليابان
تعتبر من اغلا دول العالم في المعيشه لان اقتصاد دوله قوي
يعني بالعربي يبيلك راس مال عشان تدرس هناك وتعيش

وثاني شي لغه صعبه لدرجة ان حرفين من حروف اليابان تعتبر جمله عندنا
يعني يتكلمون بسطر واحد عن ثلاث سطور بالعربي ولغه صعبه حيل


وثالث شي اذا انت مصمم انك تروح وعندك فلوس
اليابان فيها جامعات كثيره بس مو في برمجة الالعاب لان هل شهاده هاذي
للأسف مالها اي اهتمام في دول الخليج يعني لو تبي ترجع وتشتغل هني
ماراح تشوف الي يهتم فيك الا عاد اذا كنت مبدع هذا شي ثاني

وانشاء الله اكون كفيت وفيت

اخوي انا اقول ياشين الغربه حتى لو معك مليارات خلك في بلدك طال عمرك ازين لك:)

بالتوفيق لك عزيزي وان شاء الله تنفذ احلامك وما يوقف بطريقك شيء
وتصير اشهر من ناكامورا

لا يغريك المحادثة باللغه اليابانيه سهله لكن الكتابة صعبة جد ولازم تكون خطوط عشان تعرف رسم الحروف بشكل صحيح وعلي حسب ما سمعت ان اللغة اليابانية تحتوى 6الالف حرف بالنسبة لتعليم تصميم الجميز تعلم انجليزي اذا هذا هدفك بس للتصميم تحتاج فريق من رسومين مبدعين ببرامج تصميم الجرافيك بجميع انواعها واشخاص يجيدو استخدام برامج ومحركات الالعاب ام الالعاب الثنائية الابعاد البسيطة بامكانك تعلمها من النت من المواقع المنتشرة واغلبها بالانجليزيه

أمريكا أفضل وأرخص وأسهل بكثير

أما اليابان ..فأول شيء أعطينا فكره عن وضعك المادي

انشالله تقدر تحقق اللي في بالك :)